| e-texts navigator |
| Wylie |
22b1 རྒྱ་མཚོའི་དབའ་རླབས་ཇི་བཞིན་དུ། །རླུང་གི་རྐྱེན་གྱིས་བསྐྱོད་པ་ལྟར། །གར་བྱེད་ཅིང་ནི་རབ་ཏུ་འབྱུང་། །རྣམ་པར་རྒྱུན་ཀྱང་མི་འཆད་དོ། །བློ་ཡི་འོད་པ་དེ་བཞིན་རྟག་།ཡུལ་དང་རེག་པས་བསྐུལ་བའི་ཕྱིར། །སྣ་ཚོགས་བདག་རྟོག་རྣམ་ཤེས་ཀྱིས། །བདག་ལ
22b2 བདག་གིར་འཛིན་པར་བྱེད། །ཇི་ལྟར་ས་ལ་རྣམ་རྟོག་མེད། །འགྱུར་མེད་རྣམ་པ་སྣ་ཚོགས་གཟུགས། །དགོས་པའི་རྣམ་པར་གྱུར་པ་ནི། །དེ་འདྲ་ཀུན་གཞི་རྣམ་ཤེས་ལའོ། །ཇི་ལྟར་མི་ཞིག་ལག་པ་ཡིས། །རང་གི་ལུས་ལ་མཉེད་པ་དང་། །ཕྱོགས་ཀྱི་གླང་པོ་བདག་ལུས
22b3 ལ། །བདག་གིས་སྣ་ཡིས་ཆུ་འཐོར་དང་། །ཇི་ལྟར་ཤེད་ཅན་ལ་ལ་དག་།བདག་གི་ལུས་ལ་སོས་འདེབས་པ། །དེ་བཞིན་བློ་ནི་བརྟགས་དོན་ལ། །དོན་གཉིས་ཚུལ་དུ་འཇུག་པའོ། །བློ་ཡི་ཡུལ་དུ་བྱ་བ་འདི། །ཁམས་གསུམ་རྣམ་པར་ཁྱབ་པར་གནས། །ཕྱི་དང་ནང་གི་བྱ
22b4 བར་ཡང་། །རྣལ་འབྱོར་མཁས་པས་མཐོང་བ་ཡིན། །སངས་རྒྱས་རྣམས་ཀྱིས་འདི་ཀུན་གཟིགས། །ས་ལ་ཇི་སྙེད་སྣང་བ་དག་།རྣམ་པ་སྣ་ཚོགས་དབྱིབས་ཀྱི་གཟུགས། །ས་ལ་རྣམ་པ་སྣ་ཚོགས་སོ། །ཆོས་འདི་ཡང་དག་བཤད་པ་དང་། །རྡོ་རྗེ་སྙིང་པོ་འཇིགས་མེད་པ། །
22b5 མི་སྨྲའི་དངོས་ལ་དགར་གྱུར་ཏེ། །བསམ་གྱིས་མི་ཁྱབ་ཆོས་དབྱིངས་ཀྱི། །ལྷ་ཡི་བསམ་གཏན་མི་གཡོ་བ། །སངས་རྒྱས་སྤྱོད་ཡུལ་ཞུགས་པ་དང་། །སྟུག་པོ་ནས་ནི་འོངས་པའི་གཟུགས། །མཐོང་ནས་རྣལ་འབྱོར་ལམ་གནས་པ། །ཐུབ་པ་དེ་ཡི་ལྷ་རྫས་ལུས། །རྣལ
22b6 འབྱོར་བཏང་སྟེ་ཡང་གནས་སོ། །འདོད་དང་གཟུགས་དང་གཟུགས་མེད་དང་། །འདུ་ཤེས་མེད་པའི་གནས་རྣམས་ཀྱི། །མུན་པའི་ཚོགས་ནས་ཕྱིར་བྱུང་སྟེ། །སྟུག་པོ་དེ་ནས་འདིར་འོངས་སོ། །སངས་རྒྱས་རྣམས་ཀྱི་བཞུགས་པའི་གནས། །སངས་རྒྱས་ཞིང་ནི་མཆོག་རབ
22b7 ནས། །གཟུགས་ཀྱི་རྣམ་པ་དུ་མ་ཡི། །སངས་རྒྱས་སྐུ་ཡང་རྣམ་བྱུང་ནས། མི་ཡི་ཁམས་ན་རྣམ་པར་འཕྲུལ། །སུ་བློ་ཅི་འདོད་ཕན་པར་རོ། །སྟུག་པོ་ཡི་ནི་མིང་ཕྱུང་ནས། །རྒྱལ་བའི་སྲས་པོ་ཐམས་ཅད་ཀྱང་། །ཕན་ཚུན་གཅིག་ལ་གཅིག་བལྟས་ཏེ། །གཅིག་ལ
iiif viewer powered by OpenSeadragon
