| e-texts navigator |
| Wylie |
253b1 ཉིད་སྣ་ཚོགས་ཀྱིས་དངོས་པོའི་ངོ་བོ་ཉིད་ཟིལ་དུ་རླག་པའི་སླད་དུ་ཤེས་པས་མི་དམིགས་ལགས་སམ། དེ་སྟེ་རི་བྲག་དང་། རྩིག་པ་དང་། ས་དང་། ཆུ་དང་། མེ་དང་། རླུང་གིས་བར་དུ་ཆོད་པའི་སླད་དུ་ཤེས་པས་མི་དམིགས་ལགས་སམ། ཧ་ཅང་ཐག་རིང་བ་དང་། ཉེ་བ་ཉིད་དུ
253b2 ཤེས་པས་མི་དམིགས་ལགས་སམ། འོན་ཏེ་རྒན་པོ་དང་། བྱིས་པ་དང་། ལོང་བ་རྣམས་དབང་པོ་དང་མི་ལྡན་པའི་སླད་དུ་ཤེས་པས་མི་དམིགས་ལགས། བཅོམ་ལྡན་འདས་གལ་ཏེ་རང་དང་སྤྱིའི་མཚན་ཉིད་ཐ་དད་པ་དང་། ཐ་དད་པ་མ་ལགས་པ་ཁོང་དུ་ཆུད་པའི་སླད་དུ་ཤེས
253b3 པས་མི་དམིགས་པ་ཞིག་ལགས་ན་ནི་དེ་ཤེས་པས་ཞེས་མི་བརྗོད་ཀྱི། མི་ཤེས་པ་ཞེས་བགྱི་སྟེ། དོན་མཆིས་ཀྱང་མི་དམིགས་པའི་སླད་དུའོ། །དེ་སྟེ་རང་དང་སྤྱིའི་མཚན་ཉིད་སྣ་ཚོགས་ཀྱིས་དངོས་པོའི་ངོ་བོ་ཉིད་ཟིལ་དུ་རླག་པའི་སླད་དུ་ཤེས་པས་མི་དམིགས་པ་ཞིག་ལགས་ན
253b4 ནི་དེ་ཡང་མི་ཤེས་པ་སྟེ། ཤེས་པ་མ་ལགས་སོ། །བཅོམ་ལྡན་འདས་ཤེས་བྱ་མཆིས་པའི་སླད་དུ་ཤེས་པ་འབྱུང་གི་།དངོས་པོ་མ་མཆིས་པ་ལས་ནི་མ་ལགས་ཏེ་ཤེས་བྱ་དང་ལྡན་པའི་སླད་དུ་ཤེས་པ་ཞེས་བགྱིའོ། །དེ་སྟེ་རི་བྲག་དང་། རྩིག་པ་དང་། ས་དང་། ཆུ་དང་། མེ
253b5 དང་། །རླུང་གིས་ཆོད་པ་རྣམས་དང་། རྒྱང་རིང་པོ་དང་། ཉེ་བ་དང་། རྒན་པོ་དང་། བྱིས་པ་དང་། ལོང་བར་གྱུར་པས་དབང་པོ་རྣམས་མ་ཚང་བར་གྱུར་པའི་སླད་དུ་ཤེས་པས་མི་དམིགས་པ་ལགས་ན་ནི། དེ་ཡང་ཤེས་པ་ཞེས་མི་བགྱི་བས་མི་ཤེས་པ་ལགས་ཏེ། དངོས་པོ
253b6 མཆིས་ཀྱང་མི་དམིགས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དེ་ནི་དེ་ལྟར་མི་ཤེས་པ་མ་ཡིན་ཏེ། ཤེས་པ་ཡིན་པས་མི་ཤེས་པ་མ་ཡིན་ནོ། །ངས་དེ་ལ་ལྡེམ་པོར་དགོངས་ཏེ། ནམ་དམིགས་པའི་དངོས་པོ་ཤེས་པས་མི་དམིགས་པ་དེ་ན
253b7 བཏགས་པ་ཙམ་དུ་རྣམ་པར་གཞག་པ་ཡིན་ནོ་ཞེས་མ་བཤད་དེ། རང་གི་སེམས་སྣང་བ་ཙམ་དུ་ཁོང་དུ་མ་ཆུད་པས་ཡོད་པ་དང་མེད་པ་ལས་ཕྱི་རོལ་གྱི་དངོས་པོ་དང་དངོས་པོ་མེད་པ་སྲིད་པར་ཤེས་པས་དངོས་པོ་མི་དམིགས་པའི་ཕྱིར་ཤེས་པ་ཤེས་བྱ་ལ་མི་འཇུག་གོ། །རྣམ
iiif viewer powered by OpenSeadragon
