| e-texts navigator |
| Wylie |
27b1 དམིགས་ལས་སེམས་ཞིག་འགྱུར་བ་ནི། །རྣལ་འབྱོར་ཅན་གྱི་སྒྲ་རྨོངས་པས། །རྩེད་མོ་ལ་སོགས་ལྷ་རྫས་དང་། །མཐོ་རིས་བུད་མེད་བསྟེན་རྨོངས་ཀྱིས། །གང་ཚེ་ཐུབ་ཆེན་མ་འདུག་པ། །དེ་ཚེ་སེམས་ནི་འབྱུང་བ་སྟེ། །ལམ་ལས་བསྐྱོད་ཅེས་བྱ་བ་ཡི། །ཏིང་འཛིན་འདོད
27b2 པའི་ཁམས་སྐྱེས་པ། །གཟུགས་དང་གཟུགས་མེད་འགྲོ་བ་ན། །ཏིང་ངེ་འཛིན་ནི་རབ་ཏུ་སྐྱེ། །སེམས་ཅན་འདུ་ཤེས་མེད་སོང་ན། །ཏིང་ངེ་འཛིན་ལས་བྲལ་བར་འགྱུར། །ནམ་མཁའ་རྣམ་ཤེས་མཐའ་ཡས་ཀྱི། །ཏིང་ངེ་འཛིན་ལ་དབང་མེད་འགྱུར། །རྒྱལ་བ་གང་ཚེ་ཐུབ
27b3 དབང་གྱུར། །གཉིས་དང་བྲལ་བས་བྱང་བ་ཡི། །སེམས་ནི་མངོན་པར་མི་འབྱུང་ངོ་། །དེ་བདེན་དེ་ནི་རྣལ་འབྱོར་ཏེ། །བསམ་གཏན་པ་ཡི་བསམ་གཏན་ཡིན། །བསམ་གཏན་རྟག་ཏུ་བསམ་གཏན་བྱ། །དེ་སྟེ་སྟུག་དཀྱིལ་འདོད་ནའོ། །མངལ་གྱི་སྐྱེ་བ་འབྱུང་བ་ཞེས་བྱ་བ
27b4 སྟེ་ལེའུ་བཞིའོ། ། །།རྣམ་བརྒྱད་རྣམ་པ་དགུ་ཡི་སེམས། །མ་རིག་འཇིག་རྟེན་རྒྱུ་ཡིན་ཏེ། །འདི་ནི་སེམས་དང་སེམས་འབྱུང་མཐུ། །གང་གནས་རྣམ་པ་སྣ་ཚོགས་པའོ། །དེ་ཡི་མཐུས་ཀྱང་འཇུག་པ་ནི། །རྣམ་ཤེས་རྣམས་དང་དབང་པོ་རྣམས། །
27b5 མ་རིག་ལ་སོགས་རྣམ་པ་འདི། །རྩ་བའི་སེམས་ནི་བརྟན་གནས་པ། །ཡན་ལག་བཅུ་གཉིས་ཐམས་ཅད་དང་། །འབྱུང་བ་རྣམས་དང་འབྱུང་གནས་དང་། །ཡུལ་དང་དབང་པོ་འཇིག་རྟེན་དང་། །སྐད་ཅིག་འཇིག་པའི་རྒྱུ་ཡིན་ནོ། །ཐུབ་པ་ལྷ་ཡི་ལྷས་གསུངས་པ། །རྒྱུ་དང
27b6 འབྲས་བུ་སྤངས་པ་སྟེ། །ཚངས་པའི་འཇིག་རྟེན་མཐར་ཐུག་གི། །འགྲོ་བ་དབང་པོར་བཅས་པ་འདི། །འཇིག་རྟེན་བཙལ་བས་མ་བསྐྱེད་དེ། །བདག་ཉིད་རྫ་མ་བཞིན་འཇིག་པ། །ནང་དང་ཕྱི་དག་རྟག་པར་ཏེ། །འགྲོ་བ་གནས་དང་གཡོ་བ་དག་།ལྷ་ཡི་ལྷ་ཡི་ཡུལ་ཡིན་ཏེ། །
27b7 ས་ལ་སུས་ཀྱང་མི་མཐོང་བ། །མུར་འདུག་གྲགས་པ་གཞན་དག་སྟེ། །ཐུབ་གྲགས་མཚན་མ་ཅན་གྱིས་སོ། །ཕན་ཚུན་བཅིངས་པས་བཅིངས་པ་ནི། །སྲེད་པ་སྣ་ཚོགས་རྣམ་པས་ཏེ། །རྣམ་ཤེས་མྱུར་དུ་འགྲོ་བས་ན། །སེམས་ཀྱི་རྣམ་པར་མི་རྟོགས་སོ། །ལོ་སྟོང་མཐའ
iiif viewer powered by OpenSeadragon
