| e-texts navigator |
| Wylie |
209b1 འཁོར་ལོ་རྟག་ཏུ་འཁོར་རོ། །གཞན་ཡང་བློ་གྲོས་ཆེན་པོ་ཆོས་ཐམས་ཅད་མི་སྐྱེ་བར་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ཀྱིས་བཤད་དོ། །དེ་ཅིའི་ཕྱིར་ཞེ་ན། འདི་ལྟ་སྟེ། རང་གི་སེམས་སྣང་བའི་དངོས་པོ་རྣམས་དངོས་པོ་མེད་པ
209b2 དང་། ཡོད་པ་དང་། ཡོད་པ་མ་ཡིན་པའི་སྐྱེ་བ་དང་བྲལ་བའི་ཕྱིར། བློ་གྲོས་ཆེན་པོ་ཆོས་ཐམས་ཅད་མ་སྐྱེས་པ་ཡིན་ཏེ། ཆོས་ཐམས་ཅད་ནི་རི་བོང་དང་། རྟ་ལ་སོགས་པའི་རྭ་དང་མཚུངས་པའོ། །བྱིས་པ་སོ་སོའི་སྐྱེ་བོ་རྣམས་ཡང་དག་པ་མ་ཡིན་པའི་ཡོངས་སུ་རྟོག་པའི་རང
209b3 བཞིན་ལ་རྣམ་པར་བརྟགས་པའི་ཕྱིར་བློ་གྲོས་ཆེན་པོ་ཆོས་ཐམས་ཅད་མ་སྐྱེས་པ་ཡིན་ཏེ། སོ་སོ་རང་གིས་རིག་པ་འཕགས་པའི་ཡེ་ཤེས་ཀྱི་སྤྱོད་ཡུལ་ལ་ནི་དངོས་པོ་ཐམས་ཅད་ཀྱི་རང་བཞིན་གྱི་མཚན་ཉིད་མི་སྐྱེ་བས་དེ་ནི་བྱིས་པ་སོ་སོའི་སྐྱེ་བོ་རྣམ་པར་རྟོག་པ་གཉིས་ཀྱི་སྤྱོད་ཡུལ
209b4 གྱི་རང་བཞིན་ལུས་དང་ལོངས་སྤྱོད་རྣམ་པར་གཞག་པའི་རང་བཞིན་གྱི་ཚུལ་གྱིས་མཚན་ཉིད་མ་ཡིན་ནོ། །བློ་གྲོས་ཆེན་པོ་ཀུན་གཞི་རྣམ་པར་ཤེས་པ་གཟུང་བ་དང་། འཛིན་པའི་མཚན་ཉིད་དུ་འཇུག་པ་ལ་བྱིས་པ་སོ་སོའི་སྐྱེ་བོ། སྐྱེ་བ་དང་། གནས་པ་དང་། འཇིག་པའི
209b5 ལྟ་བ་གཉིས་སུ་ལྷུང་བའི་བསམ་པ་ཅན་རྣམས་དངོས་པོ་ཐམས་ཅད་སྐྱེ་བ་ནི་ཡོད་པ་དང་། མེད་པ་ལས་སྐྱེ་བར་རྣམ་པར་རྟོག་གི་།འཕགས་པ་རྣམས་ནི་མ་ཡིན་ཏེ། བློ་གྲོས་ཆེན་པོ་འདི་ལ་རབ་ཏུ་བརྩོན་པར་བྱའོ། །གཞན་ཡང་བློ་གྲོས་ཆེན་པོ་མངོན་པར
209b6 རྟོགས་པར་འགྱུར་བའི་རིགས་ནི་ལྔ་ཡོད་དེ། ལྔ་གང་ཞེ་ན། འདི་ལྟ་སྟེ། ཉན་ཐོས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་དང་། རང་སངས་རྒྱས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་དང་། དེ་བཞིན་གཤེགས་པའི་ཐེག་པ་མངོན་པར
209b7 རྟོགས་པར་འགྱུར་བའི་རིགས་དང་། གང་དུ་ཡང་མ་ངེས་པའི་རིགས་དང་། རིགས་སོ་སོ་ཐ་དད་པའོ། །དེ་ལ་ཉན་ཐོས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་ཇི་ལྟར་ཁོང་དུ་ཆུད་པར་བྱ་ཞེ་ན། གང་གིས་ཕུང་པོ་དང་། ཁམས་དང་། སྐྱེ་མཆེད་ཀྱི་རང་དང་སྤྱིའི
iiif viewer powered by OpenSeadragon
