| e-texts navigator |
| Wylie |
257a1 འབའ་ཞིག་སྟོན་གྱི། ཇི་ལྟར་མུ་སྟེགས་ཅན་དག་བདག་དང་། དབང་པོ་རྣམས་དང་། དོན་གསུམ་འདུས་པ་ལས་ཤེས་པ་སྐྱེ་བ་ལྟ་བུར་ང་ནི་དེ་ལྟ་བུ་མ་ཡིན་ནོ། །བྲམ་ཟེ་ང་ནི་རྒྱུར་སྨྲ་བ་ཡང་མ་ཡིན། རྒྱུ་མེད་པར་སྨྲ་བ་ཡང་མ་ཡིན་གྱི། རྣམ་པར་རྟོག
257a2 པ་གཟུང་བ་དང་། འཛིན་པའི་དངོས་པོ་ཙམ་ལ་རྟེན་ཅིང་འབྲེལ་བར་འབྱུང་བ་ཞེས་ཉེ་བར་འདོགས་ཏེ། ཁྱོད་དང་གང་དག་བདག་ཏུ་འཛིན་པར་ལྷུང་བའི་རྒྱུན་ཆད་དག་གིས་ཤེས་པར་བྱ་བ་མ་ཡིན་ནོ། །བློ་གྲོས་ཆེན་པོ་མྱ་ངན་ལས་འདས་པ་དང་། ནམ་མཁའ་དང་། འགོག
257a3 པ་དག་རྣམ་པ་གསུམ་དུ་ཡོད་པ་མ་ཡིན་གྱི། གྲངས་ཙམ་དུ་གསུམ་ཡོད་པར་ཟད་དོ། །གཞན་ཡང་བློ་གྲོས་ཆེན་པོ་དེའི་ཚེ་བྲམ་ཟེ་འཇིག་རྟེན་རྒྱང་པན་པ་ང་ལ་འདི་སྐད་ཅེས་ཟེར་རོ། །ཀྱེ་མི་ཤེས་པ་དང་། སྲེད་པ་དང་། ལས་ཀྱི་རྒྱུའི་ཕྱིར་སྲིད་པ་གསུམ་ཡོད་པར་གྱུར
257a4 པའམ། འོན་ཀྱང་རྒྱུ་མེད་པ་ལས་ཡིན། ངས་དེའི་ཚེ་འདི་སྐད་ཅེས་འདི་གཉི་ག་ཡང་འཇིག་རྟེན་རྒྱང་པན་པའོ་ཞེས་སྨྲས་སོ། །དེས་ཡང་འདི་སྐད་དུ་ཀྱེ་དངོས་པོ་ཐམས་ཅད་རང་དང་སྤྱིའི་མཚན་ཉིད་དུ་གཏོགས་པ་ཞིག་ཡིན་ནམ། ཞེས་དྲིས་པ་དང་། ང་ཡང་འདི་སྐད་དུ་འདི
257a5 ཡང་འཇིག་རྟེན་རྒྱང་པན་པ་ཉིད་ཡིན་ཏེ། བྲམ་ཟེ་ཇི་ཙམ་དུ་ཡིད་རྣམ་པར་གཡོས་པ་དང་། ཕྱི་རོལ་གྱི་དོན་ལ་མངོན་པར་ཞེན་ཅིང་རྣམ་པར་རྟོག་པ་དེ་དག་ཐམས་ཅད་ཀྱང་འཇིག་རྟེན་རྒྱང་པན་པའོ་ཞེས་སྨྲས་སོ། །གཞན་ཡང་བློ་གྲོས་ཆེན་པོ་དེའི་ཚེ་བྲམ་ཟེ་འཇིག་རྟེན་རྒྱང
257a6 པན་པས་ང་ལ་ཡང་དྲིས་པ། ཀྱེ་འཇིག་རྟེན་རྒྱང་པན་པ་མ་ཡིན་པ་འགའ་ལྟ་ཡོད་དམ། བདག་ནི་མུ་སྟེགས་ཅན་ཐམས་ཅད་ཀྱི་གཙོ་བོ་ཡིན་ཏེ། ཚིག་གི་ཚོགས་དང་། རྒྱུ་དང་། དཔེ་སྣ་ཚོགས་ཀྱི་བཀོད་པ་དག་སྟོན་པའོ། །ངས་ཡང་འདི་སྐད་དུ། ཀྱེ་བྲམ་ཟེ
257a7 ཡོད་དེ། ཁྱོད་ལ་ཡོད་པ་ནི་མ་ཡིན་ནོ། །གྲུབ་པའི་མཐའ་མེད་པ་ཡང་མ་ཡིན། སྟོན་པ་ཡང་མ་ཡིན། སྣ་ཚོགས་ཀྱི་ཚིག་གི་ཚོགས་མི་སྟོན་པ་ཡང་མ་ཡིན། རྒྱུ་དང་དཔེ་མི་འགོད་པ་ཡང་མ་ཡིན་ནོ་ཞེས་སྨྲས་སོ། །བྲམ་ཟེས་སྨྲས་པ། འཇིག་རྟེན་རྒྱང
iiif viewer powered by OpenSeadragon
