| e-texts navigator |
| Wylie |
21b1 གྲོལ་བའི་སོ་སོ་རང་རིག་པ། །སངས་རྒྱས་སར་སྐྱེས་ཐུབ་ཅན་གྱི། །གཟུང་དང་འཛིན་པ་མེད་པ་སྟེ། །སྔ་མེད་སེམས་དང་སེམས་བྱུང་གིས། །རྣམ་ཤེས་བརྒྱད་དང་བྲལ་བ་སྟེ། །ནམ་ཡང་རྣམ་པར་མི་བརྟག་པའོ། །དེ་ལ་གནས་པ་ཆུ་རླབས་བཞིན། །ཕན་ཚུན་མཚན
21b2 ཉིད་ཐ་མི་དད། །འབྱུང་ཞིང་ཕྱིར་ཡང་ལྡོག་པ་སྟེ། །དེ་ཡི་ལྡན་པ་རིག་པ་མིན། །ཇི་ལྟར་ཐུབ་པའི་རྣལ་འབྱོར་དང་། །རྫུ་འཕྲུལ་ཅན་གྱི་རྫུ་འཕྲུལ་བཞིན། །མཉམ་པར་བཞག་པས་རབ་ཏུ་མཐོང་། །རྣལ་འབྱོར་འགྲོ་བ་གཞན་གྱིས་མིན། །དེ་བཞིན་འཇུག་པའི་རྣམ་ཤེས
21b3 རྣམས། །དེ་དག་ཀུན་གཞི་ལྷན་ཅིག་གནས། །རྣལ་འབྱོར་ཅན་གྱིས་རྟག་ཏུ་མཐོང་། །སངས་རྒྱས་སངས་རྒྱས་སྲས་དེ་བཞིན། །དེས་ནི་འདི་དག་ཐམས་ཅད་ཀྱང་། །ཇི་ལྟར་ནོར་བུ་ཕུག་པ་རྣམས། །སྐུད་ལ་བརྒྱུས་དང་འཁོར་ལོ་བཞིན། །ལས་ཀྱི་རླུང་གིས་སྐོར་བྱེད་པ། །
21b4 ཇི་ལྟར་རྫ་མཁན་འཁོར་ལོ་དང་། །ལག་དང་ཐལ་སྦྱོར་བསྐོར་བ་ཡིས། །ཀུན་ཏུ་བསྐོར་ཅིང་སྣོད་བྱེད་པ། །ཡོན་ཏན་སྣ་ཚོགས་རྣམ་པར་ལྡན། །དེ་བཞིན་རྣམ་ཤེས་བརྒྱད་ཀྱི་མི། །ཁམས་ཀྱི་གཟུགས་བརྙན་ལྷན་ཅིག་ཏུ། །ས་ནི་རྣམ་པར་བྱེད་པ་སྟེ། །ཕྱི་ནང་རྒྱུ་བའི་འགྲོ་བ
21b5 རྣམས། །གང་ལ་འཇིག་རྟེན་འདི་དག་ཀུན། །ནམ་མཁའི་སྐར་ཚོགས་ཇི་བཞིན་དུ། །གནས་ཤིང་རྣམ་པ་སྣ་ཚོགས་གནས། །རླུང་གི་རྟ་ཡིས་ཤིན་ཏུ་བསྐོར། །ཇི་ལྟར་མཁའ་ལ་བྱ་རྣམས་ཀྱི། །རྗེས་ནི་སྣང་བ་མ་ཡིན་ཏེ། །བར་སྣང་ཡོད་པ་མ་ཡིན་ནའང་། །བྱ་རྣམས་རྒྱུ་བའི་བྱེད
21b6 པ་མེད། །དེ་བཞིན་རྣམ་པར་ཤེས་པའི་མི། །བདག་ཡོད་མ་ཡིན་གཞན་ཡོད་མིན། །རྣམ་དག་བར་སྣང་འདྲ་བ་དག་།དབའ་རླབས་བཞིན་དུ་རབ་ཏུ་འབྱུང་། །བག་ཆགས་རྣམ་པའི་ཉེས་པ་ཡིས། །མི་ཆགས་པད་མོའི་ཟླ་བ་བཞིན། །པད་མོ་ལ་ནི་ཆུ་མེད་མིན། །ཆུ་ལ་ཟླ་གཟུགས
21b7 མེད་པ་ཡང་། །ཆུ་སོང་ཟླ་བ་ཡོད་པ་སྟེ། །པད་མོའི་འདབ་ལ་དེ་བཞིན་ཆུ། །མིག་ལ་བུད་མེད་གཞོན་ནུ་དག་།མིག་གིས་མཐོང་བ་ཇིར་མི་འགྱུར། །དེ་བཞིན་ཀུན་གཞི་རྣམ་པར་ཤེས། །ལས་རྣམས་ཅིག་ཅར་བྱེད་པ་སྟེ། །འགྲོ་བ་དག་གི་ལུས་ལ་ནི། །ཁྱབ་གནས་ས་བོན་ཀུན
iiif viewer powered by OpenSeadragon
