| e-texts navigator |
| Wylie |
232b1 ལ་ལྟ་བ་དང་། ཐེ་ཙོམ་དང་། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་སྟེ། ཀུན་དུ་སྦྱོར་བ་དེ་གསུམ་གྱི་བྱེ་བྲག་གིས་གོང་ནས་གོང་དུ་ཁྱད་པར་ཅན་དུ་གྱུར་ནས་དགྲ་བཅོམ་པའི་འབྲས་བུ་འཐོབ་པར་འགྱུར་རོ། །བློ་གྲོས་ཆེན་པོ་འཇིག་ཚོགས་ལ་ལྟ་བ་ཡང་རྣམ་པ
232b2 གཉིས་ཡོད་དེ། འདི་ལྟ་སྟེ། ལྷན་ཅིག་སྐྱེས་པ་དང་། ཀུན་དུ་བརྟགས་པ་ལྟར་གཞན་གྱི་དབང་ལ་ཀུན་བརྟགས་པའི་རང་བཞིན་གྱི་རྣམ་པར་རྟོག་པ་བཞིན་ནོ། །དཔེར་ན་གཞན་གྱི་དབང་གི་རང་བཞིན་ལ་བརྟེན་ནས་ཀུན་ཏུ་བརྟགས་པའི་རང་བཞིན་ལ་མངོན་པར་ཞེན་པ་སྣ
232b3 ཚོགས་འབྱུང་སྟེ། དེ་ཡོད་པ་ཡང་མ་ཡིན། མེད་པ་ཡང་མ་ཡིན། དེ་གཉི་ག་ཡང་མ་ཡིན་ཏེ། ཡང་དག་པ་མ་ཡིན་པ་ཀུན་བརྟགས་པའི་མཚན་ཉིད་ཀྱི་ཕྱིར་ཏེ། བྱིས་པ་སོ་སོའི་སྐྱེ་བོ་རྣམས་ཀྱི་རྣམ་པར་རྟོག་པས། སྣ་ཚོགས་ཀྱི་རང་བཞིན་གྱི་མཚན་ཉིད་ལ་མངོན་པར
232b4 ཞེན་པ་ནི། དཔེར་ན་སྨིག་རྒྱུ་ལ་སྐོམ་པ་རྣམས་ཀྱི་ཆུའི་འདུ་ཤེས་འབྱུང་བ་ལྟ་བུ་སྟེ། དེ་ནི་རྒྱུན་དུ་ཞུགས་པའི་ཀུན་དུ་བརྟགས་པའི་འཇིག་ཚོགས་ལ་ལྟ་བའོ། །དེ་ཡང་གང་ཟག་ལ་བདག་མེད་པས་དངོས་པོ་མེད་པར་གཟུང་བའི་ཕྱིར་ཡུན་རིང་པོ་ནས་མི་ཤེས་པ་དང་།
232b5 མངོན་པར་ཤེས་པ་རྣམས་སྤོང་བར་འགྱུར་རོ། བློ་གྲོས་ཆེན་པོ་ལྷན་ཅིག་སྐྱེས་པ་ནི་རྒྱུན་དུ་ཞུགས་པས་བདག་དང་། གཞན་གྱི་ལུས་མཉམ་པ་ཉིད་དུ་མཐོང་བ་དང་། ཕུང་པོ་བཞི་ལ་གཟུགས་ཀྱི་མཚན་ཉིད་མེད་པའི་ཕྱིར་དང་། གཟུགས་སྐྱེ་བ་འབྱུང་བ་དང་། འབྱུང་བ་ལས
232b6 གྱུར་པའི་ཕྱིར་དང་། ཕན་ཚུན་རྒྱུ་བའི་མཚན་ཉིད་ཀྱི་ཕྱིར་དང་། འབྱུང་བ་དང་། གཟུགས་རྣམས་བསགས་པ་མ་ཡིན་པའི་ཕྱིར་དང་། རྒྱུན་དུ་ཞུགས་པས་ཡོད་པ་དང་མེད་པའི་ཕྱོགས་བརྟགས་ན་མི་སྣང་བས་འཇིག་ཚོགས་ལ་ལྟ་བ་སྤངས་པར་འགྱུར་རོ། དེ་ལྟར་འཇིག
232b7 ཚོགས་ལ་ལྟ་བ་སྤངས་པས་འདོད་ཆགས་མི་འབྱུང་སྟེ། འདི་ནི་འཇིག་ཚོགས་ལ་ལྟ་བའི་མཚན་ཉིད་དོ། །བློ་གྲོས་ཆེན་པོ་ཐེ་ཙོམ་གྱི་མཚན་ཉིད་ནི་འདི་ལྟ་སྟེ། ཆོས་ཐོབ་པ་ལེགས་པར་མཐོང་བའི་མཚན་ཉིད་ཀྱི་ཕྱིར་དང་། སྔ་མའི་འཇིག་ཚོགས་ལ་ལྟ་བ་རྣམ་པ་གཉིས་ཀྱི་རྣམ
iiif viewer powered by OpenSeadragon
