| e-texts navigator |
| Wylie |
263a1 སྐད་ཅེས་བཀའ་སྩལ་ཏོ། །བློ་གྲོས་ཆེན་པོ་ང་ནི་དེ་བཞིན་གཤེགས་པ་དངོས་པོ་མེད་པར་བཤད་པ་ཡང་མ་ཡིན། སྐྱེ་བ་མེད་པ་དང་། འགག་པ་མེད་པས་ཆོས་ཐམས་ཅད་སྨོས་པ་ཡང་མ་ཡིན། རྐྱེན་ལ་ལྟོས་པ་ཡང་མ་ཡིན་པའི་ཕྱིར། སྐྱེ་བ་མེད་པ་དང་། འགག་པ་མེད་ཀྱང་དོན
263a2 མེད་པ་ཡང་མ་ཡིན་ནོ། །བློ་གྲོས་ཆེན་པོ་ངས་ཡིད་ལས་བྱུང་བའི་ཆོས་ཀྱི་སྐུའི་དེ་བཞིན་གཤེགས་པའི་མིང་གི་ཚིག་སུ་མ་སྐྱེས་པ་ཞེས་བཤད་པ་དེ་ནི་མུ་སྟེགས་ཅན་དང་། ཉན་ཐོས་དང་། རང་སངས་རྒྱས་དང་། ས་བདུན་ལ་རབ་ཏུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་མ་ཡིན
263a3 པས། བློ་གྲོས་ཆེན་པོ་མ་སྐྱེས་པ་དེ་ནི་དེ་བཞིན་གཤེགས་པའི་རྣམ་གྲངས་ཀྱི་ཚིག་ཡིན་ནོ། །བློ་གྲོས་ཆེན་པོ་དཔེར་ན། དབང་པོ་དང་། བརྒྱ་བྱིན་དང་། གྲོང་ཁྱེར་འཇིག་དང་། དེ་ལ་སོགས་པ་དངོས་པོ་རེ་རེ་ལ་ཡང་མིང་གི་རྣམ་གྲངས་མང་པོ་ཡོད་དེ། མིང་མང་བའི་ཕྱིར་དངོས་པོ་མང་པོ་ཡོད་པ་ཡང
263a4 མ་ཡིན་ལ། རང་བཞིན་མེད་པ་ཡང་མ་ཡིན་ནོ། །དེ་བཞིན་དུ་བློ་གྲོས་ཆེན་པོ་ང་ཡང་མི་མཇེད་ཀྱི་འཇིག་རྟེན་གྱི་ཁམས་འདི་ན་མིང་གྲངས་མེད་པ་བརྒྱ་སྟོང་ཕྲག་གསུམ་ཡོད་པར་བྱིས་པ་རྣམས་ཀྱི་རྣ་ལམ་དུ་གྲགས་ཏེ། སོ་སོ་ནས་ངའི་མིང་བརྗོད་ཀྱང་དེ་དག་གིས་ངའི་དེ་བཞིན་གཤེགས་པའི་མིང་གི
263a5 རྣམ་གྲངས་མི་ཤེས་སོ། །བློ་གྲོས་ཆེན་པོ་སེམས་ཅན་ཁ་ཅིག་ནི་ང་ལ་དེ་བཞིན་གཤེགས་པ་ཡིན་པར་ཤེས་སོ། །ཁ་ཅིག་ནི་ཐམས་ཅད་མཁྱེན་པར་ཤེས་པ་ཡང་ཡོད་དོ། །སངས་རྒྱས་སུ་ཤེས་པ་ཡང་ཡོད་དོ། །འཇིག་རྟེན་སྐྱོབ་པར་ཤེས་པ་ཡང་ཡོད་དོ། །བདག་ཉིད་རིག་པར་ཤེས་པ་ཡང
263a6 ཡོད་དོ། །འདྲེན་པར་ཤེས་པ་ཡང་ཡོད་དོ། །རྣམ་པར་འདྲེན་པར་ཤེས་པ་ཡང་ཡོད་དོ། །ཡོངས་སུ་འདྲེན་པར་ཤེས་པ་ཡང་ཡོད་དོ། །དྲང་སྲོང་དུ་ཤེས་པ་ཡང་ཡོད་དོ། །ཚངས་པར་ཤེས་པ་ཡང་ཡོད་དོ། །ཁྱབ་འཇུག་ཏུ་ཤེས་པ་ཡང་ཡོད་དོ། །དབང་ཕྱུག་ཏུ་ཤེས་པ་ཡང་ཡོད་དོ། །གཙོ་བོར
263a7 ཤེས་པ་ཡང་ཡོད་དོ། །སེར་སྐྱ་ཡིན་པར་ཤེས་པ་ཡང་ཡོད་དོ། །ཡང་དག་པའི་མཐའ་ཡིན་པར་ཤེས་པ་ཡང་ཡོད་དོ། །ཟླ་བར་ཤེས་པ་ཡང་ཡོད་དོ། །ཉི་མར་ཤེས་པ་ཡང་ཡོད་དོ། །བདག་པོར་ཤེས་པ་ཡང་ཡོད་དོ། །སྐྱེ་བ་མེད་པར་ཤེས་པ་ཡང་ཡོད་དོ། །འགག་པ་མེད་པར་ཤེས་པ་ཡང
iiif viewer powered by OpenSeadragon
