| e-texts navigator |
| Wylie |
269a1 འབྱུང་བ་དང་འབྱུང་བ་ལས་གྱུར་པའི་གཟུགས་གནས་པ་རྣམས་ནི་སྐྱེ་བ་དང་འཇིག་པ་ཡོད་པར་ཤེས་ན། འབྱུང་བ་ཆེན་པོ་དང་འབྱུང་བ་ལས་གྱུར་པའི་གཟུགས་ལས་ལོགས་ཤིག་ན། མུ་སྟེགས་ཅན་རྣམས་ཀྱིས་གང་ལ་བསམས་ནས་མི་རྟག་པ་ཞེས་རྟོག་སྟེ། འབྱུང་བ
269a2 ཆེན་པོ་བཞི་མི་སྐྱེ་བ་དང་། རང་བཞིན་གྱི་མཚན་ཉིད་མི་འཇིག་པའི་ཕྱིར་རོ། །དེ་ལ་དང་པོ་རྩོམ་པ་ཡོངས་སུ་སྤངས་པའི་མི་རྟག་པ་ཉིད་ཅེས་བྱ་བ་ནི་འབྱུང་བ་ཆེན་པོ་བཞི་ཡང་མ་ཡིན་པ་དང་། གཞན་ཡང་ཐ་དད་པའི་འབྱུང་བ་ཆེན་པོ་བཞི་དང་། སོ་སོ་ཐ་དད་པའི་མཚན་ཉིད་དང་། རང་གི
269a3 མཚན་ཉིད་ཀྱི་ཕྱིར་རོ། །བྱེ་བྲག་མི་དམིགས་པ་དང་། དེའི་བྱེ་བྲག་མེད་པ་དང་། དེ་ལ་སོགས་པས་ཡང་མི་རྩོམ་པ་དང་། སྦྱོར་བ་རྣམ་པ་གཉིས་པ་མི་རྩོམ་པ་ནི་མི་རྟག་པ་ཉིད་ཤེས་པར་བྱའོ། །དེ་ལ་དབྱིབས་རྣམ་པར་འཇིག་པའི་མི་རྟག་པ་ཞེས་བྱ་བ་ནི་འདི་ལྟ་སྟེ། འབྱུང་བ་ཆེན་པོ་བཞི
269a4 དང་། རྒྱུར་བྱས་པའི་གཟུགས་རྣམས་ཀྱི་མི་འཇིག་པ་ནི་མཐར་ཕྱིན་པའི་བར་དུ་མི་འཇིག་གོ་ཞེས་ཟེར་ལ། བློ་གྲོས་ཆེན་པོ་མཐར་ཕྱིན་པ་ནི་རྡུལ་ཕྲ་མོའི་བར་དུ་རབ་ཏུ་ཕྱེ་སྟེ། འཇིག་པ་ལས་སོ་སོར་བརྟགས་ན་འབྱུང་བ་ཆེན་པོ་བཞི་དང་། རྒྱུར་བྱས་པའི་གཟུགས་རྣམས་ཐ་དད་པར་མཐོང་བའི
269a5 དབྱིབས་དང་རིང་ཐུང་མི་དམིགས་ཏེ། འབྱུང་བ་ཆེན་པོ་བཞི་ནི་མ་ཡིན་པས་འབྱུང་བ་ཆེན་པོ་བཞི་མི་འཇིག་གི་།དབྱིབས་རྣམ་པར་འཇིག་པར་ལྟ་བས་གྲངས་ཅན་གྱི་སྨྲ་བར་ལྟུང་བ་ཡིན་ནོ། །དེ་ལ་གཟུགས་ཉིད་མི་རྟག་པ་ཉིད་ཅེས་བྱ་བ་ནི་འདི་ལྟ་སྟེ། གཟུགས་ཉིད་མི་རྟག་པ་ཉིད་ཡིན་པས་དབྱིབས
269a6 དེ་དག་མི་རྟག་པ་ཉིད་དེ་འབྱུང་བ་ཆེན་པོ་རྣམས་ནི་མ་ཡིན་ནོ། །གལ་ཏེ་འབྱུང་བ་བཞི་པོ་རྣམས་མི་རྟག་པ་ཉིད་ཡིན་ན་ནི་འཇིག་རྟེན་གྱི་གྲངས་སུ་བརྗོད་པ་མ་ཡིན་ནོ། འཇིག་རྟེན་གྱི་བརྗོད་པའི་དངོས་པོ་མེད་ན་ནི་འཇིག་རྟེན་རྒྱང་པན་པའི་ལྟ་བར་ལྟུང་བར་འགྱུར་ཏེ། དངོས་པོ་ཐམས་ཅད་བརྗོད་པའི
269a7 ཚིག་ཙམ་དུ་མཐོང་ཞིང་རང་གི་མཚན་ཉིད་སྐྱེ་བར་མི་མཐོང་བའི་ཕྱིར་རོ། །དེ་ལ་རྣམ་པར་འགྱུར་བའི་མི་རྟག་པ་ཞེས་བྱ་བ་ནི་འདི་ལྟར་གཟུགས་དངོས་པོ་གཞན་དུ་འགྱུར་བར་སྣང་བ་སྟེ། འབྱུང་བ་ཆེན་པོ་རྣམས་ནི་མ་ཡིན་ནོ། །ཇི་ལྟར་གསེར་ལས་རྒྱུན་དུ་བྱས་པ་རྣམས་འགྱུར་བར་སྣང་ཡང
iiif viewer powered by OpenSeadragon
