| e-texts navigator |
| Wylie |
263b1 ཡོད་དོ། །སྟོང་པ་ཉིད་དུ་ཤེས་པ་ཡང་ཡོད་དོ། །དེ་བཞིན་ཉིད་དུ་ཤེས་པ་ཡང་ཡོད་དོ། །བདེན་པ་ཉིད་དུ་ཤེས་པ་ཡང་ཡོད་དོ། །དེ་ཁོ་ན་ཉིད་དུ་ཤེས་པ་ཡང་ཡོད་དོ། །ཆོས་ཀྱི་ངོ་བོ་ཉིད་དུ་ཤེས་པ་ཡང་ཡོད་དོ། །མྱ་ངན་ལས་འདས་པར་ཤེས་པ་ཡང་ཡོད་དོ། །རྟག་པར་ཤེས་པ་ཡང་ཡོད་དོ། །
263b2 མཉམ་པ་ཉིད་དུ་ཤེས་པ་ཡང་ཡོད་དོ། །གཉིས་སུ་མེད་པར་ཤེས་པ་ཡང་ཡོད་དོ། །མཚན་མ་མེད་པར་ཤེས་པ་ཡང་ཡོད་དོ། །རྣམ་པར་ཐར་པར་ཤེས་པ་ཡང་ཡོད་དོ། །ལམ་ཡིན་པར་ཤེས་པ་ཡང་ཡོད་དོ། །ཡིད་ལ་བྱུང་བར་རབ་ཏུ་ཤེས་པ་ཡང་ཡོད་དོ། །བློ་གྲོས་ཆེན་པོ་དེ་ལ་སོགས
263b3 པ་མིང་གྲངས་མེད་པ་བརྒྱ་སྟོང་ཕྲག་གསུམ་ལྷག་ཆད་མེད་པར་འཇིག་རྟེན་གྱི་ཁམས་འདི་དང་། གཞན་ཀུན་གྱིས་ང་ལ་ཆུའི་ཟླ་བ་བཞིན་དུ་འབྱུང་བ་ཡང་མེད། འཇུག་པ་ཡང་མེད་པར་རབ་ཏུ་ཤེས་སོ། །བྱིས་པ་སོ་སོའི་སྐྱེ་བོ་དག་གིས་ནི་ང་རབ་ཏུ་མི་ཤེས་ཏེ། མཐའ་གཉིས་སུ་ལྷུང་བའི
263b4 ཕྱིར་རོ། །འོན་ཀྱང་ང་ལ་བཀུར་སྟི་བྱེད་མཆོད་པར་བྱེད་དེ། ཚིག་གི་དོན་གྱི་ཚུལ་ལ་མི་མཁས་པས་མིང་རྣམ་པར་འབྱེད་མི་ནུས་ཤིང་རང་གི་ཚུལ་མི་ཤེས་པས། བརྗོད་པའི་ཚིག་སྣ་ཚོགས་ལ་མངོན་པར་ཞེན་ནས། སྐྱེ་བ་མེད་པ་དང་། འགག་པ་མེད་པ་ལ་དངོས་པོ་མེད་པར་འདུ་ཤེས་སོ། །
263b5 དེ་བཞིན་གཤེགས་པའི་མིང་གི་རྣམ་གྲངས་ཐ་དད་པ་དབང་པོ་དང་། བརྒྱ་བྱིན་དང་། གྲོང་ཁྱེར་འཇིག་པ་ལྟ་བུར་མ་ཤེས་ཤིང་། རང་གི་ཚུལ་མཐར་ཐུག་པ་ལ་རྨོངས་པས། ཆོས་ཐམས་ཅད་ལ་སྒྲ་ཇི་བཞིན་དུ་མངོན་པར་ཞེན་ཏོ། །བློ་གྲོས་ཆེན་པོ་སྐྱེས་བུ་བླུན་པོ་དེ་དག་འདི་སྐད་དུ་དོན་ནི་ཇི
263b6 བཞིན་པ་ཉིད་དེ། སྒྲ་ལས་དོན་གཞན་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟ་སྟེ། དོན་མ་ལུས་པ་མེད་པའི་ཕྱིར་སྒྲ་ལས་གཞན་ཅི་ཡང་མེད་དོ། །སྒྲ་འབའ་ཞིག་གོ་ཞེས་ཟེར་རོ། །བློ་གྲོས་ཆེན་པོ་ལོག་པས་བསྲེགས་པའི་བློ་ཅན་དེ་དག་སྒྲའི་རང་བཞིན་ཡོངས་སུ་མི་ཤེས་པས་སྒྲ་ལ་སྐྱེ་བ
263b7 དང་། འགག་པ་ཡོད་ཅིང་དོན་ལ་སྐྱེ་བ་དང་། འགག་པ་མེད་པར་མི་རིག་གོ། །བློ་གྲོས་ཆེན་པོ་སྒྲ་ཐམས་ཅད་ནི་ཡི་གེར་ལྷུང་བའོ། །དོན་ནི་མ་ལྷུང་བ་སྟེ། དངོས་པོ་དང་དངོས་པོ་མེད་པ་སྤངས་པའི་ཕྱིར་དང་། སྐྱེ་བ་ལེན་པ་མེད་ཅིང་ལུས་མེད་པའི་ཕྱིར་རོ། །བློ་གྲོས་ཆེན་པོ་དེ་བཞིན
iiif viewer powered by OpenSeadragon
