| e-texts navigator |
| Wylie |
193a1 བགྱི། །རྣམ་གྲོལ་གང་དུ་མཆི་བར་འགྱུར། །གང་ལ་འཆིང་ཞིང་གང་དག་དགྲོལ། །བསམ་གཏན་སྤྱོད་ཡུལ་ཇི་ལྟ་བུ། །ཇི་སླད་ཐེག་པ་གསུམ་པོ་མཆིས། །བདག་ལ་བསྟན་ཅིང་བཤད་དུ་གསོལ། །རྐྱེན་རྣམས་གང་ལས་སྐྱེ་བ་ལགས། །བྱེད
193a2 དང་བྱས་པ་ཇི་ལྟ་བུ། །གཉི་ག་ཐ་དད་ཅི་སླད་བཤད། །ཇི་ལྟ་བུར་ན་འཕེལ་བ་ལགས། །གཟུགས་མེད་སྙོམས་པར་འཇུག་པ་དང་། །འགོག་པའི་སྙོམས་འཇུག་ཇི་ལྟ་བུ། །འདུ་ཤེས་འགོག་པ་ཇི་ལྟ་བུ། །ཏིང་ངེ་འཛིན་ལས་ཇི་ལྟར་སད། །ཅི་ཡི་སླད་དུ་བྱས་པ
193a3 འབྱུང་། །འགྲོ་བ་དང་ནི་ལུས་འཛིན་ཅི། །ཇི་ལྟར་རྣམ་རྟོག་སྣང་བར་འགྱུར། །ས་རྣམས་ཇི་ལྟར་སྐྱེ་བར་འགྱུར། །སྲིད་གསུམ་འཇིག་པ་དེ་སུ་ཞིག་།གནས་ནི་གང་ལགས་ལུས་ནི་ཅི། །སྐྱེ་གནས་གང་དུ་བགྲོད་པར་འགྱུར། །རྒྱལ་བའི་སྲས་སུ་ཇི་ལྟར་འགྱུར། །
193a4 མངོན་པར་ཤེས་དང་དབང་རྣམས་དང་། །ཏིང་འཛིན་རྣམས་ནི་ཇི་ལྟར་འཐོབ། །ཏིང་འཛིན་སེམས་ནི་ཇི་ལྟ་བུ། །རྒྱལ་བས་བདག་ལ་བཤད་དུ་གསོལ། །ཅི་སླད་ཀུན་གཞི་ཞེས་བགྱི་ལགས། །ཡིད་དང་རྣམ་ཤེས་ཇི་ལྟ་བུ། །སྐྱེ་དང་འཇིག་པ་ཇི་ལྟ་བུ། །ཇི་ལྟར
193a5 མཐོང་ནས་སླར་ཡང་ལྡོག་། ཇི་ལྟ་བུར་ན་རིགས་སུ་འགྱུར། །རིགས་མ་མཆིས་དང་སེམས་ཙམ་དང་། །སྒྲོ་འདོགས་མཚན་ཉིད་ཇི་ལྟ་བུ། །བདག་མེད་དོན་དུ་ཇི་ལྟར་འགྱུར། །སེམས་ཅན་མ་མཆིས་ཇི་ལྟ་བུ། །ཀུན་རྫོབ་བཤད་པ་ཇི་ལྟ་བུ། །ཇི་ལྟར་རྟག་དང་ཆད
193a6 པ་ཡི། །ལྟ་བ་རབ་ཏུ་འབྱུང་མི་འགྱུར། །ཇི་ལྟར་སངས་རྒྱས་མུ་སྟེགས་དག་།མཚན་ཉིད་རྣམས་ཀྱིས་འགལ་མི་འགྱུར། །ཇི་ལྟར་མ་འོངས་དུས་དག་ན། །སྡེ་པ་ཐ་དད་འབྱུང་བར་འགྱུར། །ཇི་ལྟར་སྟོང་ཉིད་རྒྱུ་ཅི་ཡིས། །ཇི་ལྟར་སྐད་ཅིག་འཇིག་པར་འགྱུར། །
193a7 མངལ་གྱི་སྙིང་པོར་ཇི་ལྟར་སྐྱེ། །ཇི་ལྟར་འཇིག་རྟེན་གྱིས་མི་གཡོས། །ཇི་ལྟར་སྒྱུ་མ་རྨི་ལམ་འདྲ། །དེ་བཞིན་དྲི་ཟའི་གྲོང་ཁྱེར་དང་། །འཇིག་རྟེན་སྨིག་རྒྱུ་ལྟ་བུ་དང་། །ཆུ་ཟླ་དང་ནི་འོད་དག་དང་། །བྱང་ཆུབ་ཡན་ལག་ཅི་སླད་གསུངས། །དེ་བཞིན་བྱང་ཆུབ་ཕྱོགས
iiif viewer powered by OpenSeadragon
