| e-texts navigator |
| Wylie |
260a1 བའི་བསམ་པས་མྱ་ངན་ལས་འདས་པར་འདུ་ཤེས་ཏེ། དེ་ལྟ་བུ་ལ་སོགས་པའི་རྣམ་པར་རྟོག་པས་མུ་སྟེགས་ཅན་དག་མྱ་ངན་ལས་འདས་པར་ཡོངས་སུ་རྟོག་ཀྱང་། འདི་ལ་གང་ཡང་སྐྱེ་བའམ། འགག་པ་མེད་དོ། །བློ་གྲོས་ཆེན་པོ་མུ་སྟེགས་ཅན་སོ་སོའི་མྱ་ངན་ལས་འདས་པ་དེ
260a2 དག་ནི་དེ་དག་རང་གི་བསྟན་བཅོས་དང་ཤེས་པས་སོ་སོར་བརྟགས་པས་ན་རྣམ་པར་གཞག་པ་ཅི་ཡང་མེད་དེ། ཇི་ལྟར་དེ་དག་གི་རྣམ་པར་རྟོག་པའི་སེམས་དང་། ཡིད་བཞིན་དུ་འོང་བ་དང་། འགྲོ་བ་དང་། རབ་ཏུ་གཡོ་བས་ཐམས་ཅད་གང་ཡང་མྱ་ངན་ལས་འདས་པ་ཐོབ་པ་མེད་དོ། །བློ་གྲོས་ཆེན་པོ
260a3 ངས་ཇི་སྐད་དུ་བསྟན་པའི་མྱ་ངན་ལས་འདས་པ་ནི་འདི་ལྟ་སྟེ། རང་གི་སེམས་སྣང་བ་ཙམ་དུ་མཁས་ཤིང་ཁོང་དུ་ཆུད་པ་དང་། ཕྱི་རོལ་གྱི་དངོས་པོ་ལ་མངོན་པར་ཆགས་ཤིང་མཐའ་བཞི་ཡོངས་སུ་སྤངས་པ་དང་། ཡང་དག་པ་ཇི་ལྟར་གནས་པ་བཞིན་དུ་མཐོང་བས་རང་གི་སེམས་སྣང་བར་རྣམ
260a4 པར་རྟོག་པའི་མཐའ་གཉིས་སུ་མ་ལྷུང་བ་དང་། གཟུང་བ་དང་། འཛིན་པ་མི་དམིགས་པས་ཚད་མ་ཐམས་ཅད་ཀྱིས་གྲུབ་པར་མི་མཐོང་བ་དང་། དེ་ཁོ་ན་ཉིད་ལ་རྨོངས་པ་ཡིན་པས་ཡོངས་སུ་བསྡུ་བར་མི་བྱའོ་ཞེས་དེ་ཡོངས་སུ་སྤངས་ནས། བདག་གི་འཕགས་པའི་སོ་སོ་རང་གིས་རིག་པའི
260a5 ཆོས་ཐོབ་པ་དང་། བདག་མེད་པ་རྣམ་གཉིས་རྟོགས་པ་དང་། ཉོན་མོངས་པ་གཉིས་ཡོངས་སུ་སྤངས་པ་དང་། སྒྲིབ་པ་གཉིས་རྣམ་པར་དག་པ་དང་། འཆི་འཕོ་གཉིས་གཏན་ནས་སྤངས་པ་དང་། ས་རྣམས་གོང་ནས་གོང་དུ་སྦྱངས་པས་དེ་བཞིན་གཤེགས་པའི་ས་ལ་འཇུག་ཅིང་གཟུགས
260a6 བརྙན་དང་། སྒྱུ་མ་ལ་སོགས་པའི་ཏིང་ངེ་འཛིན་ཟབ་མོ་ཐོབ་པ་དང་། སེམས་དང་ཡིད་དང་། ཡིད་ཀྱི་རྣམ་པར་ཤེས་པ་ཡོངས་སུ་སྤངས་པ་ནི་མྱ་ངན་ལས་འདས་པ་ཞེས་བསྟན་ཏོ། །བློ་གྲོས་ཆེན་པོ་དེ་ལ་ཁྱོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་བསླབ་པར
260a7 བྱ་ཞིང་། མུ་སྟེགས་ཅན་ཐམས་ཅད་ཀྱི་མྱ་ངན་ལས་འདས་པར་ལྟ་བ་རྣམས་མྱུར་དུ་ཡོངས་སུ་སྤང་བར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །མུ་སྟེགས་མྱ་ངན་འདས་ལྟ་ཞིང་། །སོ་སོར་རྣམ་རྟོག་གང་བྱུང་བ། །
iiif viewer powered by OpenSeadragon
