| e-texts navigator |
| Wylie |
287b1 ཀྱི་འབྲས་བུ་དྲིས་སོ། །དེ་ནས་དགེ་སློང་དེས་སྐྱེ་བོ་མང་པོ་ལ་ཕན་པའི་ཕྱིར་དང་། སྐྱེ་བོ་མང་པོ་ལ་བདེ་བའི་ཕྱིར་དང་། འཇིག་རྟེན་ལ་སྙིང་བརྩེ་བའི་ཕྱིར་དང་། ལྷ་དང་མི་རྣམས་ཀྱི་སྐྱེ་བོ་ཕལ་པོ་ཆེའི་དོན་དང་། ཕན་པ་དང་བདེ་བའི་ཕྱིར་ཁྱིམ་བདག་དེ་ལ་དཀྱིལ་འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་བསྟན་ཏེ། ཁྱིམ་བདག་དཀྱིལ
287b2 འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་གང་ཞེ་ན། བདེ་བ་ཐམས་ཅད་སྦྱིན་པར་བྱེད་པའོ། །དེས་འཁོར་ཕུན་སུམ་ཚོགས་པ་ཐོབ་པར་འགྱུར་ཏེ། གང་དང་གང་དུ་སྐྱེས་པར་ཆོས་དང་ལྡན་པའི་སེམས་ཅན་རྣམས་དང་མི་འབྲལ་བར་འགྱུར། འཁོར་མང་པོས་ལུས་ཕུན་སུམ་ཚོགས་ནས་གཟུགས་བཟང་པོ་ཉིད་ཐོབ
287b3 པར་འགྱུར། ཡོ་བྱད་ཕུན་སུམ་ཚོགས་པ་འཐོབ་པར་འགྱུར་ཏེ། བཙལ་དགོས་པར་ཡོ་བྱད་རྣམས་འབྱོར་བར་འགྱུར། ལུས་སྲ་ཞིང་བརྟན་ལ་ལུས་ཕུན་སུམ་ཚོགས་པ་འཐོབ་པར་འགྱུར་ཞིང་། དེ་ལ་རི་དང་རྩིག་པ་རྣམས་ཀྱང་སྒྲིབ་པ་མི་བྱེད་དེ། ཕུན་སུམ་ཚོགས་པ་བཞི་པོ་དེ་དག་འཐོབ་པར་འགྱུར་རོ། །དེ་ནས
287b4 ཁྱིམ་བདག་དེ་དགའ་ཞིང་མགུ་ལ་ཡི་རངས་པར་གྱུར་ནས། དགེ་སློང་དེའི་རྐང་པ་ལ་ཕྱག་བྱས་ཏེ་འདི་སྐད་ཅེས་སྨྲས་སོ། །འཕགས་པ་དཀྱིལ་འཁོར་བརྒྱད་སྟོན་ཅིག་དང་། དེས་བདག་ལ་མངོན་སུམ་དུ་འགྱུར་རོ། །དེ་ནས་དགེ་སློང་རྣམ་པར་རྒྱལ་བ་འབྱུང་བས་ཁྱིམ་བདག་དེའི་བསམ་པ་ཤེས་ནས་ཡང་དག་པར་རབ་ཏུ
287b5 བསྟན་ཏེ། རིགས་ཀྱི་བུ་ཉོན་ཅིག་དང་བསྟན་པར་བྱའོ། །དེས་ན་ལྕི་བ་གསར་བསྲེས་པའི། །དཀྱིལ་འཁོར་གྲུ་བཞི་ལྷམ་པར་བྱ། །སེམས་ཅན་ཀུན་དང་ཐུན་མོང་དུ། །འདས་པའི་སངས་རྒྱས་གང་ཡིན་དང་། །གང་དག་མ་འོངས་ད་ལྟར་བྱུང་། །བྱང་ཆུབ་སེམས་དཔའ་ཉན་ཐོས་དང་། །རང་སངས་རྒྱས་དག་གང་ཡོད་པ། །དེ་དག
287b6 རྣམས་ལ་ཡོངས་སུ་བསྔོ། །དེ་ནས་དཀྱིལ་འཁོར་ཁོར་ཡུག་ཏུ། །འཁོར་གྱི་དཀྱིལ་འཁོར་རྣམས་བྱ་སྟེ། །འཇིག་རྟེན་དབང་དང་བྱམས་པ་དང་། །ཐུབ་པ་སྐྱེས་མཆོག་ནམ་མཁའ་དང་། །ཀུན་ཏུ་བཟང་པོ་བློ་ལྡན་དང་། །གསང་བ་པ་ཡི་བདག་པོ་དང་། །འཇམ་དཔལ་གཞོན་ནུར་གྱུར་པ་དང་། །སྒྲིབ་པ་ཐམས་ཅད་རྣམ་སེལ་དང་། །
287b7 དེ་བཞིན་ས་ཡི་སྙིང་པོ་སྟེ། །དེ་དག་གི་ཆེད་དུ་དཀྱིལ་འཁོར་བརྒྱད་བྱའོ། །ཁྱིམ་བདག་འདི་ནི་དཀྱིལ་འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་ཡིན་ཏེ། འདི་ནི་བདག་གིས་བཅོམ་ལྡན་འདས་དེ་བཞིན་གཤེགས་པ་སྣང་བ་བསམ་གྱིས་མི་ཁྱབ་པ་དེ་ལས་མངོན་སུམ་དུ་ཐོས་སོ། །ཁྱིམ་བདག་གཞན་ཡང་ཉོན་ཅིག་།
iiif viewer powered by OpenSeadragon
