| e-texts navigator |
| Wylie |
24b1 བའི་སྲས་ལ་གསོལ་བ་འདེབས། །བློ་ཆེན་རབ་ཏུ་བཤད་པར་གྱིས། །རྒྱལ་བའི་སྲས་རྣམས་ཉན་པར་འདོད། །འདས་པ་དག་དང་མ་འོངས་ཚུལ། །ད་ལྟར་བྱུང་བའི་གང་ཚིག་ཀྱང་། །རྒྱུ་དང་དཔེ་ཡིས་རབ་གསལ་བར། །ཁྱོད་ཀྱི་ཞལ་ནས་བྱུང་བ་རྣམས། །
24b2 གདོན་མི་ཟ་བའི་ཚིག་འདི་ཡང་། །ཁྱོད་ཀྱིས་རྒྱལ་བ་དེ་ཞལ་ནས། །ཐམས་ཅད་མ་ལུས་ཐོས་པ་སྟེ། །སྐྱོན་མེད་དེ་བཞིན་གཤེགས་པའི་མཁྱེན། །ཏིང་འཛིན་དབང་སྒྱུར་རྒྱལ་པོ་ཡིས། །ཐམས་ཅད་བློ་གྲོས་རྣམ་བལྟས་ནས། །རྡོ་རྗེ་སྙིང་པོ་འཇིགས་མེད་ཀྱིས། །རྣལ
24b3 འབྱོར་ཅན་ལ་ཚིག་སྨྲས་པ། །རྒྱལ་བའི་གསུང་རབ་མ་ལུས་པར། །སྨྲ་བར་སུས་ཀྱང་ནུས་པ་མེད། །དེ་ཡི་བྱིན་རླབས་མ་གཏོགས་པར། །སངས་རྒྱས་རྣམས་དང་རྒྱལ་སྲས་ཀྱི། །སངས་རྒྱས་ཀུན་ལ་ཕྱག་འཚལ་ཏེ། །སངས་རྒྱས་བྱིན་གྱིས་བརླབས་པ་དག་།ནོར
24b4 བུ་རིན་ཆེན་སྣ་ཚོགས་ཁང་། །དབང་སྒྱུར་གནས་བཟང་འཁོད་རྣམས་ལའང་། །ཡེ་ཤེས་དད་པས་སྨྲ་བར་བྱ། །སངས་རྒྱས་རིགས་བྱེད་ཚུལ་ཡིན་ཏེ། །ང་ལས་འདི་དག་ཐམས་ཅད་ཉོན། །དེ་བཞིན་གཤེགས་ཀྱི་ཡེ་ཤེས་དགེ། །རྒྱལ་པོ་རྣམས་ལ་གཏམ་འདི་མིན། །
24b5 མི་བདག་མཆོག་རྣམས་འདས་པ་ལའང་། །འདི་ནི་སངས་རྒྱས་རིགས་ཀྱི་གཏམ། །སྟུག་དཀྱིལ་ཕུན་སུམ་ཚོགས་རྣམས་ཀྱི། །རྣལ་འབྱོར་ཅན་གྱི་རྣལ་འབྱོར་ཡུལ། །སངས་རྒྱས་ཀུན་གྱི་ཕུན་སུམ་ཚོགས། །དེ་བཞིན་གཤེགས་ཀྱི་ཡེ་ཤེས་ཕྲ། །རྟོག་མེད་རྟོག་པ
24b6 སྤངས་པ་སྟེ། །སོ་སོ་རང་རིག་མཁས་པའི་ཡུལ། །བརྗོད་པ་དང་ནི་རྣམ་པར་བྲལ། །དེ་ནི་སྨྲ་བར་དད་པ་མེད། །བདག་གིས་དེ་ཡི་མཐུ་ཐོས་པ། །ལྷ་རྫས་ཀྱི་ནི་ཡེ་ཤེས་དང་། །ཏིང་ངེ་འཛིན་གྱི་མེ་ཏོག་གིས། །རྫོགས་པའི་སངས་རྒྱས་གསུངས་པ་ནི། །སྟུག་པོའི་དཀྱིལ
24b7 དུ་མཉམ་བཞག་པས། །ཐམས་ཅད་ཕྱོགས་ལས་རྣམ་གྲོལ་ཞིང་། །ཡོད་དང་མེད་པའི་ཕྱོགས་སྤངས་པ། །ཡོད་དང་མེད་པའི་ཕྱོགས་དང་བྲལ། །དབུ་མའི་ལམ་ནི་དགེ་བ་སྟེ། །གཞན་དུ་འགྱུར་བའི་ལྷ་རྫས་ཚུལ། །སངས་རྒྱས་ས་ལ་འཇུག་པར་བྱེད། །དབུ་མའི
iiif viewer powered by OpenSeadragon
