| e-texts navigator |
| Wylie |
18a1 ལྟར་འབྱུང་བ་སྟེ། །འཕྲུལ་པའི་སྤྲུལ་པ་དག་གིས་ཀྱང་། །ས་བཅུ་པ་ཡི་མདོ་མཆོག་དང་། །སྡོང་པོས་བརྒྱན་དང་དྲུ་མ་ཡི། །གང་ཡང་རྣམ་པར་སྤྲུལ་པའི་མདོ། །དཔལ་གྱི་ཕྲེང་བ་ལ་བཤད་དང་། །རྣམ་པར་སྣང་བའི་མདོ་སྡེ་དང་། །སྒྱུ་མ་དཔལ
18a2 ལས་འགྲོ་བ་སོགས། །མདོ་སྡེ་རྣམ་པ་སྣ་ཚོགས་དག་།སྟུག་པའི་རྒྱན་ནས་རྣམ་པར་བྱུང་། །སྟུག་པོའི་རྒྱན་གྱི་མདོ་སྡེ་འདི། །མདོ་སྡེ་ཀུན་ལས་འཕགས་པ་ཡིན། །རྒྱལ་པོ་འདི་ལ་རིམ་གྲོར་ཡང་། །རྒྱལ་པོ་རྣམས་དང་བཅས་པས་གྱིས། །གཟུགས་མེད
18a3 འདོད་དང་གཟུགས་རྣམས་དང་། །འདུ་ཤེས་མེད་པ་དེ་བཞིན་ཏེ། །གནས་ལས་འདས་ཏེ་སངས་རྒྱས་དབང་། །བཞུགས་སོ་སྟུག་པོའི་དཀྱིལ་འཁོར་ན། །པད་མོ་འདྲ་བའི་གཞལ་མེད་ཁང་། །གཟུགས་མང་རྣམ་པ་སྣ་ཚོགས་ན། །ལྷ་རྫས་རྨད་ཀྱི་ཡེ་ཤེས་ཏེ། །
18a4 དེ་བཞིན་གཤེགས་པའི་རྣམ་དག་གིས། །རྣམ་གྲོལ་རྣལ་འབྱོར་ཅན་རྣམས་དང་། །དེ་ན་བཅོམ་ལྡན་ཐབས་ཅིག་བཞུགས། །སྟུག་པོའི་དཀྱིལ་བཞུགས་བསམ་གཏན་ཞུགས། །སངས་རྒྱས་ས་མཆོག་རྣམ་བཞི་ལ། །དེ་ན་བཞུགས་ཤིང་གཟུགས་འཛིན་པ། །
18a5 རྣལ་འབྱོར་མཁས་པ་ཉིད་ཚུལ་གྱིས། །དེ་ཡི་མཐའ་མ་མི་གཟིགས་པ། །གཟུགས་རྣམས་དང་ནི་ཡུལ་རྣམས་ཀྱི། །ཐུབ་པ་རྣལ་འབྱོར་མཁས་པའི་རྣམས། །གཟུགས་ཀྱི་རྣམ་པ་སྣ་ཚོགས་ཀྱང་། །སྟུག་པོའི་དཀྱིལ་ན་རྣམ་བཞུགས་ཤིང་། །ཐམས་ཅད
18a6 རྣལ་འབྱོར་ཅན་གྱིས་བསྟན། །བ་བླ་གསེར་དང་ཟླ་འོད་ཙམ་པ་ཀ་དང་རྨ་བྱའི་མགྲིན་པ་པད་མོ་འདྲ། །དེ་ཡི་ས་ལ་བཞུགས་པའི་ལྷ་ཡི་ཡང་ལྷ་གཟུགས་ནི་རྣམ་པར་མཛེས་པ་སྟེ། །དེ་གཟུགས་ལྷ་རྒྱལ་གོ་པ་ཀ་དག་གློག་དང་འོལ་མ་བྱི་རུའི་འོད་བཞིན་དུ། །ལ་ལས
18a7 བལ་ཆུང་སྐུ་དང་ན་བཟའ་ལོ་མ་རྩཝ་ལ་སོགས་པའི་མལ་བཞུགས་པར། །མཐོང་ངོ་ཉི་མ་སྟོང་ལྟར་ཤིན་ཏུ་རྣམ་པར་འབར་བའི་སྐུ་གཟུགས་མངའ་བ་ལ། །ཐུབ་ཅན་ལ་ལས་རྣལ་འབྱོར་དབང་ལ་སྟུག་དབུས་ཆུ་སྐྱེས་རེ་རེར་བཞུགས་པར་མཐོང་། །ཐུབ་པའི་ཐོར་ཚུགས
iiif viewer powered by OpenSeadragon
