| e-texts navigator |
| Wylie |
24a1 འཁོད་ཀུན་ལས་སྨྲས་པ་ནི། །སྟན་གྱི་མཆོག་ལ་འདུག་ནས་དེ། །ངོ་མཚར་ལྷ་རྫས་འདི་ཅི་ཞིག་།ཐུབ་པ་རྣམས་ཀྱི་ཚོགས་འཁོར་ན། །རྣལ་འབྱོར་དབང་པོ་ཐམས་ཅད་དང་། །སློབ་མ་མཁས་པ་དེ་དག་ཀྱང་། །ཁྱུ་མཆོག་ཐུབ་ལ་འདྲི་བར་འདོད། །རྒྱལ
24a2 སྲས་རྡོ་རྗེ་དབང་པོ་ལ། །སྐབས་འདི་ཇི་ཞིག་སུ་ཞིག་ལ། །རྒྱལ་བའི་སྲས་ཀྱིས་གསུངས་པ་ཡིན། །ཀུ་རུའི་བུ་དང་དི་ལི་པ། །འཁོར་ལོ་འཁོར་བ་མན་མཐའ་སྟེ། །ཡང་ན་ཡོ་བ་ན་ཤྭ་ལ། །ལྷ་རྫས་མི་ཡི་གཏམ་བརྗོད་དམ། །གཉི་བུ་ཨིག་ཤྭ་ཀུ་ལ་འམ། །དེ་བཞིན
24a3 གཞུ་སྟོང་བདོག་པ་ལའམ། །འོན་ཏམ་གནས་སྲུང་པོ་ལའམ། །འཁོར་ལོ་འཁོར་བ་གཞན་དག་ལའམ། །འདོད་དང་གཟུགས་དང་གཟུགས་མེད་ལའམ། །འདུ་ཤེས་མེད་གནས་གནས་པ་ལའམ། །ནམ་མཁའ་མཐའ་ཡས་རྣམ་ཤེས་སམ། །འོན་ཏེ་ཅུང་ཟད་མེད
24a4 པ་དག་། ཐུབ་ཆེན་རང་སངས་རྒྱས་དག་ལའམ། །ཉན་ཐོས་རྒྱལ་བའི་སྲས་ལའམ། །སངས་རྒྱས་ས་ལ་ཞུགས་པ་ཡི། །རྒྱལ་དབང་རྣམས་ལ་གཏམ་འདིའམ། །འདི་ཅི་ལྷ་མིན་ལྷ་སྲས་སམ། །འོན་ཏེ་སྐར་མའི་དེ་བཞིན་ནམ། །ཇི་ལྟར་གྱུར་པ་ཁྱོད་ཀྱིས་གསུངས། །
24a5 བདག་ཅག་སློབ་མ་ཕྱོགས་སུ་ཉན། །བླ་མའི་ཚིག་ནི་ཐོས་ནས་ཀྱང་། །རྒྱལ་བའི་སྲས་པོ་ཐམས་ཅད་དག་།ཕན་ཚུན་ཤིན་ཏུ་དཔྱོད་པར་བྱེད། །དེ་ཡི་ཏིང་འཛིན་འགྲོ་སོང་རྣམས། །རྒྱལ་བའི་སྲས་རྣམས་ཚིག་ཐོས་པ། །ཐོར་ཚུགས་ཅན་ལས་མངོན་དུ་སྟེ། །སློབ་མར
24a6 བཅས་པར་ཉན་འདོད་པ། །གཙང་གནས་བདག་པོ་ཉིད་ཀྱང་ཡིན། །ཐར་ཟླ་བློ་གྲོས་མི་ཟད་དང་། །ནམ་མཁའི་དབང་པོ་འགྲོ་བ་འཛིན། །མཐུ་ཆེན་སྤྱན་རས་གཟིགས་དབང་དང་། །རྣལ་འབྱོར་ཤེས་པ་གཟུངས་ཀྱི་དབང་། །ལྷ་ཡི་ཅོད་པན་རྣལ་འབྱོར་དབང་། །གཙུག་ན
24a7 རིན་ཆེན་བློ་གྲོས་ཤིང་། །ལག་ན་རྡོ་རྗེ་ཞི་བའི་བློ། །ལག་ན་རིན་ཆེན་བློ་ཆེན་དང་། །འདི་དག་རྒྱལ་སྲས་གཞན་དག་ཀྱང་། །བྱེ་བའི་ཞིང་རྣམས་ཀུན་ནས་འོངས། །རྡོ་རྗེའི་སྙིང་པོ་བློ་ཅན་ལ། །དེ་དག་ཀུན་གྱིས་རྣམ་བལྟས་ནས། །པད་མོའི་སྟན་ལ་འཁོད་པའི་རྣམས། །རྒྱལ
iiif viewer powered by OpenSeadragon
