| e-texts navigator |
| Wylie |
16a1 རྒྱུ་ལུག་དང་འདྲ་བ་སྟེ། །རྔ་ཕྲུག་བཞིན་དུ་ལུས་ཕྱེད་ཀྱིས། །འགྲོ་ཞིང་འོང་བ་བྱེད་པ་ནི། །ཐམས་ཅད་ལུས་ལ་ཡིད་ཡིན་ཏེ། །སྒྱུ་མའི་བཞིན་དུ་གནས། །སྒྱུ་མའི་ཤིང་ལྟར་ཤིན་ཏུ་སྣང་། །ཆུ་བོའི་ནང་གི་མེ་བཞིན་དུ། །སྨིན་མ་མིག་དང
16a2 ཡན་ལག་རྣམས། །སྒྱུར་བས་རྒྱལ་པོ་བཞིན་དུ་རྩེ། །སེམས་དང་སེམས་ལས་བྱུང་དང་ཡིད། །ཡིད་ཀྱི་རྣམ་པར་ཤེས་པ་དག་།ཆོས་རྣམས་འདི་དག་དངོས་པོ་མེད། །སྤྲིན་གྱི་ཚུལ་དུ་འབྱུང་བ་སྟེ། །ཀུན་གཞི་ཐམས་ཅད་ས་བོན་འདི། །བག་ཆགས་རྣམས
16a3 ཀྱིས་ཡོངས་སུ་དཀྲིས། །སྣ་ཚོགས་གཟུགས་ཀྱི་ནོར་བུ་དང་། །འཇའ་དང་གློག་རྣམས་ཇི་བཞིན་དུ། །ལུས་ཅན་རྣམས་ཀྱི་ལུས་ཀྱི་ཡུལ། །དེ་ལྟའི་གཟུགས་སུ་སྣང་བ་ཡིན། །ལུ་མའི་པད་མོ་ལྟ་བུར་དག་།དྲི་མེད་ངང་པའི་རྒྱལ་པོ་བཞིན། །གསལ་བ
16a4 གདོན་མི་ཟ་བའི་རིགས། །སངས་རྒྱས་སྤྲུལ་པ་བཞིན་དུ་གནས། །མཚན་མའི་མཐུ་ལས་མིང་འབྱུང་སྟེ། །མཚན་མ་རྐྱེན་ལས་བྱུང་བ་ཡིན། །མཚན་མ་མིང་དང་འབྲེལ་པ་སྟེ། །རྐྱེན་རྣམས་ཀྱིས་ཀྱང་རྣམ་པར་བརྟགས། །མཚན་མའི་ཚུལ་དང་དབྱིབས་དག
16a5 ལས། །རྣམ་པར་རྟོག་པ་ཤིན་ཏུ་འབྱུང་། །རྣམ་པར་རྟོག་པ་སྐྱེད་པ་ཡི། །རྒྱུ་ལ་རྣམ་པ་གཉིས་སུ་གསུངས། །ཕྱི་རོལ་མཚན་མ་སེམས་རྣམས་དང་། །བག་ཆགས་ཡིད་ཀྱང་དེ་བཞིན་ཏེ། །སེམས་དང་ལྷན་ཅིག་ལྡན་པ་ནི། །ཁོང་པ་ལ་ནི་གནས་པ་ཡིན། །
16a6 ཡིད་དང་དབང་པོར་ལྡན་པ་ནི། །རྣམ་ཤེས་ལྔ་ཡི་རྒྱུ་ཡིན་ཏེ། །རྟག་ཏུ་ཡང་དག་ཡེ་ཤེས་ཀྱིས། །འཇིག་རྟེན་རྒྱུ་ལ་རྣམ་པར་ལྟ། །དེ་ལྟར་བྱེད་དང་བྱ་བ་མེད། །དེ་བཞིན་ཉིད་འདི་རྣམ་གཞན་མིན། །ཐམས་ཅད་ཆོས་ཀྱི་དེ་བཞིན་ཉིད། །ཕན་ཚུན་སྟོབས་ཀྱིས་འབྱུང
16a7 བ་སྟེ། །རྣལ་འབྱོར་ཅན་རྣམས་དེ་ལྟར་ལྟ། །དེ་བཞིན་ཉིད་དུ་གསལ་བར་མཐོང་། །རང་བཞིན་ཡོངས་སུ་གྲུབ་པ་ནི། །ཆོས་རྣམས་ཆོས་ཉིད་དེ་ཡིན་ཏེ། །བརྟགས་པའི་དངོས་པོ་རང་བཞིན་དུ། །ཆོས་རྣམས་ཐམས་ཅད་མ་སྐྱེས་པ། །སྟོང་པ་ངོ་བོ་ཉིད་མེད་དེ། །ཡོད
iiif viewer powered by OpenSeadragon
