| e-texts navigator |
| Wylie |
193b1 རྣམས་ཀྱང་། །ཡུལ་རྣམས་ཅི་སླད་འཁྲུག་པར་འགྱུར། །ཅི་སླད་སྲིད་པར་ལྟ་བར་བགྱིད། །ཇི་ལྟར་སྐྱེ་འགག་མ་མཆིས་ཤིང་། །འཇིག་རྟེན་ནམ་མཁའ་མེ་ཏོག་འདྲ། །འཇིག་རྟེན་ཇི་ལྟར་ཐུགས་སུ་ཆུད། །ཅི་སླད་ཡི་གེ་བྲལ་བར་གསུང་། །རྣམ་རྟོག་སྤངས་པ་དེ་སུ
193b2 ལགས། །ཇི་ལྟར་ནམ་མཁའ་འདྲ་བ་ལགས། །དེ་ཁོ་ན་ལ་དུ་ཞིག་མཆིས། །ཕ་རོལ་ཕྱིན་སེམས་རྣམ་པ་དུ། །རྒྱུ་གང་གིས་ནི་ས་རྣམས་སྒྲོལ། །ལེན་མ་མཆིས་པར་སུ་ཞིག་མཆི། །བདག་མེད་རྣམ་གཉིས་གང་ཞིག་ལགས། །ཤེས་བྱ་ཇི་ལྟར་རྣམ་པར་འདག་།ཡེ
193b3 ཤེས་དག་ནི་རྣམ་པ་དུ། །ཚུལ་ཁྲིམས་སེམས་ཅན་ཉིད་ནི་དུ། །ནོར་བུ་མུ་ཏིག་ལ་སོགས་པའི། །རིགས་རྣམས་སུ་ཡིས་རབ་ཏུ་བསྐྱེད། །སེམས་ཅན་རྣམ་པ་སྣ་ཚོགས་དང་། །བརྗོད་པ་དག་ནི་སུ་ཡིས་བསྐྱེད། །རིག་པའི་གནས་དང་བཟོ་ཡི་རྣམས། །སུ་ཡིས
193b4 ཇི་ལྟར་རབ་ཏུ་བསྟན། །ཚིགས་སུ་བཅད་པ་རྣམ་པ་དུ། །ཚིགས་བཅད་རིང་ཐུང་ཇི་ལྟ་བུ། །རིགས་པ་རྣམ་པ་དུ་ཞིག་མཆིས། །ཅི་ཡི་སླད་དུ་སྨྲ་ཞེས་བགྱི། །སྐོམ་དང་ཟས་རྣམས་ཇི་ལྟར་འབྱུང་། །ཇི་ལྟར་སྲེད་པའི་འདོད་པ་འབྱུང་། །ཅི་སླད་རྒྱལ་པོ་ཞེས་བགྱི་ལགས། །
193b5 འཁོར་ལོས་སྒྱུར་དང་རྒྱལ་ཕྲན་ཅི། །ཡུལ་ནི་ཇི་ལྟར་བསྲུང་བར་བགྱི། །ལྷ་ཡི་རིས་ལ་རྣམ་པ་དུ། །ཅི་ཡི་སླད་དུ་ས་ཞེས་བགྱི། །གཟའ་སྐར་ཉི་ཟླ་ཇི་ལྟ་བུ། །ཐར་པ་དང་ནི་རྣལ་འབྱོར་པ། །དེ་དག་རྣམ་པ་དུ་ཞིག་མཆིས། །སློབ་མ་རྣམ་པ་དུ་ཞིག་མཆིས། །སློབ
193b6 དཔོན་དུ་ཡང་ཇི་ལྟར་འགྱུར། །སངས་རྒྱས་རྣམ་པ་དུ་ཞིག་ལགས། །སྐྱེས་པའི་རབས་ལ་རྣམ་པ་དུ། །བདུད་དང་སློབ་པའི་བྱེ་བྲག་རྣམས། །དེ་དག་ལ་ནི་རྣམ་པ་དུ། །རང་བཞིན་དང་ནི་སེམས་རྣམས་ཀྱང་། །དེ་དག་ལ་ནི་དུ་ཞིག་མཆིས། །བཏགས་པ་ཙམ
193b7 ཡང་ཇི་ལྟ་བུ། །རྒྱལ་བས་བདག་ལ་བཤད་དུ་གསོལ། །ནམ་མཁའ་སྤྲིན་རླུང་ཇི་ལྟ་བུ། །དྲན་དང་ཡིད་གཞུངས་གསལ་བ་ཅི། །ནགས་ཚལ་ཤིང་ནི་ཇི་ལྟ་བུ། །འཁྲི་ཤིང་དག་ནི་ཅི་ལས་གྱུར། །གླང་པོ་རྟ་དང་རྣམས། །ཇི་ལྟར་གཟུང་དུ་རུང་བར་འགྱུར། །
iiif viewer powered by OpenSeadragon
