| e-texts navigator |
| Wylie |
194a1 ངན་པའི་མི་རྣམས་ཇི་ལྟ་བུ། །རྒྱུ་གང་གིས་ནི་ངན་པར་འགྱུར། །ཚིག་དྲུག་གིས་ནི་ཇི་ལྟར་བསྡུས། །འདོད་ཆེན་པར་ཡང་ཇི་ལྟར་འགྱུར། །སྐྱེས་པ་བུད་མེད་མ་ནིང་རྣམས། །དེ་དག་ཐམས་ཅད་ཅི་སླད་འབྱུང་། །རྣལ་འབྱོར་ལས་ནི་ཇི་ལྟར་ལྡོག་།
194a2 རྣལ་འབྱོར་ཇི་ལྟར་སྐྱེ་བར་འགྱུར། །རྣལ་འབྱོར་པས་ནི་ཆོས་གང་གིས། །ཅི་འདྲའི་གང་ཟག་རྣམ་པར་འཇོག་།སེམས་ཅན་འགྲོ་བར་སྐྱེ་བ་རྣམས། །མཚན་ཉིད་མཚན་མའི་རྣམ་པ་ཅི། །ཕྱུག་པོར་གྱུར་པ་ཇི་ལྟ་བུ། །རྒྱུ་གང་གིས་ནི་ཕྱུག་པོར་འགྱུར། །ཤཱཀྱའི་རིགས
194a3 ནི་ཇི་ལྟ་བུ། །ཅི་ཡི་རྒྱུ་ཡིས་ཤཱཀྱ་བྱུང་། །བུ་རམ་ཤིང་པ་ཇི་ལྟར་བྱུང་། །བླ་མེད་གཙོ་བོས་བཤད་དུ་གསོལ། །ཡུན་རིང་དཀའ་ཐུབ་དྲང་སྲོང་གང་། །དེས་ནི་ཇི་ལྟར་རྗེས་སུ་སྟོན། །དེ་བཞིན་གཤེགས་པ་ཞིང་རྣམས་སུ། །མཚན་དང་དེ་བཞིན་གཟུགས་སྣ་ཚོགས། །རྒྱལ
194a4 བའི་སྲས་ཀྱིས་བསྐོར་བ་ཡང་། །ཅི་ཡི་སླད་དུ་ཀུན་ན་གདའ། །ཅི་སླད་ཤ་རྣམས་གསོལ་མི་མཛད། །ཅི་སླད་ཤ་ནི་རབ་ཏུ་བཀག་།ཤ་ཟའི་རིགས་སུ་སྐྱེས་པ་རྣམས། །རྒྱུ་གང་གིས་ནི་ཤ་འཚལ་ལགས། །ཉི་ཟླའི་དབྱིབས་ཤིང་ཇི་ལྟ་བུ། །རི་རབ་པདྨ་འདྲ་བ་དང་། །སེང་གེ
194a5 མཚན་མཆོག་ཞིང་དག་དང་། །འཇིག་རྟེན་གཟུར་གནས་སྤྱིའུ་ཚུགས་དང་། །དབང་པོའི་དྲ་བ་འདྲ་བ་དང་། །ཁ་ཅིག་རིན་ཆེན་ཀུན་གྱི་ཞིང་། །དགུ་པོ་རྒྱུད་རྔ་འདྲ་དང་། །མེ་ཏོག་སྣ་ཚོགས་དབྱིབས་འདྲ་དང་། །ཁ་ཅིག་ཉི་ཟླའི་འོད་དང་བྲལ། །འདྲི་ལ་སོགས་པ་ཚད་མ
194a6 མཆིས། །སྤྲུལ་པའི་སངས་རྒྱས་ཇི་ལྟ་བུ། །རྣམ་སྨིན་ལས་བྱུང་སངས་རྒྱས་དང་། །དེ་བཞིན་ཉིད་ཀྱི་སངས་རྒྱས་ཅི། །ཡེ་ཤེས་སངས་རྒྱས་ཇི་ལྟ་བུ། །ཅི་སླད་འདོད་པའི་ཁམས་རྣམས་སུ། །མངོན་པར་རྫོགས་པར་འཚང་མི་རྒྱ། །ཅི་ཡི་སླད་དུ་འོག་མིན་པ། །ཆགས་བྲལ
194a7 ཁྲོད་དུ་བྱང་ཆུབ་བརྙེས། །བདེ་གཤེགས་མྱ་ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ལྷ་ཡི་སྟོན་པ་ཇི་སྲིད་བཞུགས། །ཡང་དག་ཆོས་ནི་ཇི་སྲིད་གནས། །གྲུབ་མཐའ་དང་ནི་ལྟ་བ་ཡང་། །དེ་དག་ལ་ནི་རྣམ་པ་དུ། །འདུལ་བ་དང་ནི་དགེ་སློང་རིས། །ཅི་སླད་རྒྱུ་དང་རྐྱེན
iiif viewer powered by OpenSeadragon
