| e-texts navigator |
| Wylie |
25a1 ལམ་པོ་དེ་ཉིད་ཀྱང་། །མཐའ་བཞི་རྣམ་པར་སྤངས་པ་སྟེ། །རྣམ་པར་རྟོག་མེད་དམིགས་མེད་པ། །སྟུག་ན་གནས་པས་ཤིན་ཏུ་མཐོང་། །ཐུབ་ཆེན་དེ་ཉིད་ལམ་ཤེས་པ། །བདག་མེད་ཡེ་ཤེས་མཁས་རྣམས་ཀྱིས། །བླ་མའི་ཚིག་འདི་ཐོས་པ་དང་། །
25a2 རྣལ་འབྱོར་ཅན་རྣམས་ཐམས་ཅད་ཀྱང་། །རྐང་པ་གཉིས་ལ་མཉམ་བཏུད་ནས། །རྡོ་རྗེ་ཞེས་ལ་སྨྲས་པ་ནི། །རྣལ་འབྱོར་ཅན་རྣམས་ཉན་པར་བརྩོན། །སྐོམ་པ་རྣམས་ནི་ཆུ་ཚོལ་བཞིན། །ཁྱོད་ཀྱི་ཞལ་ནས་བཏུང་འདོད་པ། །ཚིག་གི་སྦྲང་རྩི་བུང་བ་བཞིན། །རྣལ་འབྱོར
25a3 དབང་པོ་ཡང་དག་གསུངས། །རྒྱལ་བའི་སྲས་རྣམས་ཤིན་ཏུ་ཉན། །རྣལ་འབྱོར་ཅན་རྣམས་རྣལ་འབྱོར་བློ། །ཡེ་ཤེས་དབང་པོ་འཕྲུལ་ཆེན་རྣམས། །ཞིང་གི་བདག་པོ་རྒྱལ་ཆེན་རྣམས། །རྣལ་འབྱོར་ལམ་ལ་རྟོག་བྱེད་པ། །བདེ་གཤེགས་བཀའ་ནི་ཉན་པར་རོ། །ཁྱོད
25a4 ཀྱི་ཞལ་ནས་རྣམ་བྱུང་བ། །རྣམ་པ་སྣ་ཚོགས་དཀའ་བའི་སྒྲ། །ཁོང་དུ་ཆུད་བྱེད་མཚན་བཟང་དང་། །ཚངས་པའི་ཡང་དག་གཤེགས་པ་དང་། །དབང་པོའི་དོན་གྲགས་ཁྱད་པར་དུའོ། །སྣ་ཚོགས་ཐུབ་པ་དེ་ཡི་གསུང་། །སྒྲ་ཡི་དོན་ལ་མཁས་པ་ཡི། །དེ་ཕྱིར་བདག་ནི་སྨྲར
25a5 མ་མོས། །བརྟག་བྱ་རྟོག་པ་རྣམ་པར་སྤངས། །བར་སྣང་རི་མོ་ཇི་བཞིན་དང་། །གྲིབ་མ་སྟོང་ལ་སོགས་པས་སྤངས། །དེ་སྟེ་སྣང་ན་རྨད་དུ་རུང་། །དེ་བཞིན་གཤེགས་པ་ཐུབ་པའི་བཀའ། །མཁའ་ལ་བྱ་རྗེས་ཇི་བཞིན་དུ། །བལྟ་བར་ཤིན་ཏུ་དཀོན་པ་བཞིན། །དེ་བཞིན་གཤེགས
25a6 པ་ཐུབ་པའི་བཀའ། །དེ་ནི་བསྟན་པར་མི་ནུས་སོ། །ས་རྣམས་གསུམ་དུ་མཁས་པ་ཡིས། །དཔེ་ཡིས་ཀུན་ཏུ་རབ་བསྟན་གྱིས། །དཔེ་དང་བྲལ་བའི་དེ་བཞིན་ཉིད། །ཐུབ་པའི་ཞལ་ནས་རྣམ་པར་འབྱུང་། །དེ་ཡི་ཚིག་ལ་དཔེ་མེད་དེ། །རྨི་ལམ་ལྟ་བུར་བདག་ལ་སྣང་། །
25a7 རབ་རིབ་མགལ་བ་བསྐོར་བ་དང་། །སྐྲ་ཡི་ཚོགས་དང་དེ་བཞིན་འདྲ། །ཇི་ལྟར་སྒྱུ་མའི་གྲོང་ཁྱེར་དང་། །རླུང་ནི་ཤིན་ཏུ་བལྟ་དཀའ་དང་། །སྒྱུ་མ་སྨིག་རྒྱུ་འདྲ་བ་སྟེ། །རྣམ་རྟོག་གཉིས་པོ་རབ་ཏུ་སྤངས། །འོན་ཏམ་རྣལ་འབྱོར་སྣ་ཚོགས་པ། །ཐུབ་པའི་གསུང་ནི་དེ་བཞིན་ཏེ། །
iiif viewer powered by OpenSeadragon
