| e-texts navigator |
| Wylie |
256a1 ཚོགས་དང་། རྒྱུ་དང་། དཔེ་སྣ་ཚོགས་སུ་འབྲེལ་པས་རང་གི་ཚུལ་མ་མཆིས་ཏེ། རང་གི་དངོས་པོ་ལ་མངོན་པར་ཞེན་པ་ལགས་ན་ནི། བཅོམ་ལྡན་འདས་ཀྱང་འཇིག་རྟེན་རྒྱང་པན་པ་ཉིད་སྟོན་ཏེ། འདི་ལྟར་ཕྱོགས་ཐ་དད་པ་སྣ་ཚོགས་ནས་འདུས་པའི་འཁོར་ལྷ
256a2 དང་། མི་དང་ལྷ་མ་ཡིན་རྣམས་ལ་ཚིག་གི་ཚོགས་རྣམ་པ་སྣ་ཚོགས་ཚད་མ་མཆིས་པ་རྣམས་ཀྱིས་རྒྱ་ཆེར་གསུང་བས། དེ་ཡང་རང་གི་ཚུལ་མ་མཆིས་པ་མ་ལགས་སམ། མུ་སྟེགས་ཅན་གྱི་ཤེས་པ་དང་། ཐ་སྙད་བརྗོད་པའི་གྲངས་སུ་མཆི་བ་མ་ལགས་སམ། བཅོམ
256a3 ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ང་ནི་འཇིག་རྟེན་རྒྱང་པན་མི་འཆད་དེ་འོང་བ་དང་འགྲོ་བ་མེད་པས་འོང་བ་མེད་པ་དང་། འགྲོ་བ་མེད་པ་འབའ་ཞིག་ཏུ་སྟོན་ཏེ། བློ་གྲོས་ཆེན་པོ་འོང་བ་ཞེས་བྱ་བ་ནི་འགྲོ་བ་རྣམས་འདུས་པ་ལས་སྐྱེ་བའོ། །འགྲོ་བ་ཞེས་བྱ་བ་ནི་རྣམ
256a4 པར་འཇིག་པ་སྟེ། འགྲོ་བ་མེད་པ་དང་། འོང་བ་མེད་པ་ནི་མི་སྐྱེ་མི་འཇིག་པ་ཡིན་ནོ། །བློ་གྲོས་ཆེན་པོ་ངས་བཤད་པའི་ཆོས་རྣམས་ནི་འཇིག་རྟེན་རྒྱང་པན་པར་ལྷུང་བ་དང་། རྣམ་པར་རྟོག་པའི་གྲངས་སུ་གཏོགས་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟ་སྟེ། ཕྱི་རོལ
256a5 གྱི་དངོས་པོ་དང་། དངོས་པོ་མེད་པ་ལ་མངོན་པར་མ་ཞེན་ཅིང་རང་གི་སེམས་སྣང་བ་ཙམ་ལ་གནས་པས་མཐའ་གཉིས་ཀྱི་རྣམ་པར་རྟོག་པས་མི་གཡོས་ལ་མཚན་མའི་སྤྱོད་ཡུལ་དངོས་པོ་མེད་པ་དང་། རང་གི་སེམས་སྣང་བ་ཙམ་དུ་ཁོང་དུ་ཆུད་པས་རང་གི་སེམས་སྣང་བའི་རྣམ
256a6 པར་རྟོག་པ་མི་སྐྱེ་སྟེ། རྣམ་པར་རྟོག་པ་མི་སྐྱེ་བ་ནི་སྟོང་པ་དང་། མཚན་མ་མེད་པ་དང་། མངོན་པར་འདུ་བྱ་བ་མེད་པའི་རྣམ་པར་ཐར་པ་གསུམ་ལ་ཞུགས་པས་རྣམ་པར་གྲོལ་བ་ཞེས་བྱའོ། །བློ་གྲོས་ཆེན་པོ་ངས་མངོན་པར་དྲན་པ་དུས་གཅིག་གི་ཚེ་ས་ཕྱོགས་ཤིག་ན་འདུག
256a7 པ་ན་བྲམ་ཟེའི་འཇིག་རྟེན་རྒྱང་པན་པ་ཞིག་ང་ག་ལ་བ་དེར་འོངས་ནས་རབ་ཏུ་དབེན་པ་མི་འདྲི་བར་ང་ལ་འདི་སྐད་ཅེས་ཟེར་རོ། །ཀྱེ་གཽ་ཏ་མ་ཐམས་ཅད་བྱས་པ་ཡིན་ནམ། ངས་དེའི་ཚེ་འདི་སྐད་དུ་ཀྱེ་བྲམ་ཟེ་ཐམས་ཅད་བྱས་པ་ཞེས་ཟེར་བ་འདི་ནི་འཇིག་རྟེན་རྒྱང་པན་པ་དང་པོའོ། །
iiif viewer powered by OpenSeadragon
