| e-texts navigator |
| Wylie |
232a1 འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱུན་དུ་ཞུགས་པ་རྣམས་ཀྱི་རྒྱུན་དུ་ཞུགས་པའི་འགྲོ་བ་རབ་ཏུ་དབྱེ་བའི་ཚུལ་གྱི་མཚན་ཉིད་བཤད་དུ་གསོལ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་རྒྱུན་དུ་ཞུགས་པ་རྣམས་ཀྱི་འགྲོ་བ་རབ་ཏུ
232a2 དབྱེ་བའི་ཚུལ་གྱི་མཚན་ཉིད་ལ་མཁས་ན། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པར་འགྱུར་བའི་ཐབས་ཀྱི་མཚན་ཉིད་རྣམ་པར་དབྱེ་བ་རིག་ནས་སེམས་ཅན་རྣམས་ལ་དེ་ལྟ་དེ་ལྟ་བུར་ཆོས་བསྟན་པ་དང་། འདི་ལྟ་སྟེ། ཅི་ནས་བདག་མ་མཆིས་པ
232a3 གཉིས་ཀྱི་མཚན་ཉིད་དང་། སྒྲིབ་པ་གཉིས་ཡོངས་སུ་སྦྱངས་ཏེ། ས་རྣམས་ཀྱི་སའི་མཚན་ཉིད་ལས་འདའ་བ་རྟོགས་པར་ཁོང་དུ་ཆུད་དེ། དེ་བཞིན་གཤེགས་པའི་བསམ་གྱིས་མི་ཁྱབ་པ་མཐར་ཐུག་པའི་སྤྱོད་ཡུལ་རབ་ཏུ་རྙེད་ནས། ཇི་ལྟར་གཟུགས་སྣ་ཚོགས་ཀྱི་ནོར་བུ་དང་འདྲ
232a4 བར་སེམས་ཅན་ཐམས་ཅད་ལ་ཤིན་ཏུ་ཕན་འདོགས་ཤིང་། ཆོས་ཐམས་ཅད་ཀྱི་སྤྱོད་ཡུལ་དང་། བསམ་པ་འཚལ་བའི་ལུས་དང་། ལོངས་སྤྱོད་ཀྱིས་ཐམས་ཅད་ཉེ་བར་འཚོ་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ལེགས་པར་ཉོན་ལ་ཡིད
232a5 ལ་ཟུང་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས་ལ་བློ་གྲོས་ཆེན་པོས་གསོལ་པ། ལེགས་སོ་བཅོམ་ལྡན་འདས་དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བློ་གྲོས་ཆེན་པོ་རྒྱུན་དུ་ཞུགས་པ་དག
232a6 གིས་རྒྱུན་དུ་ཞུགས་པའི་འབྲས་བུ་རབ་ཏུ་དབྱེ་བ་ནི་རྣམ་པ་གསུམ་ཡོད་དེ། གསུམ་གང་ཞེ་ན། འདི་ལྟ་སྟེ། ཐ་མ་དང་། བར་མ་དང་། མཆོག་གོ། །དེ་ལ་ཐ་མ་ནི་དེ་ལྟར་ཐོག་མ་ན་ཚེའི་སྲིད་པ་བདུན་ནོ། །བར་མ་ནི་སྲིད་པ་གསུམ་དང་ལྔས་ཡོངས་སུ་མྱ་ངན་ལས་འདའ
232a7 བར་འགྱུར་བའོ། །མཆོག་ནི་ཚེ་དེ་ཉིད་ལ་ཡོངས་སུ་མྱ་ངན་ལས་འདའ་བར་འགྱུར་བའོ། །གསུམ་པོ་དེ་དག་ལ་ཀུན་དུ་སྦྱོར་བ་གསུམ་ཡོད་དེ། ཆུང་ངུ་དང་། འབྲིང་དང་། ཆེན་པོ་དག་ཡིན་ནོ། དེ་ལ་ཀུན་དུ་སྦྱོར་བ་གསུམ་གང་ཞེ་ན། འདི་ལྟ་སྟེ། འཇིག་ཚོགས
iiif viewer powered by OpenSeadragon
