| e-texts navigator |
| Wylie |
196a1 ཞིང་རྣམས་སྣ་ཚོགས་ཅི་ཡི་ཕྱིར། །དྲང་སྲོང་ཡུན་རིང་དཀའ་ཐུབ་དང་། །རིགས་ཞེས་བྱ་བ་ཇི་ལྟ་བུ། །བླ་མ་གང་ལས་བསླབ་པ་བླང་། །ཅི་ཡི་ཕྱིར་ན་མི་དག་ངན། །ཅི་ཡི་ཕྱིར་ན་རྣལ་འབྱོར་པ། །འདོད་པའི་ཁམས་སུ་འཚང་མི་རྒྱ། །འོག་མིན་དུ་ནི་གྲུབ
196a2 པའི་མཐའ། །ཅི་ཕྱིར་མངོན་ཤེས་འཇིག་རྟེན་པ། །ཅི་ཕྱིར་དགེ་སློང་ཞེས་ནི་བརྗོད། །སྤྲུལ་པའི་སངས་རྒྱས་ཇི་ལྟ་བུ། །རྣམ་སྨིན་སངས་རྒྱས་ཇི་ལྟ་བུ། །དེ་བཞིན་ཉིད་ཀྱི་སངས་རྒྱས་གང་། །མཉམ་ཉིད་ཡེ་ཤེས་སངས་རྒྱས་དང་། །དགེ་འདུན་རྣམས་ཀྱང་ཇི་ལྟ་བུ། །རྒྱལ་སྲས་དེ་བཞིན
196a3 དྲི་བའི་རིགས། །དགུ་པོ་རྒྱུད་མེ་ཏོག་རྔ། །ཞིང་དང་སྣང་བ་སྤངས་པ་དང་། །སེམས་ཙམ་ས་ནི་བདུན་པོ་དག་།དྲིས་པ་རྣམས་ནི་ཡང་དག་ཉིད། །འདི་དང་གཞན་ཡང་རབ་མང་བའི། །དྲི་བ་དག་ནི་རྒྱལ་སྲས་དྲིས། །རེ་རེ་མཚན་ཉིད་རབ་ལྡན་ཞིང་། །ལྟ་བའི་ཉེས་པ་རྣམ་སྤངས་པ། །གྲུབ
196a4 མཐའི་བརྗོད་དང་བྲལ་བ་སྟེ། །ངས་ནི་ད་འདིར་བསྟན་པར་བྱ། །རྣམ་པར་གཞག་པའི་ཚིག་།རྒྱལ་བའི་སྲས་ཀྱིས་ལེགས་པར་ཉོན། །ཚིག་བརྒྱ་རྩ་བརྒྱད་འདི་དག་ནི། །སངས་རྒྱས་རྣམས་ཀྱིས་གསུངས་བཞིན་བཤད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ
196a5 གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཚིག་བརྒྱ་པོ་དག་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། སྐྱེ་བའི་ཚིག་དང་། མི་སྐྱེ་བའི་ཚིག་དང་། རྟག་པའི་ཚིག་དང་། མི་རྟག་པའི་ཚིག་དང་། མཚན་ཉིད་ཀྱི་ཚིག་དང་།
196a6 མཚན་ཉིད་མེད་པའི་ཚིག་དང་། གནས་པ་གཞན་དུ་འགྱུར་བའི་ཚིག་དང་། གནས་པ་གཞན་དུ་འགྱུར་བ་མ་ཡིན་པའི་ཚིག་དང་། སྐད་ཅིག་པའི་ཚིག་དང་། སྐད་ཅིག་མ་ཡིན་པའི་ཚིག་དང་། རང་བཞིན་གྱི་ཚིག་དང་། རང་བཞིན་དང་བྲལ་བའི་ཚིག་དང་། སྟོང་པ་ཉིད་ཀྱི་ཚིག་དང་།
196a7 སྟོང་པ་ཉིད་མ་ཡིན་པའི་ཚིག་དང་། ཆད་པའི་ཚིག་དང་། ཆད་པ་མ་ཡིན་པའི་ཚིག་དང་། སེམས་ཀྱི་ཚིག་དང་། སེམས་མ་ཡིན་པའི་ཚིག་དང་། མཐའི་ཚིག་དང་། མཐའ་མ་ཡིན་པའི་ཚིག་དང་། དབུ་མའི་ཚིག་དང་། དབུ་མ་མ་ཡིན་པའི་ཚིག་དང་། ཐེར་ཟུག་གི་ཚིག་དང་། ཐེར
iiif viewer powered by OpenSeadragon
