| e-texts navigator |
| Wylie |
245a1 རྟོག་པའི་ཚེ། །སྐྱེ་འཇིག་ལ་སོགས་འབྲེལ་མཐོང་བ། །ལྟ་བ་གཉིས་པོ་རྒྱས་པར་བྱེད། །ཕྱིན་ལོག་ཤེས་པ་མེད་པ་ཡིན། །གཅིག་པ་དེ་ནི་ཡང་དག་བདེན། །ཉེས་མེད་དེ་ནི་མྱ་ངན་འདས། །འཇིག་རྟེན་རྣམ་རྟོག་རབ་བརྟགས་ན། །སྒྱུ་མ་རྨི་ལམ
245a2 ཆུ་ཤིང་བཞིན། །འདོད་སྡང་གཏི་མུག་ཡོད་ཀྱང་ནི། །ཡང་དག་གང་ཟག་ཡོད་པ་མིན། །སྲེད་པ་ལས་ནི་ཕུང་པོ་འབྱུང་། །སྲིད་པ་སྒྱུ་མ་རྨི་ལམ་འདྲ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན
245a3 འདས་ཡང་དག་པ་མ་ལགས་པ་ཡོངས་སུ་རྟོག་པའི་མཚན་ཉིད་བདག་ལ་བཤད་དུ་གསོལ། ཡང་དག་པ་མ་ལགས་པའི་ཡོངས་སུ་རྟོག་པ་རྣམས་ཇི་ལྟར་འབྱུང་བར་འགྱུར། ཇི་ལྟ་བུ་ལ་ཡང་དག་པ་མ་ལགས་པའི་ཡོངས་སུ་རྟོག་པ་ཞེས་བགྱི། ཆོས་གང་ཞིག་ལ་ཡང
245a4 དག་པ་མ་ལགས་པ་ཡོངས་སུ་རྟོག་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ལེགས་སོ་ལེགས་སོ། །དེ་བཞིན་གཤེགས་པ་ལ་དེ་ལྟ་བུའི་དོན་འདྲི་བར་སེམས་པ་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང
245a5 བརྩེ་བ་དང་། ལྷ་དང་། མི་ཕལ་པོ་ཆེའི་དོན་དང་། ཕན་པ་དང་བདེ་བའི་ཕྱིར་ཞུགས་པ་ཡིན་ཏེ། དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། ལེགས་སོ་ལེགས་སོ། །
245a6 བཅོམ་ལྡན་འདས་དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དོན་རྣམ་པ་ཐ་དད་པ་སྣ་ཚོགས་དང་། ཡང་དག་པ་མ་ཡིན་པའི་རྣམ་པར་རྟོག་པ་སྣ་ཚོགས་ལས་མངོན་པར་ཞེན་པའི་རྣམ་པར་རྟོག་པ་འབྱུང
245a7 སྟེ། བློ་གྲོས་ཆེན་པོ་གཟུང་བ་དང་། འཛིན་པ་ལ་མངོན་པར་ཞེན་པ་དང་། རང་གི་སེམས་སྣང་བ་ཙམ་དུ་མ་རྟོགས་པ་དང་། ཡོད་པ་དང་མེད་པའི་ལྟ་བར་ལྟུང་བ། མུ་སྟེགས་ཅན་གྱི་ལྟ་བ་ཤིན་ཏུ་རྒྱས་པར་བྱེད་པ་དང་། རྣམ་པར་རྟོག་པའི་བག་ཆགས་ཀྱིས་ཕྱི་རོལ
iiif viewer powered by OpenSeadragon
