| e-texts navigator |
| Wylie |
195b1 ཀྱི། །སྐུ་ལ་རྡུལ་ཕྲན་དུ་ཡོད་ཅེས། །དེ་སྐད་ཅིའི་ཕྱིར་འདྲི་མི་བྱེད། །མེ་ལྕེ་ལ་ནི་རྡུལ་ཕྲན་དུ། །རླུང་ལ་ཡང་ནི་རྡུལ་ཕྲན་དུ། །དབང་པོ་གཅིག་ཅིང་རྡུལ་ཕྲན་དུ། །སྨིན་མ་སྤུ་ཡི་བུ་ག་དུ། །ནོར་སྲུང་དབང་ཕྱུག་རྒྱལ་པོ་དང་། །འཁོར་ལོས་སྒྱུར་བའི་རྒྱལ་པོ་ཡང་། །རྒྱལ་སྲིད་དག
195b2 ནི་ཇི་ལྟར་བསྲུང་། །དེ་དག་ཇི་ལྟར་ཐར་པ་འགྱུར། །ཚིགས་བཅད་རྐྱང་པ་ཇི་ལྟར་སྨྲ། །ཁྱོད་ཀྱིས་ཇི་ལྟར་ཞུས་པ་བཞིན། །སེམས་ཅན་འཁྲིག་པ་སྣ་ཚོགས་དང་། །ཟས་སྐོམ་རྣམ་པ་མང་པོ་དང་། །ཇི་ལྟར་སྐྱེས་བུ་ན་ཆུང་ཚལ། །རྡོ་རྗེ་ལྟ་བུར་སྲ་བའི་རི། །ཇི་ལྟར་སྒྱུ་མ་རྨི
195b3 ལམ་འདྲ། །སྐོམ་གྱིས་གདུངས་པ་ལྟར། །ཇི་ལྟར་རི་བོ་དྲང་སྲོང་ལྷ། །དྲི་ཟས་རབ་ཏུ་བརྒྱན་པ་དང་། །གྲོལ་བ་གང་དུ་འགྲོ་བར་འགྱུར། །བཅིངས་པ་སུ་ཞིག་གང་གིས་འགྲོལ། །བསམ་གཏན་པ་ཡི་ཡུལ་ནི་གང་། །སྤྲུལ་པ་དང་ནི་མུ་སྟེགས་ཀྱང་། །ཅི་ཕྱིར་མེད་པའི
195b4 རྒྱུ་ལས་བྱེད། །ཅིའི་ཕྱིར་ཡོད་པའི་རྒྱུ་ལས་བྱེད། །ཡོད་མེད་རྒྱུ་ལས་བྱེད་པ་དང་། །དེ་བཞིན་ཡོད་མེད་མིན་པའི་རྒྱུ། །སྣང་བ་ལས་ནི་ཇི་ལྟར་ལྡོག་།རྟོག་གེ་ཇི་ལྟར་ཡོངས་སུ་འདག་།རྟོག་གེ་ཇི་ལྟར་འཇུག་པར་འགྱུར། །བྱེད་པ་ཅི་ཡིས་འཇུག་པར་འགྱུར། །ཇི་ལྟར
195b5 འདུ་ཤེས་གཅད་པར་བྱ། །ཇི་ལྟར་ཏིང་ངེ་འཛིན་ལས་ལྡང་། །སྲིད་གསུམ་བཅོམ་པ་དེ་སུ་ཞིག་།གནས་གང་དེ་ཡི་ལུས་ཀྱང་ཅི། །ཅི་ཕྱིར་སེམས་ཅན་མེད་བཞིན་དུ། །བདག་ཡོད་པར་ནི་རྗོད་པར་བྱེད། །ཀུན་རྫོབ་བསྟན་པ་ཇི་ལྟ་བུ། །རྒྱ་ཆེར་རབ་ཏུ་དབྱེར་གསོལ་ཞེས། །
195b6 མཚན་ཉིད་འདྲི་བ་ཅི་ཡི་ཕྱིར། །བདག་མེད་འདྲི་བ་ཇི་ལྟ་བུ། །ཇི་ལྟར་མངལ་གྱི་སྙིང་པོར་སྐྱེ། །ལུས་ནི་ཐ་དད་སྣ་ཚོགས་དང་། །རྟག་ཆད་ལྟ་བ་ཇི་ལྟ་བུ། །ཇི་ལྟར་སེམས་ནི་མཉམ་པར་འཇོག་།བརྗོད་དང་དེ་བཞིན་ཡེ་ཤེས་དང་། །ཚུལ་ཁྲིམས་རིགས་དང་རྒྱལ་བའི་སྲས། །
195b7 རིགས་པ་དང་ནི་སྨྲ་བའང་ཅི། །སློབ་དཔོན་སློབ་མ་ཇི་ལྟ་བུ། །སེམས་ཅན་རྣམ་པ་སྣ་ཚོགས་དང་། །འདི་ལ་སོགས་པ་ཇི་ལྟ་བུ། །ཟས་དང་སྐོམ་ནི་ཇི་ལྟ་བུ། །ཡིད་གཞུངས་བདུད་དང་བཏགས་པ་ཙམ། །ཤིང་དང་འཁྲི་ཤིང་ཅི་ཕྱིར་ཞེས། །རྒྱལ་བའི་སྲས་ཀྱིས་དྲི་བའི་རིགས། །
iiif viewer powered by OpenSeadragon
