| e-texts navigator |
| Wylie |
216a1 སྤངས་འཁོར་བ་ནི། །སྒྱུ་མ་རྨི་ལམ་འདྲར་བཤད་ཀྱང་། །ལས་ནི་འཇིག་པར་མི་འགྱུར་རོ། །ནམ་མཁའ་མྱ་ངན་འདས་པ་དང་། །འགོག་པ་གཉིས་ཀྱང་དེ་བཞིན་ཏེ། །བྱིས་པ་དག་གིས་རྣམ་པར་བརྟགས། །འཕགས་པ་རྣམས་ནི་ཡོད་མེད་སྤངས། །དེ་ནས
216a2 བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་ལ་བཀའ་སྩལ་པ། བློ་གྲོས་ཆེན་པོ་སྟོང་པ་ཉིད་དང་། སྐྱེ་བ་མེད་པ་དང་། གཉིས་སུ་མེད་པ་དང་། རང་བཞིན་དང་བྲལ་བའི་མཚན་ཉིད་ནི་སངས་རྒྱས་རྣམས་ཀྱི་མདོ་སྡེ་ཐམས་ཅད་ཀྱི་ནང་དུ་འཇུག་སྟེ།
216a3 མདོ་སྡེ་གང་དུ་ཡང་དོན་འདི་དག་སྟོན་ཏོ། །མདོ་སྡེ་རྣམས་ནི་སེམས་ཅན་གྱི་བསམ་པ་བཞིན་དུ་རྣམ་པར་ཕྱེ་སྟེ། དོན་རབ་ཏུ་བསྟན་པའི་ཕྱིར་དེ་ཁོ་ན་ཉིད་ནི་བརྗོད་པ་ལ་ཡོད་པ་མ་ཡིན་ནོ། །དཔེར་ན་སྐོམ་པའི་རྣམ་པར་རྟོག་པས་སྨིག་རྒྱུ་སླུ་བར་བྱེད་པ་དེའི་མཚན་ཉིད
216a4 ལ་ཆུའི་དངོས་པོར་མངོན་པར་ཞེན་པར་བྱེད་ཀྱང་དེ་ལ་ཆུ་མེད་དོ། །དེ་བཞིན་དུ་མདོ་སྡེ་ཐམས་ཅད་ལས་ཆོས་རྣམས་བསྟན་པ་ཡང་བྱིས་པ་སོ་སོའི་སྐྱེ་བོ་རྣམས་མགུ་བ་རབ་ཏུ་བསྐྱེད་པར་བྱ་བ་ཡིན་པའི་ཕྱིར་དེ་ཁོ་ན་དང་། འཕགས་པའི་ཡེ་ཤེས་ནི་གཏམ་ལ་ཡོད་པ་མ་ཡིན་ནོ། །དེ་བས་ན
216a5 དོན་གྱི་རྗེས་སུ་འབྲང་བར་བྱའི། བརྗོད་པ་ལ་མངོན་པར་ཆགས་པར་མི་བྱའོ།། །།འཕགས་པ་ལང་ཀར་གཤེགས་པ་རིན་པོ་ཆེའི་མདོ། བམ་པོ་གསུམ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད
216a6 ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པའི་མདོ་སྡེ་ལས་དེ་བཞིན་གཤེགས་པའི་སྙིང་པོ་ནི་རང་བཞིན་གྱིས་རྣམ་པར་དག་པ། མཚན་སུམ་ཅུ་རྩ་གཉིས་ཀྱི་རྗེས་སུ་འཇུག་པ། སེམས་ཅན་ཐམས་ཅད་ཀྱི་ལུས་ལ་མཆིས་པར་བརྗོད་དེ། དཔེར་ན་རིན་པོ་ཆེ་རིན་ཐང་ཆེན་པོ་གོས
216a7 དྲི་མ་ཅན་གྱིས་ཡོངས་སུ་དཀྲིས་པ་ལྟར་དེ་བཞིན་གཤེགས་པའི་སྙིང་པོ་རྟག་ཅིང་རྣམ་པར་འགྱུར་བ་མེད་པ་ཡང་དེ་བཞིན་དུ་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱི་གོས་དྲི་མ་ཅན་གྱིས་ཡོངས་སུ་དཀྲིས་ཤིང་འདོད་ཆགས་དང་། ཞེ་སྡང་དང་། གཏི་མུག་དང་། ཡང་དག་པ་མ་ཡིན
iiif viewer powered by OpenSeadragon
