| e-texts navigator |
| Wylie |
18b1 ཚོགས་ནི་ལག་གིས་འགྲོ་ཡི་མགོ་བོ་གློད་པ་བཞིན་དུ་སྟེ། །ལ་ལར་གཟུགས་ནི་རྡོ་རྗེ་ཨནྡ་རྙིལ་གྱིས་སྤྲས་པའི་ཅོད་པན་བརྒྱན་པར་རོ། །ལ་ལས་ལ་ལར་ཐུབ་པ་དེ་ལ་འཁོར་ལོ་རི་མོ་ཉ་དུང་བཅས་པར་མཐོང་། །ལ་ལས་ཇི་ལྟར་ནམ་མཁའི་རྒྱུ་བའི་ལམ་ལ་འཇའ་ཟུག་བཞིན
18b2 དུ་ཐུབ་པ་མཐོང་། །ལྷ་རྫས་ཕྱག་སོར་ཅན་གྱི་སྣ་ཚོགས་ཡུལ་ཅན་རི་རབ་ཕྱག་ཏུ་རབ་གཞོག་ཅིང་། །ཁམས་གསུམ་ཆུ་སྲིན་གནས་དང་ཆུ་གནས་དེ་བཞིན་བ་ལང་རྨིག་པར་ཤོང་བར་མཛད། །སྦྱིན་པའི་ཤུགས་ཀྱིས་མི་ཡི་བདག་པོའི་གཙུག་གི་ཅོད་པན་རྣམས་ཀྱིས་རབ
18b3 མཆོད་ཅིང་། །ལ་ལ་དག་ན་རྒྱལ་དང་རྒྱལ་པོའི་འཁོར་ན་དགོས་པ་རྣམས་ན་མཁས་གྱུར་ཅིང་། །ཆད་པས་གཅོད་པར་སྣང་ངོ་སྟུག་པོའི་དབུས་ན་གཞན་དུ་རྣམ་པར་སྣང་བ་ནི། །ཐུབ་པ་རྣལ་འབྱོར་མཁས་པའི་ཡེ་ཤེས་རྣལ་འབྱོར་ཤིན་ཏུ་བྱེད་པ་རྣམས་ལ་སྟེ། །རང་གི
18b4 ཡུལ་རྣམས་སྔོན་གྱི་རྒྱལ་བས་གསུངས་པ་དེ་དག་རྣལ་འབྱོར་གྱིས་སྟོན་ཅིང་། །ལ་ལས་གནས་དང་ལྟ་བ་ཡིད་དང་བློ་རྣམས་ཤིན་ཏུ་གཞན་དུ་གྱུར་པ་དང་། །དབང་དང་ཡེ་ཤེས་རྣམ་པ་སྣ་ཚོགས་ཏིང་ངེ་འཛིན་དང་ཡིད་བཞིན་སྐུ་མངའ་བར། །ལ་ལས་ཡུལ་ལ་ཆགས
18b5 མེད་སྤྱོད་ཡུལ་རིག་པའི་བློ་ཡི་བྱ་བ་གཅོད་པར་ཏེ། །འདི་དང་གཞན་མེད་སྲེག་མེད་གྱུར་པས་ཚིག་བྱ་མེད་ཕྱིར་མྱ་ངན་འདས་པར་རོ། །སྣུམ་དང་འོད་འཕྲོ་མེད་པས་ཇི་ལྟར་འཇིག་རྟེན་འདི་ན་མེ་བཞིན་ཤིན་ཏུ་མྱ་ངན་འདས། །ལ་ལས་ཕ་རོལ་ཕྱིན་པའི་མཆོད་སྤྲིན་མཆོད
18b6 བཅུག་མཆོད་སྦྱིན་བྱེད་པ་དག་ཏུ་སྟེ། །སྦྱིན་དང་མཆོད་དང་ཐུབ་པ་དག་ཀྱང་རྣམ་པ་ཚུལ་བཞིན་མཛད་པ་ཤིན་ཏུ་མཐོང་། །བདེ་བ་ཡོད་ཅེས་བྱ་བའི་ཞིང་མཆོག་དེ་ན་སྐྱེས་བུ་ཡོད་པ་དེ་དག་ནི། །མངལ་ནས་སྐྱེས་པ་མ་ཡིན་བདེ་བར་འབར་བའི་འོད་ཀྱི་དཀྱིལ་འཁོར་ཅན
18b7 དག་སྟེ། །ལྷ་རྫས་གསེར་ལྟར་འབར་བ་ཟླ་བ་ལྟ་བུའི་ལུས་འཆང་རྣལ་འབྱོར་ཅན་གྱི་བདག་།ལྷ་རྫས་འོད་བཟང་དེ་དང་གང་ཡང་མི་ནང་རྣལ་འབྱོར་ཅན་གྱི་དབང་པོའི་ཡུལ། །དེ་དག་བརྒྱ་ཆར་མི་ཕོད་རྣལ་འབྱོར་ཅན་གྱི་དབང་པོ་དག་གི་བདེ་དེ་ལ། །གཞན་དུ་བདག་ཅག
iiif viewer powered by OpenSeadragon
