| e-texts navigator |
| Wylie |
19b1 རྣམས་ལྔ་ཡི་རང་བཞིན་དང་། །རྣམ་པར་ཤེས་པ་བརྒྱད་རྣམས་དང་། །བདག་མེད་གཉིས་པོ་རབ་རྟོགས་ནས། །གཞན་དུ་འགྱུར་བ་འབྱུང་བར་འགྱུར། །ཡིད་བཞིན་ལུས་ནི་བཅུ་པོ་དག་།སྒྱུ་མ་དཔའ་བར་འགྲོ་བས་བསྐོན། །མི་ཟད་སྨོན་ལམ་བཅུ་པོ་དང་། །
19b2 ལམ་གྱི་རྣམས་ཀྱིས་ཤིན་ཏུ་སྤྲུལ། །རྨི་ལམ་མེ་ལོང་གཟུགས་བརྙན་ནམ། །ཆུ་ཡི་ཟླ་བ་བཞིན་དུ་མཐོང་། །རྣལ་འབྱོར་ལམ་ལ་ཐུབ་པའི་རྣམས། །སངས་རྒྱས་ས་ལ་ཞུགས་པ་དང་། །རྒྱལ་བ་པད་མོའི་གདན་བཞུགས་པ། །རྒྱལ་བའི་སྲས་ཀྱིས་མདུན
19b3 དུ་བྱས། །ཡོད་དང་མེད་པ་ཕྱོགས་བྲལ་བ། །རྡུལ་ཕྲན་རྣམ་པར་འཇིག་རྣམས་ཀྱིས། །དྲི་ཟ་གྲུབ་པའི་རྒྱལ་པོ་དང་། །ལྷ་ཡི་གནས་ན་འཁོད་པའི་ཚོགས། །རི་རབ་ས་ལ་འདོང་རྒྱུ་ཞིང་། །ནམ་མཁའི་དཀྱིལ་ནས་འདོད་སྤྱོད་ཀྱང་། །ཇི་ལྟར་སྣང་བར་མ་གྱུར
19b4 པ། །དེ་བཞིན་རྒྱལ་སྲས་གཅེས་པའི་རྣམས། །རྣལ་འབྱོར་མེད་པས་མི་མཐོང་ངོ་། །རྣམ་པ་སྣ་ཚོགས་གཟུགས་དང་ལྡན། །ས་དང་ཞིང་རྣམས་བྱེ་བ་ན། །རྒྱལ་བ་མཆོད་ལ་མངོན་པར་མོས། །སྨོན་ལམ་དབང་ལ་གནས་པའི་རྣམས། །པད་མོའི་ཁང་པར་རབ་ཏུ་སྐྱེ། །
19b5 དབང་དང་བསམ་གཏན་སེམས་པ་དག་།ཞིང་དང་ཞིང་དུ་མྱ་ངན་འདའ། །ཏིང་ངེ་འཛིན་ལས་སྐྱེས་པ་སྟོན། །ལྷུན་གྱིས་གྲུབ་པར་ཐམས་ཅད་དུ། །ཆུར་བྱུང་ཟླ་བ་འདྲ་བར་ཏེ། །ཉི་མ་ལྟ་བུར་ཁྱད་མེད་པ། །སྣང་བ་སེམས་ཅན་སྤྱོད་ཡུལ་དུ། །ཡང་དག་མཐའ་ལ་མི་རེག
19b6 པར། །ཏིང་ངེ་འཛིན་ལ་རབ་ཏུ་ལྡོག་།གྲུ་ལ་གནས་པའི་བུང་བ་དག་།གང་ཆེན་མཚོ་ལ་འགྲོ་བ་བཞིན། །གང་དུ་གྲུ་འགྲོ་དེར་རྒྱུག་སྟེ། །དཔག་ཚད་ཤིན་ཏུ་མང་བར་ཡང་། །ཐུགས་རྗེས་ཉོན་མོངས་དམའ་བའི་ལུས། །སྡུག་བསྔལ་ཅན་གཟིགས་དེ་བཞིན་དུ། །དེ
19b7 དག་འབྱུང་བ་རབ་ཏུ་སྟོན། །ཕྱིར་ལྡོག་བདག་མེད་པ་ཡང་སྟེ། །འཇིག་པ་དག་ཀྱང་རྣམ་མཁྱེན་ནས། །ཟད་པའི་དུས་སུ་མི་གནས་པ། །གཟུང་དང་འཛིན་གྱིས་འཕངས་པའི་རྣམས། །གཟུང་དང་འཛིན་ལ་སྤྱོད་པའི་རྣམས། །གཟུང་དང་འཛིན་གྱིས་བསྐྱེད་པས་ན། །མཚན
iiif viewer powered by OpenSeadragon
