| e-texts navigator |
| Wylie |
202b1 བསྟེན་པར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར། ཚིགས་སུ་བཅད་པ་འདི་དག་གསུངས་སོ། །དཔེར་ན་རྒྱ་མཚོའི་དབའ་རླབས་རྣམས། །དེ་དག་རླུང་དྲག་དབང་གིས་བྱུང་། །རླབས་ཆེན་རྒྱ་མཚོ་རབ་བསྐྱོད་པས། །རྒྱུན་ནི་རྣམ་པར་ཆད
202b2 པ་མེད། །ཀུན་གཞི་རྒྱ་མཚོ་རྟག་གནས་པ། །ཡུལ་གྱི་རླུང་གིས་རབ་བསྐྱོད་ནས། །སྣ་ཚོགས་རྣམ་ཤེས་དབའ་རླབས་རྣམས། །གར་ཅིང་རབ་ཏུ་འཇུག་པར་འགྱུར། །སྔོན་པོ་དམར་པོ་སྣ་ཚོགས་གཟུགས། །དུང་དང་འོ་མ་ཁ་ར་དང་། །བསྐ་བ་མེ་ཏོག་འབྲས་བུ་དང་། །ཉི་ཟླ་དང
202b3 ནི་འོད་ཟེར་དང་། །གཅིག་པ་མ་ཡིན་ཐ་དད་མིན། །རྒྱ་མཚོ་རླབས་རྣམས་རབ་ཏུ་བསྐྱེད། །དེ་བཞིན་རྣམ་ཤེས་བདུན་པོ་ཡང་། །སེམས་དང་ལྷན་ཅིག་རབ་ཏུ་སྐྱེ། །ཇི་ལྟར་རྒྱ་མཚོ་ཡོངས་གྱུར་ནས། །དབའ་རླབས་སྣ་ཚོགས་འཇུག་པ་ལྟར། །རྣམ་ཤེས་བདུན་པོ་དེ་བཞིན་ཏེ། །སེམས་དང་ལྷན
202b4 ཅིག་རབ་ཏུ་སྐྱེ། །ཀུན་གཞི་རྣམ་ཤེས་གནས་ལས་ནི། །རྣམ་ཤེས་སྣ་ཚོགས་རབ་འཇུག་སྟེ། །འདི་ལྟར་ཡིད་དང་རྣམ་ཤེས་དེས། །མཚན་ཉིད་དོན་ལ་རབ་ཏུ་སེམས། །མི་འཇིགས་མཚན་ཉིད་བརྒྱད་ཡོད་དེ། །མཚན་མ་མེད་པའང་མཚན་མ་མེད། །རྒྱ་མཚོ་དང་ནི་དབའ
202b5 རླབས་རྣམས། །ཇི་ལྟར་བྱེ་བྲག་མེད་པ་བཞིན། །རྣམ་ཤེས་སེམས་དང་དེ་བཞིན་དུ། །ཐ་དད་པ་ཡང་མི་དམིགས་སོ། །སེམས་ནི་ལས་སོགས་བྱེད་ཅེས་བྱ། །ཡིད་ཀྱི་རྒྱ་ཆེར་སོགས་པ་སྟེ། །རྣམ་ཤེས་དག་ནི་རྣམ་པར་རིག་།སྣང་བའི་ཡུལ་ལྟོས་སྔར་བཤད་དོ། །དེ་ནས་བྱང
202b6 ཆུབ་སེམས་དཔའ་བློ་གྲོས་ཆེན་པོས་ཚིགས་སུ་བཅད་པས་ཞུ་བ་ཞུས་པ། སྔོན་པོ་དམར་པོའི་གཟུགས་རྣམས་ནི། །སེམས་ཅན་རྣམ་ཤེས་སྐྱེད་པར་བགྱིད། །རླབས་དང་མཚུངས་པའི་སྣ་ཚོགས་ཆོས། །ཅི་སླད་བདག་ལ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས
202b7 ཚིགས་སུ་བཅད་དེ་བཀའ་སྩལ་པ། །སྔོན་པོ་དམར་པོ་སྣ་ཚོགས་གཟུགས། །དབའ་རླབས་དག་ནི་ཡོད་མ་ཡིན། །ལས་སོགས་སེམས་སུ་བཤད་པ་ཡང་། །སྐྱེ་བོ་རྟོགས་པར་བྱ་ཕྱིར་རོ། །ལས་དེ་ཡང་ནི་ཡོད་མ་ཡིན། །རང་གི་སེམས་ནི་གཟུང་དང་བྲལ། །གཟུང་བ
iiif viewer powered by OpenSeadragon
