| e-texts navigator |
| Wylie |
205a1 ཆེན་པོ་གལ་ཏེ་ཡང་ཡོད་པ་དང་མེད་པ་དང་བྲལ་བས་རི་བོང་གི་རྭ་ལྟར་མེད་དོ་སྙམ་དུ་རྟོག་ན་ལོག་པར་རྟོག་པ་ཞེས་བྱ་སྟེ། དེ་དག་ཕན་ཚུན་དུ་ལྟོས་པའི་རྒྱུའི་ཕྱིར་རི་བོང་གི་རྭ་མེད་དོ་སྙམ་དུ་བརྟག་པར་མི་བྱའོ། །རྡུལ་ཕྲ་རབ་ཀྱི་བར་དུ་བརྟགས་ན་ཡང་དངོས་པོ་མི
205a2 དམིགས་པས། བློ་གྲོས་ཆེན་པོ་འཕགས་པའི་སྤྱོད་ཡུལ་དང་བྲལ་བ་བ་ལང་གི་རྭ་ཡོད་པར་བརྟག་པར་མི་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་རྣམ་པར་མི་རྟོག་པ་ཐོབ
205a3 པ་དེས། མི་སྐྱེ་བའི་མཚན་ཉིད་མཐོང་ནས། རྗེས་སུ་དཔག་པས་ཤིན་དུ་བསམས་ནས། རྣམ་པར་རྟོག་པ་མི་སྐྱེ་བ་སོ་སོར་རབ་ཏུ་རྟོག་པ་ལ་མ་མཆིས་པ་ཞེས་བགྱི་བ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རྣམ་པར་རྟོག་པ་མི་སྐྱེ་བར་སོ་སོར་རབ
205a4 ཏུ་རྟོག་པ་ལ་མེད་པ་ཞེས་བྱ་བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། རྣམ་པར་རྟོག་པ་ནི་རྒྱུ་དེས་སྐྱེ་བའི་ཕྱིར་དེ་ལ་བརྟེན་ནས་རྣམ་པར་རྟོག་པ་སྐྱེའོ། །འདི་ལྟར་རྭ་ལ་བརྟེན་ནས་རྣམ་པར་རྟོག་པ་སྐྱེ་བས་དེའི་ཕྱིར་བརྟེན་པའི་རྒྱུ་ཞེས་བྱ་བའི་ཕྱིར་དང་། ཐ་དད་པ་དང་། ཐ་དད་པ་མ་ཡིན
205a5 པ་རྣམ་པར་སྤངས་པའི་ཕྱིར་རྣམ་པར་རྟོག་པ་མི་སྐྱེ་བར་སོ་སོར་རབ་ཏུ་རྟོག་པ་ལ་རྭ་མེད་ཅེས་བྱ་བ་ནི་མ་ཡིན་ནོ། །བློ་གྲོས་ཆེན་པོ་གལ་ཏེ་རྣམ་པར་རྟོག་པ་དང་། ཐ་དད་ན་ནི་རྭའི་རྒྱུ་ལས་བྱུང་བ་མ་ཡིན་པར་འགྱུར་རོ། །ཅི་སྟེ་ཐ་དད་པ་ཡིན་ན་ནི་དེའི་རྒྱུ་ལས་བྱུང་བའི་ཕྱིར་རྡུལ་ཕྲ
205a6 རབ་ཀྱི་བར་དུ་བརྟགས་ན་མི་དམིགས་ཏེ། རྭ་དང་ཐ་དད་པ་མ་ཡིན་པའི་ཕྱིར་དེ་ཡང་དངོས་པོར་མ་ཡིན་ནོ། །དེ་གཉི་ག་ཡང་དངོས་པོ་མེད་ན་ཆོས་གང་གིས་ཅིའི་ཕྱིར་མེད་ཅེས་བརྗོད། བློ་གྲོས་ཆེན་པོ་གལ་ཏེ་མེད་པའི་ཕྱིར་རི་བོང་གི་རྭ་མེད་ན་ཡོད་པ་ལ་ལྟོས་པའི་ཕྱིར་རི་བོང་གི་རྭ་མེད
205a7 ཅེས་བརྟག་པར་མི་བྱའོ། །བློ་གྲོས་ཆེན་པོ་ཡང་དག་པའི་རྒྱུ་མ་ཡིན་པའི་ཕྱིར་ཡོད་པ་དང་། མེད་པར་སྨྲ་བ་གཉི་ག་འགྲུབ་པར་མི་འགྱུར་རོ། །བློ་གྲོས་ཆེན་པོ་གཞན་ཡང་མུ་སྟེགས་ཀྱི་ལྟ་བ་ཅན་གཟུགས་ཀྱི་དངོས་པོ་དང་། དབྱིབས་དང་། གནས་སུ་བརྟགས་པའི་ཆོས་ལ
iiif viewer powered by OpenSeadragon
