| e-texts navigator |
| Wylie |
29b1 བསྔལ་རྣམས་ལས་འགྲོལ། །སྲེད་པ་ཡིས་ནི་རྟག་ཏུ་བཅིངས། །མི་ཤེས་ལས་དང་སྲེད་པ་ཡིས། །ལུས་ཅན་རྒྱ་ཆེར་ཤིན་ཏུ་བྱས། །གཟུགས་དང་སྣང་བ་ཡིད་བྱེད་དང་། །རྣམ་ཤེས་ཡུལ་ལ་མངོན་གྱུར་པས། །མྱུར་ཕྱིར་ཁོང་དུ་མི་ཆུད་པ། །སྤྱོད་ཡུལ་དུ་ནི་སེམས་རྒྱུ་བའོ། །
29b2 ཡིད་སྔོན་འགྲོ་བ་ཆོས་རྣམས་ཏེ། །ལུས་ཅན་ཀུན་གྱི་དེ་བཞིན་ནོ། །ཡིད་འགྲོ་ཡིད་ནི་གཅེས་པ་དག་།ཡིད་དུ་འོང་བས་ཅིར་མི་བཤད། །གང་དང་གང་གི་རྫས་ཀྱིས་སུ། །མི་རྣམས་སྟུག་པོར་འགྲུབ་པ་ཡི། །དེས་ནི་དེ་ཡི་དངོས་འགྱུར་བ། །སྣ་ཚོགས་གཟུགས་ཀྱི་ནོར་བུ་བཞིན། །
29b3 ཇི་ལྟར་ནོར་བུ་སྣ་ཚོགས་གཟུགས། །ཚོན་དང་འབྱོར་ན་རྣམ་པར་མཛེས། །རྣལ་འབྱོར་ཅན་དབུས་ཁྱོད་དེ་བཞིན། །དེ་བཞིན་གཤེགས་གཟུགས་སྣ་ཚོགས་ཀྱིས། །དབང་སྒྱུར་ཕོ་བྲང་དགེ་བ་ན། །ཐམས་ཅད་དག་ན་སྣང་བ་ནི། །རྒྱལ་བའི་སྲས་ཀྱི་མདུན་དུ་བྱས། །མྱ་ངན་འདའ་དང
29b4 མྱ་ངན་འདས། །སྟུག་པོ་མཐར་མཆོག་ཡེ་ཤེས་ཏེ། །ཆོས་ཀྱི་དབྱིངས་དང་རྫུ་འཕྲུལ་ཡང་། །སྟུག་དེ་རྣལ་འབྱོར་ཅན་གྱི་གནས། །དེ་ནི་མཚོན་གྱིས་མི་ཆོད་དེ། །དེ་ནི་མེས་ཀྱང་མི་ཚིག་པ། །མི་ཆོད་པ་དང་མི་ཕྱེད་པ། །དེ་ནི་ཡུལ་གནས་རྟག་པའོ། །དེ་ནི་ཆུས་ཀྱང་མི་གཤེར་ཏེ། །
29b5 རླུང་གིས་ཀྱང་ནི་མི་སྐམ་མོ། །དེ་ནི་རྫ་ལྟར་འཇིག་པ་དང་། །ནན་ཏན་བྱ་རྗེས་བྱུང་བ་མིན། །རྟག་པ་བརྟན་པ་མི་འཇིག་པ། །སྐྱེ་ཅན་ཀུན་གྱི་རྣམ་པར་ཤེས། །རྒྱུ་ཡིས་སུན་དབྱུང་མ་ཡིན་པ། །འདྲ་དང་མི་འདྲ་རྣམས་ཀྱིས་ཏེ། །དམ་བཅས་ཡན་ལག་རྣམས་ཀྱི་ཡང་། །མཐའ་མ
29b6 ཐུག་པ་མེད་པར་འགྱུར། །དམ་བཅས་པ་ཡི་དམ་བཅའ་དང་། །རྒྱུ་ཡི་ཁྱད་པར་རྒྱུ་དག་སྟེ། །དེ་བས་དེ་ལ་རྒལ་དུ་མེད། །རྟོག་པ་ཅན་གྱི་སྤྱོད་ཡུལ་མིན། །རྣམ་པར་ཤེས་པ་གཞན་གྱུར་ན། །དེ་ནི་སྟུག་པོ་སེམས་སྤངས་པའོ། །རྟོག་ཅན་རྣམས་ཀྱི་ཡུལ་མ་ཡིན། །དེ
29b7 བཞིན་གཤེགས་པའི་ཕོ་བྲང་སྟུག་། མ་སྐྱེས་སྔོན་དང་ཐ་མ་མེད། །ལྷུན་གྱིས་གྲུབ་པའི་སྟོབས་ལས་བྱུང་། །རྒྱུ་མེད་པ་དང་ལས་སྐྱེས་མིན། །དབང་པོ་ཆེན་པོས་བྱས་པའང་མིན། །གཟུགས་མེད་གཟུགས་དང་འདོད་པ་ལས། །ཡང་དག་འདས་ཏེ་གནས་པ་ཡིན། །
iiif viewer powered by OpenSeadragon
