| e-texts navigator |
| Wylie |
20a1 མའི་གཞི་མེད་མཚན་ཉིད་མེད། །འཁོར་བའི་རྒྱུན་གྱིས་ཁྱེར་བའི་རྣམས། །ཡང་དང་ཡང་ཞིང་སྐྱེ་བ་ཡིན། །བཅགས་མེད་མཚོ་ཡི་གཏེར་གྱུར་ལ། །གཅིག་ལ་གཅིག་འཇུའི་སྤྲེའུ་ལྟར་ཡང་། །བྱེད་པ་གྲུ་ལ་གནས་ཀྱིས་མཐོང་། །འཇུ་བའི་གནས་དང་རྟེན
20a2 མེད་པར། །དེ་བཞིན་རྒྱལ་བ་རྒྱལ་སྲས་རྣམས། །སྲེད་པས་རྣམ་པར་དཀྲུགས་པ་ཡི། །རྣམ་རྟོག་སྡུག་བསྔལ་གནས་པའི་རྣམས། །ས་ཡི་གནས་ནས་ཉོན་མོངས་ཕྱིར། །རབ་ཏུ་འབྱུང་དང་ཕྱིར་ལྡོག་དང་། །སྦྱིན་དང་མཆོད་པ་དག་ཀྱང་འབྱུང་། །འདི་འདྲ་རྣལ་འབྱོར་ཅན་གྱི
20a3 ཆོས། །རྣམ་པ་སྣ་ཚོགས་བསྒོམ་པར་གྱིས།། །།འཕགས་པ་རྒྱན་སྟུག་པོ། བམ་པོ་གཉིས་པ། ཀུན་ཏུ་བཟང་པོ་མི་ཡི་བདག་།གཟི་བརྗིད་ཆེན་པོ་སྣ་ཚོགས་གཟུགས། །བྱང་ཆུབ་སེམས་དཔའ་སེམས་དཔའ་ཆེས། །རྡོ་རྗེའི་སྙིང་པོ་ལ་སྨྲས
20a4 པ། །འཐུན་པ་དག་ལ་དབང་བྱེད་དང་། །ལྷ་གནས་འཁོད་པ་གཞན་དག་དང་། །རིན་ཆེན་ཁང་པ་སྣ་ཚོགས་ན། །གང་ཡང་སྟུག་པོའི་དཀྱིལ་འཁོར་བའི། །རྒྱལ་སྲས་རྣལ་འབྱོར་ལྡན་པ་དག་།གང་གིས་སྟུག་ཅེས་བྱ་ཐོས་ཏེ། །ཐོས་ནས་ནན་ཏན་བྱེད་པའི་རྣམས། །
20a5 གཞན་དུ་འགྱུར་ལ་གཞོལ་བ་དག་།གཞན་དུ་འགྱུར་བའི་ཚུལ་ཐོས་ཤིང་། །ཏིང་འཛིན་དེ་ཡི་ཚུལ་སོང་བ། །སྟུག་པོར་རིང་པོར་མི་ཐོགས་འགྲོ། །སངས་རྒྱས་ཡང་དག་འགྲོ་ལ་མོས། །འགྲོ་བ་འཛིན་དང་ཤུགས་འཛིན་དང་། །འཇམ་དཔལ་རྣམ་པར་འཕྲུལ་པ་དང་།
20a6 མཐུ་ཆེན་འཕགས་པ་འཇིག་རྟེན་དབང་། །ཟླ་བ་ལ་སོགས་གཟུངས་དབང་རྒྱལ། །བློ་གྲོས་ཤིན་ཏུ་ཞི་བ་དང་། །ལྟེ་བ་རྡོ་རྗེ་རྣལ་འབྱོར་རིག་།དྲུ་མ་ནམ་མཁའི་བདག་པོ་དང་། །ཕྱག་ན་རྡོ་རྗེ་བློ་ཆེན་དང་། །རྣལ་འབྱོར་ཅན་དང་རྒྱལ་སྲས་རྣམས། །གང་ཡང་བྱེ་བའི་ཞིང་དག
20a7 ནས། །ཆོས་མཉན་ཕྱིར་ནི་འོངས་པའི་རྣམས། །སྟུག་པོའི་རྒྱན་ལ་གཞོལ་བ་དག་།རྒྱལ་བ་མ་འོངས་མཐོང་ནས་ཀྱང་། །ཁོང་ནས་སྙིང་རྗེ་སྙིང་བརྩེ་སྟེ། །རྣལ་འབྱོར་ལྡན་ཅན་དབང་པོའི་གཙོ། །སྣ་ཚོགས་གཟུགས་ལ་རབ་ཏུ་སྨྲས། །རྣལ་འབྱོར་ཅན་གྱི་གཙོ་ལ་དྲིས། །
iiif viewer powered by OpenSeadragon
