| e-texts navigator |
| Wylie |
256b1 དེས་ཡང་དྲིས་པ། ཐམས་ཅད་མ་བྱས་པ་ཡིན་ནམ། ངས་ཡང་འདི་སྐད་དུ་ཐམས་ཅད་བྱས་པ་མ་ཡིན་པ་འདི་ནི་འཇིག་རྟེན་རྒྱང་པན་པ་གཉིས་པ་ཡིན་ནོ་ཞེས་སྨྲས་སོ། །དེས་ཡང་དྲིས་པ། ཐམས་ཅད་རྟག་པའམ། ཐམས་ཅད་མི་རྟག་པའམ། ཐམས་ཅད་སྐྱེ་བའམ།
256b2 ཐམས་ཅད་མི་སྐྱེ་བའམ། ངས་དེའི་ཚེ་འདི་སྐད་དུ་དེ་དག་ནི་འཇིག་རྟེན་རྒྱང་པན་པ་དྲུག་པའོ་ཞེས་སྨྲས་སོ། །བློ་གྲོས་ཆེན་པོ་དེས་ཡང་འདི་སྐད་དུ་ཐམས་ཅད་གཅིག་པའམ་ཐམས་ཅད་ཐ་དད་པའམ། ཐམས་ཅད་གཉི་གའམ། ཐམས་ཅད་གཉི་ག་མ་ཡིན་པའམ། ཐམས
256b3 ཅད་རྒྱུ་སྣ་ཚོགས་ལས་སྐྱེ་བ་སྣང་བར་གྱུར་པའམ་ཞེས་དྲིས་པ་དང་། ངས་དེའི་ཚེ་འདི་སྐད་དུ་དེ་དག་ནི་འཇིག་རྟེན་རྒྱང་པན་པ་བཅུ་གཅིག་པའོ་ཞེས་སྨྲས་སོ། །བློ་གྲོས་ཆེན་པོ་དེས་ཡང་འདི་སྐད་དུ་ཀྱེ་ཐམས་ཅད་ལུང་དུ་མ་བསྟན་པ་ཞིག་ཡིན་ནམ། ཐམས་ཅད་ལུང་དུ་བསྟན
256b4 པ་ཞིག་ཡིན་ནམ། བདག་ཡོད་པ་ཞིག་གམ། བདག་མེད་པ་ཞིག་གམ། འཇིག་རྟེན་འདི་མེད་པ་ཞིག་གམ། འཇིག་རྟེན་ཕ་རོལ་ཡོད་པ་ཞིག་གམ། འཇིག་རྟེན་ཕ་རོལ་མེད་པ་ཞིག་གམ། རྣམ་པར་གྲོལ་བ་ཡོད་པ་ཞིག་གམ། རྣམ་པར་གྲོལ་བ་མེད་པ་ཞིག་གམ།
256b5 ཐམས་ཅད་སྐད་ཅིག་པའམ། ཐམས་ཅད་སྐད་ཅིག་པ་མ་ཡིན་པའམ། ནམ་མཁའ་འམ། སོ་སོར་བརྟགས་པ་མ་ཡིན་པའི་འགོག་པའམ། མྱ་ངན་ལས་འདས་པའམ། ཀྱེ་གཽ་ཏ་མ་བྱས་པའམ། མ་བྱས་པའམ། བར་མ་དོའི་སྲིད་པ་ཡོད་པ་ཞིག་གམ།
256b6 བར་མ་དོའི་སྲིད་པ་མེད་པ་ཞིག་གམ་དྲིས་པ་དང་། བློ་གྲོས་ཆེན་པོ་ངས་དེའི་ཚེ་འདི་སྐད་ཅེས། ཀྱེ་བྲམ་ཟེ་དེ་སྐད་དུ་སྨྲ་བ་དེ་དག་ཐམས་ཅད་ནི་འཇིག་རྟེན་རྒྱང་པན་པ་ཡིན་པས་ངས་བསྟན་པ་མ་ཡིན་གྱི། ཁྱོད་ཀྱི་འཇིག་རྟེན་རྒྱང་པན་པ་ཡིན་ནོ་ཞེས་སྨྲས་སོ། །བྲམ་ཟེ་ང
256b7 ནི་ཐོག་མ་མེད་པའི་དུས་ནས་ཡང་དག་པ་མ་ཡིན་པ་རྣམ་པར་རྟོག་པའི་བག་ཆགས་སྣ་ཚོགས་ཀྱི་གནས་ངན་ལེན་རྣམས་སྲིད་པ་གསུམ་གྱི་རྒྱུ་ཡིན་པ་དང་། རང་གི་སེམས་སྣང་བ་ཙམ་དུ་ཁོང་དུ་མ་ཆུད་པས་རྣམ་པར་རྟོག་པ་བྱུང་ནས་ཕྱི་རོལ་གྱི་དངོས་པོ་ལ་དམིགས་པར་བྱེད་པ
iiif viewer powered by OpenSeadragon
