| e-texts navigator |
| Wylie |
23a1 གཅིག་ནི་རབ་སྨྲས་པ། །སྟུག་པོ་དྲི་མེད་བསོད་ནམས་ཏེ། །སྡིག་པ་ཐམས་ཅད་འཇིག་པར་བྱེད། །རྣལ་འབྱོར་ཅན་གྱི་གནས་ཀྱི་མཆོག་།སངས་རྒྱས་ཞིང་གི་དམ་པ་ཕུལ། །ཡུ་བུས་དེ་ཡི་སྒྲ་ཐོས་ཏེ། །ཐོས་ནས་བདག་ཅག་དགའ་བའི་ཡིད། །སྟུག་པོ་རྣལ
23a2 འབྱོར་ཅན་གནས་ཀྱི། །བརྟན་ལམ་བདག་ཅག་ཐོབ་པར་བྱ། །འོག་མིན་ཚངས་པ་ཐོར་ཚུགས་ཅན། །གཙང་མའི་གནས་ཀྱིས་རྣམ་སྤངས་པ། །ཞིང་གི་ངོ་མཚར་ལྟད་མོ་དང་། །སངས་རྒྱས་རྒྱལ་བའི་སྲས་ཀྱི་ཡབ། །ཚངས་པས་དེ་ཚེ་གསོལ་ནས་སུ། །གཙང་མའི་གནས
23a3 ཀྱི་འཇིགས་མེད་རྣམས། །དེ་དག་ཐམས་ཅད་སེམས་པ་ནི། །ཚངས་པ་སྟུག་པོར་འགྲོ་མི་འགྲོ། །ཚངས་པ་རྣལ་འབྱོར་ཆེན་པོ་ཅན། །མུན་པས་དེ་དག་བསླད་པར་གྱུར། །ཐུབ་པ་མི་ཤེས་ཐུབ་རིག་གི། །ཇི་ལྟར་གནས་ནི་ཐོབ་པར་འགྱུར། །ཚངས་པ་དེ་ན་ཀུན་ཏུ
23a4 སེམས། །བློ་ཡིས་ཚངས་པ་རིག་པའི་མཆོག་།འདོད་དང་གཟུགས་ཀྱི་བདག་པོ་དག་།རྒྱུ་བ་དེ་ན་མེད་པ་སྟེ། །ནམ་མཁའི་ཁང་པ་གནས་རྣམས་དང་། །འདུ་ཤེས་མེད་པ་དེ་བཞིན་ཏེ། །མུར་འདུག་གཞན་ལ་གྲགས་པ་ཡི། །རྣལ་འབྱོར་ཅན་རྣམས་དེར་མི་འགྲོ། །བདག
23a5 གིས་བྱ་བ་བྱས་སམ་ཅི། །བསམས་ཏེ་འདིར་ཡང་འོངས་པར་གྱུར། །བདག་འགྲོའམ་བརྟན་ཞིང་རྟག་པ་ཡི། །ཐེར་ཟུག་འདུས་མ་བྱས་སྟུག་ཏུ། །གལ་ཏེ་ཡང་ན་ཐུབ་པ་སྟེ། །རྣལ་འབྱོར་མངའ་བ་ལྷའི་ཡང་ལྷའི། །མཐུ་ཡིས་རྣལ་འབྱོར་མཁྱེན་རྣམས་ཀྱི། །ཕོ་བྲང
23a6 སྟུག་པོ་དེར་འགྲོ་འམ། །ཐུབ་པ་དེ་ལ་ཕྱག་འཚལ་ལོ། །དེ་སྐད་སྨྲས་ནས་ཐོར་ཚུགས་ཅན། །མཐོང་བ་ཤིན་ཏུ་འབར་བ་ཡི། །སངས་རྒྱས་ལམ་ན་བཞུགས་པ་རྣམས། །གསུངས་ཤིག་གསུངས་ཤིག་ཐུབ་པའི་རྣམས། །ཁྱེད་ལ་ཅི་འཚལ་ཅི་གྱིས་ཤིག་།སངས
23a7 རྒྱས་དབང་པོ་བཀའ་སྩལ་གསོལ། །སྟུག་པོ་ཇི་ལྟར་འཐོབ་པར་འགྱུར། །གཟུགས་ཡུལ་འདི་ལས་ཕྱིར་ལོག་ཤིག་།དེར་འགྲོ་མེད་པ་གཟུགས་ཅན་རྣམས། །སྟུག་པོ་དེ་ནི་ཐུབ་ཆེན་ཡུལ། །བླ་ན་མེད་པའི་སངས་རྒྱས་ཞིང་། །འདུ་ཤེས་མེད་པས་མི་འཐོབ་སྟེ། །
iiif viewer powered by OpenSeadragon
