| e-texts navigator |
| Wylie |
241b1 གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅིའི་སླད་དུ་བཅོམ་ལྡན་འདས་ཀྱིས་འཁོར་གྱི་ནང་དུ་འདི་སྐད་ཅེས་ང་ནི་གང་འདས་པའི་སངས་རྒྱས་ཐམས་ཅད་ཉིད་དོ། །སྐྱེས་པའི་རབས་སྣ་ཚོགས་སུ་ཡང་ང་ཉིད་དེའི་ཚེ་འཁོར་ལོས་སྒྱུར་བའི
241b2 རྒྱལ་པོ་སྤྱི་བོ་སྐྱེས་དང་། གླང་པོ་ཆེ་སོ་དྲུག་པ་དང་། ནེ་ཙོ་དང་། དབང་པོ་དང་། དྲང་སྲོང་མིག་ལ་སོགས་པའོ་ཞེས་སྐྱེས་པའི་རབས་བརྒྱ་སྟོང་གསུངས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་མཚུངས་པ་རྣམ་པ་བཞིའི་ཕྱིར་དེ་བཞིན
241b3 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཁོར་གྱི་ནང་དུ་འདི་སྐད་ཅེས་ང་ཉིད་དེའི་ཚེ་དེའི་དུས་ན་སངས་རྒྱས་འཁོར་བ་འཇིག་དང་། གསེར་ཐུབ་དང་། འོད་སྲུང་དུ་གྱུར་ཏོ་ཞེས་གསུང་ངོ་། །མཚུངས་པ་རྣམ་པ་བཞི་གང་ཞེ་ན། འདི་ལྟ་སྟེ།
241b4 ཡི་གེ་མཚུངས་པ་དང་། གསུང་མཚུངས་པ་དང་། ཆོས་མཚུངས་པ་དང་། སྐུ་མཚུངས་པ་ནི་མཚུངས་པ་རྣམ་པ་བཞི་ཞེས་བྱ་སྟེ། འདི་ལྟར་མཚུངས་པ་རྣམ་པ་འདི་བཞིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་སྐད་དུ
241b5 གསུངས་ཏེ། དེ་ལ་ཡི་གེ་མཚུངས་པ་གང་ཞེ་ན། ཡི་གེ་གང་གིས་ངའི་མིང་སངས་རྒྱས་ཞེས་བརྗོད་པའི་ཡི་གེ་དེས་སངས་རྒྱས་ཐམས་ཅད་ཀྱང་བརྗོད་པས། ཡི་གེ་དེ་དག་གི་རང་བཞིན་བྱེ་བྲག་མེད་པས་ན་དེ་ནི་ཡི་གེ་མཚུངས་པ་ཞེས་བྱའོ། །དེ་ལ་གསུང་མཚུངས
241b6 པ་གང་ཞེ་ན་འདི་ལྟ་སྟེ། ངའི་གསུང་རྣམ་པ་དྲུག་ཅུ་རྩ་བཞི་ཚངས་པའི་སྒྲ་སྐད་ཀྱི་དབྱངས་ཀྱི་མཚན་ཉིད་དུ་འབྱུང་ངོ་། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་གསུང་ཡང་དེ་བཞིན་དུ་རྣམ་པ་དྲུག་ཅུ་རྩ་བཞི་ཚངས་པའི
241b7 སྒྲ་སྐད་ཀྱི་དབྱངས་ཀྱི་མཚན་ཉིད་དུ་འབྱུང་སྟེ། ཀ་ལ་པིང་ཀ་དང་། ཚངས་པའི་སྒྲ་སྐད་ཀྱི་དབྱངས་ཀྱི་རང་བཞིན་དུ་བྱེ་བྲག་མེད་ཅིང་ལྷག་ཆད་མེད་དོ། །དེ་ལ་སྐུ་མཚུངས་པ་གང་ཞེ་ན། འདི་ལྟ་སྟེ། ང་དང་སངས་རྒྱས་ཐམས་ཅད་ནི་ཆོས་ཀྱི་སྐུ་དང་། གཟུགས་དང་། མཚན
iiif viewer powered by OpenSeadragon
