| e-texts navigator |
| Wylie |
17b1 ཡིད་ཀྱང་རྟག་ཏུ་བྱེད་པ་སྟེ། །སྐྲ་ཚོགས་མགལ་བ་བསྐོར་བ་དང་། །དྲི་ཟའི་གྲོང་ཁྱེར་རྨི་ལམ་དང་། །སྨིག་རྒྱུ་ལ་ཡང་དེ་བཞིན་དུ། །རྣམ་པར་རྟོག་པ་ཀུན་ཏུ་འཇུག་།པྲ་བབ་ཀུན་ཏུ་འཁོར་བའི་སེམས། །བདག་སེམས་ཁོང་དུ་མི་ཆུད་པས། །ལུས་དང་སྣོད་ཀྱི
17b2 རྣམ་པར་ཡང་། །ཕྱང་མོ་ཉུག་ལྟར་གནས་པའོ། །ཉམ་ཆུང་སྙིང་པོ་མེད་པ་སྟེ། །རྣམ་པར་རྟོག་པ་རྒྱུ་མེད་པ། །བདག་གིས་བརྟགས་པའི་དོན་ལ་སྤྱོད། །མཐོང་ནས་གནས་པ་གཟུགས་བརྙན་བཞིན། །རྒྱལ་པོ་རྣམ་ཤེས་ས་བོན་ནི། །ལྟ་བའི་ཡུལ་དུ་གཡོ་བ་སྟེ། །
17b3 བུས་པའི་ཚོགས་རྣམས་མྱོས་པར་བྱེད། །འཕགས་པ་མ་ཡིན་ས་ཡི་བདག་།རྒྱལ་པོ་རྣམ་ཤེས་གསུམ་པོ་ཡི། །འཇུག་པ་རབ་ཏུ་བསྟན་པ་སྟེ། །འདི་རྣམས་དང་བྲལ་གྲུབ་པ་ཡི། །རང་བཞིན་ཡང་དག་ཉིད་ཡིན་ནོ། །བྱེ་བ་ཕྲག་ཞིང་ཇི་སྙེད་རྣམས། །ཤུགས་འཛིན
17b4 གྱིས་ནི་མཐོང་བ་དང་། །འཕགས་པ་མཽད་གལ་བུ་ཡིས་ཀྱང་། །ལུས་དང་ལུས་ཆེ་མཛེས་པ་རྣམས། །དེ་དག་ལས་ནི་འདི་དག་འཕགས། །སྟུག་པོའི་ཞིང་ནའོ་ས་ཡི་བདག་།ཐམས་ཅད་ཞིང་ན་ཅི་མཛེས་པ། །དེ་དག་དཔེའམ་ཆར་མི་རུང་། །བདེ་བ་ཡོད་དང་མངོན
17b5 དགའ་དང་། །འོག་གི་ཞིང་རྣམས་བྱེ་བ་དག་།དེ་དང་དེ་ན་གང་བཞུགས་པའི། །སངས་རྒྱས་དེ་དག་སྟུག་ལ་བསྟོད། །སྟུག་ཅེས་བྱ་ཡོད་སྔོན་མཐའ་མེད། །རང་བྱུང་འཕྲུལ་པ་དེ་ཡིན་ཏེ། །ཟག་པ་མེད་པའི་སངས་རྒྱས་སར། །འབྱུང་བ་གསུམ་ལས་འདས་ཏེ་གནས། །
17b6 དེ་ནི་བདེ་བ་ཉེར་ལེན་མེད། །ཁྱོད་དང་ང་ཡིར་སྤྱོད་དང་བྲལ། །ཐེར་ཟུག་མཆོག་ཏུ་རྟག་པ་སྟེ། །བརྟན་པ་སྟུག་པོར་འདུས་མ་བྱས། །ཡང་དག་སངས་རྒྱས་བྱང་ཆུབ་ཏུ། །འཚང་རྒྱ་འོག་མིན་གནས་མཆོག་ཏུ། །སངས་རྒྱས་མ་གྱུར་འདོད་ཁམས་སུ། །སངས
17b7 རྒྱས་མཛད་པ་མི་མཛད་དེ། །དེ་དག་སྟུག་པོའི་ཞིང་གཤེགས་ནས། །སངས་རྒྱས་སྤྲུལ་པ་བྱེ་བ་ཡིས། །རྟག་ཏུ་རྣལ་འབྱོར་མཉམ་པར་བཞག་།སྤྲུལ་པ་དག་དང་ཐབས་ཅིག་རོལ། །ཐམས་ཅད་ཞིང་དུ་ཟླ་བ་ལྟར། །གང་ལ་གང་གིས་དབང་འགྱུར་བ། །དེ་ལ་དེ
iiif viewer powered by OpenSeadragon
