| e-texts navigator |
| Wylie |
276b1 དུ་བརྟགས་པའི་རང་བཞིན་ཡིན་ནོ། །བློ་གྲོས་ཆེན་པོ་རྣམ་པར་རྟོག་པ་དེ་ལ་བརྟེན་ནས་སེམས་དང་སེམས་ལས་བྱུང་བའི་ཆོས་མིང་དང་ལྷན་ཅིག་སྐྱེ་སྟེ། ཇི་ལྟར་ཉི་མ་དང་འོད་ཟེར་ལྷན་ཅིག་འབྱུང་བ་བཞིན་དུ་སྣ་ཚོགས་ཀྱི་མཚན་ཉིད་སོ་སོར་རྣམ་པར་བརྟག་ཅིང་། འཛིན་པར་བྱེད་པ་དེ་ནི་གཞན
276b2 གྱི་དབང་གི་རང་བཞིན་ཞེས་བྱའོ། །བློ་གྲོས་ཆེན་པོ་ཡང་དག་པའི་ཡེ་ཤེས་དང་། དེ་བཞིན་ཉིད་ནི་མི་འཇིག་པའི་ཕྱིར་ཡོངས་སུ་གྲུབ་པའི་ངོ་བོ་ཉིད་ཅེས་བྱའོ། །གཞན་ཡང་བློ་གྲོས་ཆེན་པོ་རང་གི་སེམས་སྣང་བའི་རྣམ་པར་རྟོག་པ་ལ་རྣམ་པ་བརྒྱད་དུ་དབྱེ་སྟེ། འདི་ལྟ་སྟེ། ཀུན་གཞི་རྣམ
276b3 པར་ཤེས་པ་དང་། ཡིད་དང་ཡིད་ཀྱི་རྣམ་པར་ཤེས་པ་དང་། རྣམ་པར་ཤེས་པའི་ཚོགས་ལྔའོ། །དེ་ལ་རྒྱུ་མཚན་ནི་ཡང་དག་པ་མ་ཡིན་པའི་མཚན་ཉིད་ལ་ཀུན་དུ་བརྟགས་པའི་ཕྱིར་བདག་དང་བདག་གིར་འཛིན་པ་གཉིས་འགགས་ན་བདག་མེད་པ་གཉིས་སྐྱེའོ། །དེ་ལྟ་བས་ན་བློ་གྲོས་ཆེན་པོ་ཆོས
276b4 ལྔ་པོ་འདིའི་ནང་དུ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། དེ་བཞིན་གཤེགས་པ་རྣམས་ཀྱི་སོ་སོ་རང་གིས་རིག་པ་འཕགས་པའི་ཡེ་ཤེས་དང་། ས་རྣམས་ཀྱི་མཚམས་སྦྱར་བ་དང་། དང་། སངས་རྒྱས་ཀྱི་ཆོས་ཐམས་ཅད་ཀྱང་འདུས་སོ། །གཞན་ཡང
276b5 བློ་གྲོས་ཆེན་པོ་ཆོས་ལྔ་ནི་རྒྱུ་མཚན་དང་། མིང་དང་། རྣམ་པར་རྟོག་པ་དང་། དེ་བཞིན་ཉིད་དང་། ཡང་དག་པའི་ཡེ་ཤེས་སོ། །བློ་གྲོས་ཆེན་པོ་དེ་ལ་རྒྱུ་མཚན་ནི་གནས་པ་དང་། དབྱིབས་ཀྱི་མཚན་ཉིད་དང་། གཟུགས་ལ་སོགས་པའི་མཚན་ཉིད་དུ་སྣང་བ་ནི་རྒྱུ་མཚན་ཞེས་བྱའོ། །གང་རྒྱུ
276b6 མཚན་དེ་ཉིད་ལ་བུམ་པ་ཞེས་བྱ་བ་ལ་སོགས་པའི་མིང་ཡོད་པས་འདི་ནི་དེ་བཞིན་གྱི་གཞན་དུ་མ་ཡིན་ནོ་ཞེས་བྱ་བ་དེ་ནི་མིང་ཞེས་བྱ་བ་སྟེ། མིང་མང་པོ་བཏགས་ནས་རྒྱུ་མཚན་རྣམས་གསལ་བར་བྱེད་པའོ། །བུམ་པ་ལ་སོགས་པའི་སེམས་དང་སེམས་ལས་བྱུང་བའི་ཆོས་དེ་ནི་རྣམ་པར་རྟོག་པ་ཞེས
276b7 བྱའོ། །མིང་དེ་དང་རྒྱུ་མཚན་དེ་དག་མཐར་དམིགས་སུ་མེད་པ་དང་། ཐོག་མ་དང་། ཐ་མར་རིག་པར་བྱ་བ་མེད་པ་དང་། ཆོས་རྣམས་ལ་ཕན་ཚུན་མེད་པ་དང་། ཡང་དག་པ་མ་ཡིན་པའི་རྣམ་པར་རྟོག་པ་དང་བྲལ་བ་ནི་དེ་བཞིན་ཉིད་ཅེས་བྱའོ། །དེ་ཁོ་ན་ཉིད་ཡང་དག་པར་ངེས་པ་མཐར་ཐུག་པར་ཡང
iiif viewer powered by OpenSeadragon
