| e-texts navigator |
| Wylie |
22a1 ཅན་ནོ། །སྟུག་པོའི་སྤྲིན་དང་འདྲ་བར་ཡང་། །ས་རྣམས་ཡོག་པར་ཤིན་ཏུ་གནས། །ཚེ་དང་རྣམ་ཤེས་ཀུན་ནས་ཡོག་།དྲོད་ཀྱང་དེ་བཞིན་སྟོབས་ཆེན་གྱིས། །སྣ་ཚོགས་གཟུགས་ཀྱི་ལུས་ཅན་གྱི། །རྣམ་པ་སྣ་ཚོགས་གཟུགས་ཀྱང་སྟོན། །
22a2 རྫ་མཁན་ཇི་ལྟར་ས་སྣོད་ལ། །སྤྱོད་པ་ཇི་བཞིན་དེ་ལྟའོ། །བ་ལང་སོགས་པའི་རུ་མཐོང་ཞིང་། །བོང་བུ་རྭ་ནི་མེད་པ་སྟེ། །མ་མཐོང་བར་ནི་མེད་པ་མེད། །བ་ལང་རྭ་ཡི་མེད་པ་ཡང་། །ཕྱིན་ཅི་ལོག་ཏུ་དམིགས་པས་མེད། །ཕྱིན་ཅི་ལོག་ཏུ་མནར་སེམས་ལ། །ཤིན་ཏུ་ཕྲ་བའི
22a3 རྡུལ་གཤིག་ན། །ཡོད་པ་དེ་དག་མེད་པར་འགྲོ། །མེད་པ་ཡོད་པའི་རྒྱུ་ལས་ཏེ། །མེད་པ་ཡོད་ཅེས་རྟོག་པ་ནི། །ཡོད་པ་མེད་ལས་བལྟོས་པ་སྟེ། །ཕན་ཚུན་ལྟོས་པའི་རྒྱུ་ལས་སོ། །བློ་དང་རྟོགས་བྱ་མེད་པ་སྟེ། །ཁོང་དུ་ཆུད་པ་སྐྱེ་བ་མེད། །མགལ་བའི་འཁོར་ལོ
22a4 འཁོར་ལོ་མིན། །ཇི་ལྟར་སྐྲ་ཚོགས་མཐོང་བ་བཞིན། །དྲི་ཟའི་གྲོང་ཁྱེར་སྒྱུ་མ་དག་།ཅི་ཞིག་མཐོང་ནས་འབྱུང་བ་བཞིན། །བློ་ཡི་འབྱུང་བ་རྒྱུ་མེད་པར། །ཡོད་པ་མ་ཡིན་རྣམ་རྟོག་པ། །རྟོགས་བྱ་རྣམ་པར་རྟོག་པས་བསྐྱེད། །ལུས་ཅན་རྣམས་ཀྱི་ཡིད་སྐྱེས་ཏེ། །མིང་དང
22a5 འདུ་ཤེས་འབྲེལ་བ་དང་། །རང་བཞིན་གཉིས་ཀྱི་བག་ཆགས་ཀྱིས། །མི་ཡི་སེམས་ནི་རབ་ཏུ་འབྱུང་། །གྲུབ་པའི་དོན་ནི་མི་སྐྱེའོ། །ཐོག་མ་མེད་པའི་དུས་ན་བསགས། །གནས་ངན་ལེན་གྱི་ཡུལ་ལས་བྱུང་། །རབ་ཏུ་སྤྲོས་པས་བསྒོས་ཡིད་ལས། །སེམས་ཀྱི་ཚོགས་ནི་འབྱུང
22a6 བར་འགྱུར། །གཟུང་དང་འཛིན་པའི་དངོས་པོར་ཡང་། །ཀུན་ཏུ་སྐྱེ་བ་མི་ཡི་སེམས། །རྫ་ལ་སོགས་པའི་གཟུགས་ཀྱི་དབྱིབས། །སྣང་བ་གཞན་ཡོད་མ་ཡིན་ཏེ། །འདི་དག་ཐམས་ཅད་བློ་ཙམ་པས། །རྟོགས་བྱའི་དངོས་པོ་ཡོད་པ་མིན། །བློ་དང་རྟོགས་བྱའི་དངོས་པོར་ནི། །
22a7 བདག་ཉིད་རབ་ཏུ་འཇུག་པ་སྟེ། །བྱིས་པ་རྣམས་ཀྱིས་མི་རིགས་པ། །བག་ཆགས་རྣམས་ཀྱིས་སེམས་མྱོས་རྣམས། །རྣམ་པ་བརྒྱད་དང་རྣམ་བདུན་དང་། །དུས་གཅིག་ཏུ་ཡང་འབྱུང་བར་འགྱུར། །སྔོན་མེད་བག་ཆགས་ལྡན་པས་ན། །ཀུན་གཞི་ས་བོན་ཐམས་ཅད་ཅན། །
iiif viewer powered by OpenSeadragon
