| e-texts navigator |
| Wylie |
249a1 སྣ་ཚོགས་སུ་གྱུར་པར་སྣང་ཡང་གསེར་གྱི་ངོ་བོ་ཉིད་ལ་འགྱུར་བ་མེད་པ་དེ་བཞིན་དུ་དངོས་པོ་ཐམས་ཅད་འགྱུར་བ་ཡང་དེ་བཞིན་ནོ་ཞེས་རྟོག་པའོ། །མུ་སྟེགས་ཅན་ཁ་ཅིག་ནི་འདི་ལྟར་རྟོག་སྟེ། དངོས་པོ་འགྱུར་གྱི་རྣམ་པར་རྟོག་པ་དེ་དག་ནི་དེ་བཞིན་དུ
249a2 ཡང་མ་ཡིན། གཞན་དུ་ཡང་མ་ཡིན་པར་རྣམ་པར་རྟོག་པའི་ཕྱིར་དེ་ལྟར་དངོས་པོ་ཐམས་ཅད་འགྱུར་བ་དང་། འོ་མ་དང་། ཞོ་དང་། ཆང་དང་། འབྲས་བུ་སྨིན་པ་ལྟ་བུར་ཤེས་པར་བྱ་སྟེ། མུ་སྟེགས་ཅན་དག་གིས་རྣམ་པར་འགྱུར་བར་བརྟགས་པའི་རྣམ་པར་འགྱུར
249a3 བ་དེ་དག་མེད་པས་ན་ཡོད་པའམ་མེད་པ་ནི་རང་གི་སེམས་སྣང་བ་ཙམ་དུ་ཟད་དེ། ཕྱི་རོལ་གྱི་དངོས་པོ་ནི་དངོས་པོ་མེད་པའོ། །བློ་གྲོས་ཆེན་པོ་དེ་བཞིན་དུ་བྱིས་པ་སོ་སོའི་སྐྱེ་བོ་རྣམས་རང་གི་རྣམ་པར་རྟོག་པ་ལ་གོམས་པས་ན། བློ་གྲོས་ཆེན་པོ་ཆོས་གང་ཡང་སྐྱེ་བའམ། འཇིག
249a4 པ་མེད་དེ། ཇི་ལྟར་སྒྱུ་མ་དང་། རྨི་ལམ་གྱི་གཟུགས་སྐྱེ་བར་མཐོང་བ་བཞིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །དབྱིབས་གནས་དུས་ནི་འགྱུར་བ་ལས། །འབྱུང་བ་ཆེན་པོའི་དབང་པོ་དང་། །སྲིད
249a5 པ་བར་མ་རིམ་སྐྱེ་བར། །རྟོག་པ་ཡིན་ཏེ་མཁས་པ་མིན། །རྒྱལ་བས་རྟེན་ཅིང་འབྲེལ་འབྱུང་ལ། །དེ་དག་ལྟར་ནི་རྟོག་མ་ཡིན། །འོན་ཀྱང་འཇིག་རྟེན་རྟེན་འབྲེལ་ནི། །དྲི་ཟའི་གྲོང་ཁྱེར་ཇི་བཞིན་ནོ། །བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ
249a6 འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་ཀྱི་མཚམས་སྦྱོར་བའི་དོན་དང་། རྣམ་པར་གྲོལ་བའི་དོན་བཤད་དུ་གསོལ། གལ་ཏེ་མཚམས་སྦྱོར་བ་དང་། མཚམས་སྦྱོར་བ་མ་ལགས་པའི་མཚན་ཉིད་རབ་ཏུ་འབྱེད་པ་ལ་མཁས་པར་གྱུར་ན།
249a7 བདག་དང་བྱང་ཆུབ་སེམས་དཔའ་རྣམས་མཚམས་སྦྱོར་བ་ཐམས་ཅད་ཀྱི་ཐབས་ལ་མཁས་པས་སྒྲ་ཇི་བཞིན་གྱི་དོན་ལ་མངོན་པར་ཞེན་པའི་མཚམས་སྦྱོར་བར་མི་ལྟུང་བ་དང་། ཆོས་ཐམས་ཅད་ཀྱི་མཚམས་སྦྱོར་བ་དང་། མཚམས་སྦྱོར་བ་མ་ལགས་པའི་མཚན
iiif viewer powered by OpenSeadragon
