| e-texts navigator |
| Wylie |
206b1 ཀྱི་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་མེ་ལོང་རབ་ཏུ་ཕྱིས་པ་ནི་མཚན་མ་མེད་པར་གཟུགས་བརྙན་ཐམས་ཅད་ཅིག་ཅར་སྣང་བར་བྱེད་དོ། །དེ་བཞིན་གཤེགས་པས་སེམས་ཅན་ཐམས་ཅད་ཀྱི་རང་གི་སེམས
206b2 སྣང་བའི་རྒྱུད་ཡོངས་སུ་སྣང་བ་ཡང་དེ་བཞིན་ཏེ། མཚན་མ་མེད་ཅིང་སྣང་བ་མེད་པ་རྣམ་པར་དག་པའི་སྤྱོད་ཡུལ་ཅིག་ཅར་སྟོན་ཏོ། །དཔེར་ན་ཉི་མ་དང་ཟླ་བའི་དཀྱིལ་འཁོར་ནི་འོད་ཟེར་གྱིས་གཟུགས་སུ་སྣང་བ་ཐམས་ཅད་ཅིག་ཅར་མངོན་པར་བྱེད་དོ། །དེ་བཞིན་གཤེགས་པ་ཡང
206b3 རང་གི་སེམས་སྣང་བ་དང་། གནས་ངན་ལེན་གྱི་བག་ཆགས་དང་བྲལ་བའི་སེམས་ཅན་རྣམས་ལ་དེ་བཞིན་དུ་བསམ་གྱིས་མི་ཁྱབ་པའི་ཡེ་ཤེས་རྒྱལ་བ་རྣམས་ཀྱི་སྤྱོད་ཡུལ་ཅིག་ཅར་སྟོན་ཏོ། །དཔེར་ན་ཀུན་གཞི་རྣམ་པར་ཤེས་པ་ནི་རང་གི་སེམས་སྣང་བའི་ལུས་དང་།
206b4 གནས་དང་། ལོངས་སྤྱོད་རྣམ་པར་གཞག་པའི་ལུས་ཅིག་ཅར་རྣམ་པར་རིག་ཅིང་ཤེས་སོ། །རྟེན་གྱི་སངས་རྒྱས་དེ་དག་ཀྱང་དེ་བཞིན་ཏེ། ཅིག་ཅར་སེམས་ཅན་ཡོངས་སུ་སྨིན་པར་མཛད་ཅིང་གནས་པར་བྱ་བའི་སྤྱོད་ཡུལ་ལ་རྣལ་འབྱོར་པ་དེ་དག་འོག་མིན་དུ་གནས་པར
206b5 མཛད་དོ། །དཔེར་ན་ཆོས་ཉིད་ཀྱི་སངས་རྒྱས་ཀྱི་རྟེན་གྱི་སངས་རྒྱས་སྟོན་ཅིང་འོད་ཟེར་གྱིས་རྣམ་པར་མཛེས་སོ། །རང་གིས་རིག་པ་འཕགས་པའི་ཚུལ་ཡང་དེ་བཞིན་ཏེ། དེས་ཆོས་ཀྱི་མཚན་ཉིད་ལ་དངོས་པོ་ཡོད་པ་དང་། དངོས་པོ་མེད་པའི་ལྟ་བ་ངན་པའི་རྣམ་པར་རྟོག་པ་རབ་ཏུ
206b6 སེམས་པས་རྣམ་པར་མཛེས་སོ། །གཞན་ཡང་བློ་གྲོས་ཆེན་པོ་ཆོས་ཉིད་ལ་རྟེན་པའི་སངས་རྒྱས་ནི། ཆོས་ཐམས་ཅད་རང་དང་སྤྱིའི་མཚན་ཉིད་དུ་གཏོགས་ཤིང་རང་གི་སེམས་སྣང་བའི་བག་ཆགས་ཀྱི་རྒྱུ་དང་འབྲེལ་བ་ཀུན་ཏུ་བརྟགས་པའི་རང་བཞིན་ལ་མངོན་པར་ཞེན་པའི་རྒྱུ་ལས་བྱུང
206b7 བར་སྟོན་ཏོ། །ཡང་དག་པ་མ་ཡིན་པ་སྒྱུ་མ་སྣ་ཚོགས་ལ་སྣ་ཚོགས་སུ་མངོན་པར་ཞེན་པ་དག་མི་དམིགས་སོ། །གཞན་ཡང་བློ་གྲོས་ཆེན་པོ་གཞན་གྱི་དབང་གི་རང་བཞིན་ལ་མངོན་པར་ཞེན་པ་ལས་ཀུན་དུ་བརྟགས་པའི་རང་བཞིན་གྱི་མཚན་ཉིད་སྐྱེའོ། །བློ་གྲོས་ཆེན་པོ་དཔེར་ན་སྒྱུ་མ
iiif viewer powered by OpenSeadragon
