| e-texts navigator |
| Wylie |
23b1 དེ་བཞིན་འདོད་པའི་ཁམས་དབང་གི། །མུར་འདུག་གཞན་ན་གྲགས་པས་ཀྱང་། །རྣལ་འབྱོར་རིག་ལམ་སྟུག་མི་འཐོབ། །ཚངས་པ་ཉིད་ཀྱིས་དེ་གསུང་ཐོས། །མཆོད་སྦྱིན་གསོལ་བའི་ཞལ་ན་སྟེ། །དེ་ནི་དེ་ནས་ཕྱིར་ལོག་སྟེ། །ཚངས་པའི་གནས་སུ་ཡང་སོང
23b2 ངོ་། །དེ་ཡི་ཕྱིར་ན་དེར་འགྲོ་བ། །ཚངས་པ་ཡིས་ཀྱང་མི་ཐོབ་པས། །གཟུགས་མེད་འདོད་དང་གཟུགས་ཅན་རྣམས། །དེར་འགྲོ་ཡོད་པ་ཡོང་མ་ཡིན། །ཅི་ཕྱིར་དད་པ་འདི་འདྲ་རྙེད། །སྟུག་པོའི་དཀྱིལ་འཁོར་མཐོང་བ་ཡང་། །རྣལ་འབྱོར་ཅན་གྱི་གནས་ཀྱི་མཆོག་།
23b3 དེ་ཕྱིར་ངོ་མཚར་ཐོབ་པར་གྱུར། །སྒྱུ་མའི་ཏིང་ངེ་འཛིན་གྱི་ཡུལ། །རྣལ་འབྱོར་ཅན་གནས་སྟུག་པོ་དེ། །འདི་ནི་གཅིག་ནས་གཅིག་ཏུ་ཐོས། །དེ་ནས་བྱུང་བས་རྣམ་པར་བསྙད། །སྣ་ཚོགས་ཚིག་འདི་ཐོས་པ་ནི། །ཐུབ་ཅན་རྡོ་རྗེ་སྙིང་པོ་ཡི། །རྒྱལ་སྲས་ཁྱོད་ཀྱིས་སྨྲ
23b4 བར་གྱིས། །རྒྱལ་བའི་སྲས་རྣམས་ཉན་པར་འདོད། །དབང་སྒྱུར་རྒྱལ་པོ་དེ་བཞིན་གྱིས། །གཟི་བརྗིད་ཆེན་པོ་མ་ཐོགས་ཤིག་།མཚེ་མ་རབ་དང་དགའ་ལྡན་དང་། །གཙང་གནས་འཇིགས་པ་མེད་པའི་རྣམས། །ཐུབ་པའི་བཀའ་ནི་མ་ལུས་པར། །སྨྲ་བར་སུ
23b5 ཞིག་ནུས་པ་ཡོད། །གཞན་དུ་ཁྱོད་དང་སངས་རྒྱས་རྣམས། །ཐུབ་ཆེན་ཐུབ་པ་བསྣམས་པ་དག་།སངས་རྒྱས་ཡུལ་ནི་བསམ་མི་ཁྱབ། །མཆོག་གི་གཙོ་བོ་སངས་རྒྱས་ཀྱི། །རྣལ་འབྱོར་རྣལ་འབྱོར་མེད་པ་ལ། །སུ་ཡིས་ཇི་ལྟར་བསྟན་པར་ནུས། །མཚེ་མ་རབ
23b6 དང་ཤུགས་འཛིན་དང་། །དབང་སྒྱུར་རྒྱལ་བའི་སྲས་པོ་དག་།གཅིག་པའི་དབྱངས་སུ་ཡང་སྨྲས་ཏེ། །གསུངས་ཤིག་གསུངས་ཤིག་རྒྱལ་བའི་སྲས། །རྣམ་པར་འཕྲུལ་དང་འཇམ་དཔལ་དང་། །བྱམས་པ་མིའམ་ཅི་ཡི་བདག་།རྣལ་འབྱོར་ཅན་གཞན་གང་དེ་ནི། །
23b7 དེ་དག་སྨྲ་བ་སྨྲོས་ཤིག་སྒྲོགས། །ནམ་མཁའ་ལས་ཀྱང་སྒྲ་བྱུང་སྟེ། །ལྷ་དང་སྔགས་འཆང་རྣམས་ཀྱིས་ཀྱང་། །དེ་ནས་ཤིན་ཏུ་རྔ་བརྡུངས་པ། །གསུངས་ཤིག་གསུངས་ཤིག་རྒྱལ་བའི་སྲས། །དེ་དག་དེ་སྐད་སྨྲ་བ་ན། །ཐོར་ཚུགས་ཅན་གྱི་ཚངས་པ་འོངས། །ས
iiif viewer powered by OpenSeadragon
