| e-texts navigator |
| Wylie |
265a1 བོ། །དེ་བཞིན་དུ་བྱིས་པ་སོ་སོའི་སྐྱེ་བོ་རྣམས་ཀྱང་སྒྲ་ཇི་བཞིན་གྱི་སོར་མོའི་རྩེ་མོ་འཛིན་ཅིང་མངོན་པར་ཞེན་ཏེ། འཆི་བ་ལ་ཐུག་གི་བར་དུ་ཡོངས་སུ་མི་གཏོང་བས་སྒྲ་ཇི་བཞིན་གྱི་སོར་མོའི་རྩེ་མོ་སྤངས་པ་དོན་དམ་པའི་དེ་ཁོ་ན་ཉིད་འཐོབ་པར་མི་ནུས་སོ། །བློ་གྲོས་ཆེན་པོ་དཔེར་ན་བྱིས་པ
265a2 ཆུང་ངུ་རྣམས་ནི་ཟས་གཡོས་སུ་བྱས་པ་རྣམས་བཟའ་བའི་རིགས་ཀྱི་གཡོས་སུ་མ་བྱས་པ་རྣམས་ནི་བཟའ་བའི་མི་རིགས་པ་ལས། གལ་ཏེ་གཡོས་སུ་མ་བྱས་པ་ཟོས་ན་སྨད་ནད་སློང་བར་འགྱུར་ཏེ། ཁ་ཟས་རིམ་གྱིས་གཡོས་སུ་བྱ་བ་མི་ཤེས་པའི་ཕྱིར་རོ། །བློ་གྲོས་ཆེན་པོ་དེ་བཞིན་དུ་སྐྱེ་བ་མེད་པ
265a3 དང་། འགག་པ་མེད་པ་ཡང་ཐབས་ཀྱིས་མངོན་པར་མ་བསྒྲུབས་ན་མཛེས་པར་མི་འགྱུར་རོ། །དེ་ལྟ་བས་ན་བློ་གྲོས་ཆེན་པོ་ཐབས་ཀྱིས་མངོན་པར་བསྒྲུབ་པ་ལ་བརྩོན་པར་བྱ་ཞིང་སོར་མོའི་རྩེ་མོ་ལ་ལྟ་བ་ལྟར་སྒྲའི་རྗེས་སུ་འབྲང་བར་མི་བྱའོ། །དེའི་ཕྱིར་བློ་གྲོས་ཆེན་པོ་དེ་ཁོ་ནའི་དོན་ལ་ཐབས
265a4 ཀྱིས་མངོན་པར་བརྩོན་པར་བྱའོ། །དེ་ལ་དེ་ཁོ་ནའི་དོན་ནི་རབ་ཏུ་དབེན་པ་སྟེ། མྱ་ངན་ལས་འདས་པའི་རྒྱུའོ། །སྒྲ་ནི་རྣམ་པར་རྟོག་པ་དང་རྗེས་སུ་འཐུན་པའོ། །རྣམ་པར་རྟོག་པ་ནི་འཁོར་བ་སྡུད་པའོ། །བློ་གྲོས་ཆེན་པོ་དེ་ལ་དེ་ཁོ་ན་ཉིད་ཀྱི་དོན་ནི་མང་དུ་ཐོས་པ་ལས་ཐོབ་པར་འགྱུར་རོ། །བློ་གྲོས
265a5 ཆེན་པོ་མང་དུ་ཐོས་པ་ནི་འདི་ལྟ་སྟེ། དོན་ལ་མཁས་པ་ཡིན་གྱི་སྒྲ་ལ་མཁས་པ་ནི་མ་ཡིན་ནོ། །དོན་ལ་མཁས་པ་ནི་མུ་སྟེགས་ཅན་གྱི་སྨྲ་བ་ཐམས་ཅད་ཀྱི་རྗེས་སུ་མི་འབྲང་བས་བདག་ཉིད་ཀྱང་རྗེས་སུ་འབྲང་བར་མི་བྱེད་ལ་གཞན་དག་ཀྱང་རྗེས་སུ་འབྲང་བར་བྱེད་དུ་མི་འཇུག་སྟེ། འདི་ནི་ཡོན་ཏན
265a6 ཆེན་པོ་མང་དུ་ཐོས་པ་དང་ལྡན་པ་ཞེས་བྱའོ། །དེ་བས་ན་དོན་འདོད་པ་རྣམས་ཀྱིས་མང་དུ་ཐོས་པ་ལ་བསྟེན་པར་བྱ་སྟེ། འདི་ལྟ་སྟེ། དོན་ལ་མཁས་པའོ། །འདི་ལས་བཟློག་པ་སྒྲ་ལ་མངོན་པར་ཞེན་པ་དེ་དག་ནི་ཡོངས་སུ་སྤང་བར་བྱའོ། །དེ་ནས་ཡང་བྱང་ཆུབ་སེམས་དཔའ་བློ་གྲོས་ཆེན་པོ་སངས་རྒྱས
265a7 ཀྱི་བྱིན་གྱི་རླབས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སྐྱེ་བ་མ་མཆིས་པ་དང་། འགག་པ་མ་མཆིས་པ་ཞེས་རབ་ཏུ་ཕྱེ་བ་དེ་ནི་ངོ་མཚར་དུ་གྱུར་པ་ཅི་ཡང་མ་མཆིས་སོ། །དེ་ཅིའི་སླད་དུ་ཞེ་ན། མུ་སྟེགས་རྣམས་ཀྱིས་རྒྱུ་ཡང་མ་སྐྱེས་མ་འགགས
iiif viewer powered by OpenSeadragon
