| e-texts navigator |
| Wylie |
214a1 མཁའ་དང་། འགོག་པ་དང་། མྱ་ངན་ལས་འདས་པ་བྱས་པ་མ་ཡིན་པའི་དངོས་པོར་མངོན་པར་ཞེན་ཅིང་སྒྲོ་འདོགས་པའོ། །འདི་དག་ནི་དངོས་པོ་དང་དངོས་པོ་མ་ཡིན་པ་དང་བྲལ་བ། ཆོས་ཐམས་ཅད་ནི་རི་བོང་དང་། རྟ་ལ་སོགས་པའི་རྭ་དང་། སྐྲ་ཤད
214a2 འཛིངས་པ་ལྟ་བུར་སྣང་བ། ཡོད་པ་དང་མེད་པ་དང་བྲལ་བ་ལ་བྱིས་པའི་རྣམ་པར་རྟོག་པས་རང་གི་སེམས་སྣང་བ་ཙམ་དུ་མ་རྟོགས་པའི་བློ་ཅན་རྣམས་སྒྲོ་འདོགས་ཤིང་སྐུར་པ་འདེབས་པར་བྱེད་ཀྱི། འཕགས་པ་རྣམས་ཀྱིས་ནི་མ་ཡིན་ཏེ། འདི་ནི་ཡོད་པ་མ་ཡིན་པ་དངོས་པོར་སྒྲོ
214a3 འདོགས་པའི་མཚན་ཉིད་དོ། །དེ་བས་ན་སྒྲོ་འདོགས་པ་དང་། སྐུར་པའི་ལྟ་བ་ངན་པ་ཡོངས་སུ་སྤང་བ་ལ་རབ་ཏུ་བརྩོན་པར་བྱའོ། །གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་སེམས་དང་། ཡིད་དང་ཡིད་ཀྱི་རྣམ་པར་ཤེས་པ་དང་། ཆོས་ལྔ
214a4 དང་། རང་བཞིན་དང་། བདག་མེད་པ་གཉིས་ཀྱི་མཚན་ཉིད་ཀྱི་ཚུལ་ལ་མཁས་ཤིང་རྟོགས་པར་ཁོང་དུ་ཆུད་པས་སེམས་ཅན་ལ་ཕན་པར་བྱ་བའི་ཕྱིར་གཟུགས་སྣ་ཚོགས་སྟོན་པ་ནི་ཇི་ལྟར་ཀུན་བརྟགས་པའི་རང་བཞིན་གནས་གཞན་གྱི་དབང་ལ་རྟེན་པ་བཞིན་ཏེ། དཔེར་ན་གཟུགས་སྣ
214a5 ཚོགས་པའི་ཡིད་བཞིན་གྱི་ནོར་བུ་རིན་པོ་ཆེ་ལྟར་སངས་རྒྱས་ཀྱི་ཞིང་དུ་ཀུན་དུ་དེ་བཞིན་གཤེགས་པའི་འཁོར་འདུས་པ་ཐམས་ཅད་འགྲོ་ཞིང་དེ་དག་ཐམས་ཅད་དུ་ཡང་ཆོས་སྟོན་པ་དག་ཉན་པར་བྱེད་དེ། འདི་ལྟ་སྟེ། ཆོས་ཐམས་ཅད་སྒྱུ་མ་དང་། རྨི་ལམ་དང་། འོད་དང་། གཟུགས
214a6 བརྙན་དང་། ཆུའི་ཟླ་བ་ལྟ་བུ་དང་། ཆོས་ཐམས་ཅད་སྐྱེ་བ་དང་། འགག་པ་དང་། རྟག་པ་དང་། ཆད་པ་དང་། བྲལ་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་དང་བྲལ་བའི་ཆོས་སོ། །ཏིང་ངེ་འཛིན་བརྒྱ་སྟོང་རབ་ཏུ་འཐོབ་པ་ནས་ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་གི་བར་དག་ཀྱང
214a7 རབ་ཏུ་འཐོབ་སྟེ། ཏིང་ངེ་འཛིན་ཐོབ་ནས་ཀྱང་སངས་རྒྱས་ཀྱི་ཞིང་ཐམས་ཅད་དུ་འགྲོ་ཞིང་སངས་རྒྱས་རྣམས་ལ་མཆོད་པ་བྱེད་དོ། །ལྷའི་གནས་ཐམས་ཅད་དུ་སྐྱེ་ཞིང་དཀོན་མཆོག་གསུམ་གྱི་བསྔགས་པ་རྗོད་པ་དང་། སངས་རྒྱས་ཀྱི་སྐུ་རབ་ཏུ་སྟོན་ཅིང་ཉན་ཐོས་དང་། བྱང་ཆུབ་སེམས་དཔའི
iiif viewer powered by OpenSeadragon
