| e-texts navigator |
| Wylie |
234b1 བཤད་དེ། བློ་གྲོས་ཆེན་པོ་མཐའ་བཞི་པོ་དེ་དག་དང་བྲལ་བ་ནི་ཆོས་ཐམས་ཅད་ཅེས་བྱའོ། །བློ་གྲོས་ཆེན་པོ་མཐའ་བཞི་པོ་འདིས་ཆོས་ཐམས་ཅད་ཡོངས་སུ་བརྟགས་པ་ལ་རབ་ཏུ་བསླབ་པར་བྱའོ། །དེ་ལ་བློ་གྲོས་ཆེན་པོ་རྣམ་པར་རྟོག་པའི་མཚན་ཉིད་འཛིན་པ་ལ་མངོན་པར
234b2 ཞེན་པས་རྣམ་པར་གཞག་པའི་བློ་གང་ཞེ་ན། འདི་ལྟ་སྟེ། རྣམ་པར་རྟོག་པའི་མཚན་ཉིད་འཛིན་པ་ལ་མངོན་པར་ཞེན་པ་གང་གིས་སྲ་བ་དང་། གཤེར་བ་དང་། ཚ་བ་དང་། གཡོ་བ་ཡང་དག་པ་མ་ཡིན་པ་རྣམ་པར་རྟོག་པའི་མཚན་ཉིད་འབྱུང་བ་ཆེན་པོ་རྣམས་སུ་དམ་འཆའ
234b3 བ་དང་། རྒྱུ་མཚན་དང་། དཔེ་ལ་མངོན་པར་ཞེན་པས་ཡང་དག་པ་མ་ཡིན་པ་རྣམ་པར་གཞག་པས་རྣམ་པར་བཞག་པ་སྟེ། དེ་ནི་རྣམ་པར་རྟོག་པའི་མཚན་ཉིད་འཛིན་པ་ལ་མངོན་པར་ཞེན་པས་རྣམ་པར་གཞག་པའི་བློ་ཞེས་བྱ་སྟེ། དེ་ནི་བློ་རྣམ་པ་གཉིས་ཀྱི་མཚན་ཉིད་དོ། །
234b4 བྱང་ཆུབ་སེམས་དཔའ་སེམས་དཔའ་ཆེན་པོ་གང་བློ་འདི་གཉིས་ཀྱི་མཚན་ཉིད་དང་ལྡན་ན་གང་ཟག་དང་ཆོས་བདག་མེད་པའི་མཚན་ཉིད་རྟོགས་པར་ཁོང་དུ་ཆུད་ཅིང་སྣང་བ་མེད་པའི་བློ་ལ་མཁས་པ་དང་། སྤྱོད་པའི་ས་ལ་སོ་སོར་རབ་ཏུ་རྟོག་པས་ས་དང་པོ་རབ་ཏུ་འཐོབ་སྟེ། ཏིང་ངེ་འཛིན
234b5 བརྒྱ་ལ་སྙོམས་པར་འཇུག་། བྱེ་བྲག་མེད་པའི་ཏིང་ངེ་འཛིན་ཀྱང་རབ་ཏུ་འཐོབ། སངས་རྒྱས་དང་། བྱང་ཆུབ་སེམས་དཔའ་བརྒྱ་ཡང་མཐོང་། བསྐལ་པ་བརྒྱར་སྔོན་གྱི་མཐའ་དང་། ཕྱི་མའི་མཐའི་དངོས་པོ་ལ་འཇུག་།འོད་ཀྱིས་ཞིང་བརྒྱ་ཡང་སྣང་བར་བྱེད་དོ། །གོང
234b6 ནས་གོང་དུ་སའི་མཚན་ཉིད་ཤེས་ཏེ། སྨོན་ལམ་ཆེན་པོ་ཁྱད་པར་ཅན་གྱིས་རྣམ་པར་འཕྲུལ་པ་ལ་དབང་ཞིང་ཆོས་ཀྱི་སྤྲིན་གྱི་དབང་བསྐུར་བས་དབང་བསྐུར་ཏེ། དེ་བཞིན་གཤེགས་པའི་སོ་སོ་རང་གིས་ཐུགས་སུ་ཆུད་པའི་ས་ཐོབ་ནས་མཐར་ཐུག་པའི་གནས་བཅུ་དང་རབ་ཏུ
234b7 ལྡན་པའི་ཆོས་སུ་འགྱུར་ཏེ། སེམས་ཅན་ཡོངས་སུ་སྨིན་པར་བྱ་བའི་ཕྱིར་སྤྲུལ་པའི་འོད་ཟེར་སྣ་ཚོགས་ཀྱིས་རྣམ་པར་མཛེས་ཤིང་སོ་སོ་རང་གིས་རིག་པའི་བདེ་བས་མཉམ་པར་གཞག་པ་ཡང་ཐོབ་བོ། །གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོས་འབྱུང
iiif viewer powered by OpenSeadragon
