| e-texts navigator |
| Wylie |
194b1 ནི་གང་། །རྒྱལ་བའི་སྲས་ནི་དེ་དག་དང་། །རང་རྒྱལ་དང་ནི་ཉན་ཐོས་དག་།རྒྱུ་གང་གིས་ན་འགྱུར་བརྒྱར་འགྱུར། །རྒྱུ་གང་གིས་ནི་སྣང་མེད་བརྒྱ། །འཇིག་རྟེན་མངོན་ཤེས་ཇི་ལྟ་བུ། །འཇིག་རྟེན་འདས་ཀྱིའང་ཇི་ལྟ་བུ། །སེམས་ནི་ས་རྣམས་བདུན་པོར་ཡང་། །ཅི་ལྟར་ཅི་སླད་བདག་ལ
194b2 གསུངས། །དགེ་འདུན་ལ་ནི་རྣམ་པ་དུ། །ཇི་ལྟར་དགེ་འདུན་དབེན་དུ་འགྱུར། །སེམས་ཅན་གསོ་བའི་བསྟན་བཅོས་རྣམས། །དེ་དག་རྒྱུ་རྐྱེན་གང་གིས་ལགས། །ཅི་སླད་ཐུབ་པ་ཆེན་པོ་ཡིས། །འོད་སྲུང་འཁོར་བ་འཇིག་དང་ནི། །གསེར་ཐུབ་ཀྱང་ནི་ང་ཡིན་ཞེས། །དེ
194b3 སྐད་དུ་ནི་བཀའ་ཡང་སྩལ། །ཅི་སླད་རྟག་དང་ཆད་པ་དང་། །དེ་བཞིན་བདག་དང་བདག་མེད་གསུངས། །ཅི་སླད་དུ་ནི་ཐམས་ཅད་དུ། །ཡང་དག་དོན་ནི་གསུང་མི་མཛད། །སེམས་ཅན་དག་གི་སླད་དུ་ཡང་། །སེམས་ཙམ་དུ་ནི་དབྱེ་བ་མཛད། །ཅི་སླད་སྐྱེས་བུ་ན་ཆུང་ཚལ། །
194b4 ཨ་རུ་ར་དང་སྐྱུ་རུ་ར། །ཀེ་ལ་ས་དང་ཁོར་ཡུག་རི། །རྡོ་རྗེ་ལ་སོགས་རི་བོ་རྣམས། །རིན་ཆེན་སྣ་ཚོགས་རབ་བརྒྱན་ཅིང་། །དྲང་སྲོང་དྲི་ཟས་ཀུན་གང་བ། །ཇི་ལྟར་ཅི་སླད་བདག་ལ་གསུངས། །བླ་མེད་འཇིག་རྟེན་མཁྱེན་པ་ཡིས། །ཐེག་ཆེན་སྒྲོལ་བའི་སྒོ་རྣམས་དང་། །
194b5 སངས་རྒྱས་ཀུན་གྱི་སྙིང་པོ་མཆོག་།དེ་ཡི་ཚིགས་བཅད་གསན་པ་དང་། །ལེགས་སོ་དྲིས་པ་རབ་ཏུ་ལེགས། །བློ་གྲོས་ཆེན་པོ་ལེགས་པར་ཉོན། །ངས་ནི་དེང་འདིར་རིམ་བཞིན་དུ། །ཁྱོད་ཀྱིས་གང་དྲིས་བཤད་པར་བྱ། །སྐྱེ་དང་སྐྱེ་བ་མེད་པ་དང་། །མྱ་ངན་འདས
194b6 སྟོང་སྐད་ཅིག་མ། །རང་བཞིན་མེད་ལ་འཇུག་པར་འགྱུར། །སངས་རྒྱས་ཕ་རོལ་ཕྱིན་རྣམས་དང་། །རྒྱལ་སྲས་དང་ནི་ཉན་ཐོས་དང་། །རང་རྒྱལ་མུ་སྟེགས་ཅན་རྣམས་དང་། །གཟུགས་མེད་པ་ཡི་སྤྱོད་རྣམས་དང་། །དེ་བཞིན་དངོས་པོ་སྣ་ཚོགས་རྣམས། །རི་རབ་མཚོ
194b7 བྲན་རི་རྣམས་དང་། །གླིང་དང་ཞིང་དང་ས་རྣམས་དང་། །གཟའ་སྐར་ཉི་མ་ཟླ་བ་དང་། །མུ་སྟེགས་ལྷ་དང་ལྷ་མ་ཡིན། །རྣམ་ཐར་དབང་དང་མངོན་ཤེས་དང་། །སྟོབས་དང་བསམ་གཏན་ཏིང་ངེ་འཛིན། །འགོག་དང་རྫུ་འཕྲུལ་རྐང་པ་དང་། །བྱང་ཆུབ་ཡན་ལག་ལམ་གྱི་ཕྱོགས། །
iiif viewer powered by OpenSeadragon
