| e-texts navigator |
| Wylie |
25b1 བདག་གིས་རྣལ་འབྱོར་ཅན་དབུས་སུ། །བཤད་པར་དེ་ཕྱིར་དད་པ་མེད། །འདི་དག་ཐམས་ཅད་མཁས་པ་སྟེ། །དེ་བཞིན་ཉིད་བློ་ཤེས་པའི་རྣམས། །སངས་རྒྱས་སྤྱོད་ཡུལ་བསམ་ཡས་པ། །དེ་ཕྱིར་སྨྲ་བར་དད་པ་མེད། །འོན་ཀྱང་བརྗོད་དོ་ཐུབ་པའི་རྣལ་འབྱོར་གྱིས། །
25b2 དེ་རིང་བདག་ལས་ཉོན་ཅིག་རྒྱལ་སྲས་རྣམས། །སྣ་ཚོགས་ཚིག་གི་དོན་ལྡན་ཐུབ་པའི་བཀའ། །དཔེ་མེད་སེམས་དང་ཡིད་ལས་རྣམ་པར་འདས། །ཇི་ལྟར་བུང་བས་མེ་ཏོག་རོ་འཐུངས་ཤིང་། །ལྷག་མ་གཞན་དག་འཐུང་བར་བྱེད་བཞིན། །སྙིང་ཁུ་ཐུབ་པའི་མཆོག
25b3 རྣམས་ཀྱིས་འཐུངས་ཏེ། །དེ་ཡི་འཐུངས་ལྷག་བདག་གིས་དེ་རིང་བཤད། །དེ་ནི་ཡིད་དང་ཚིག་གིས་ཀྱང་། །བསྟན་པར་ནུས་པ་མ་ཡིན་ལ། །ལྷ་ཡི་ལྷ་ཡི་ཡུལ་ཡིན་ཏེ། །མཁས་རྣམས་དགེ་བ་འཕེལ་བར་བྱེད། །མི་ཡི་གཟུགས་སུ་བྱས་ནས་སུ། །སངས
25b4 རྒྱས་ཞེས་ནི་མཚན་ལྡན་པ། །ཅོད་པན་ཅན་དང་གཞན་ལ་སྣང་། །གཞལ་མེད་ཁང་གནས་གཞན་ལ་ཡང་། །འོད་ཀྱི་དཀྱིལ་འཁོར་འཁོར་ལོ་དང་། །མཚན་བཟང་རྣམ་པ་སྣ་ཚོགས་སུ། །ས་ལ་སྣ་ཚོགས་སྣང་བ་ནི། །མུར་འདུག་འདུས་པའི་དྲེགས་པ་སེལ། །
25b5 དུས་རྣམས་བཞི་པོ་ཐམས་ཅད་དུ། །སངས་རྒྱས་རྣམས་ཀྱི་དུས་དུས་ལ། །སྟུག་ན་བཞུགས་པས་དུས་སྤྲུལ་ཏེ། །རྣམ་པར་ཕྱེ་བ་རབ་ཏུ་མཛད། །བཟང་དུས་དེ་བཞིན་གསུམ་པ་དང་། །གཉིས་ཀྱི་ཕ་རོལ་དུས་ངན་དང་། །དེ་དག་དུ་ཡང་ཅི་དགོས་པ། །ས་ལ་ལུས་ཅན
25b6 རྣམས་ཀྱིས་ཏེ། །ལྡན་པ་དེ་དག་ཐམས་ཅད་མཛད། །སྟུག་པོའི་དཀྱིལ་ན་བཞུགས་ཤིང་སྟེ། །སྟུག་པོ་དེ་ནི་དྲི་མེད་གནས། །སྦྱོར་ཆེན་རྣམས་ཀྱི་བདེ་བའི་གཞི། །ངན་དང་གཉིས་ཀྱི་ཕ་རོལ་མཚམས། །ཐུབ་པ་གཟུགས་ནི་རྣམ་བཟུང་ནས། །དྲི་མེད་སྟུག་ན་རྣལ་འབྱོར
25b7 ལྡན། །ཟླ་བ་བཞིན་དུ་འགྲོ་ལ་སྣང་། །སྣ་ཚོགས་འགྲོ་བ་གང་ཤེས་ཀྱིས། །སྣ་ཚོགས་གཟུགས་སུ་མཛེས་པ་ནི། །གང་ལ་གང་སྣང་གང་གིས་ཀྱང་། །ཇི་ལྟར་གང་ལ་དེ་བདེ་བ། །དེ་དག་དེ་ལ་ཐམས་ཅད་དུ། །དེ་ཕྱིར་ཆ་ཡིས་མིག་ལ་གནས། །ཤེས་ཅན་ཡུལ་ཅན
iiif viewer powered by OpenSeadragon
