| e-texts navigator |
| Wylie |
261b1 བ་མཐོང་བར་འགྱུར། །བསྐལ་པ་བྱེ་བ་བརྒྱད་ཅུར་ནི། །དེ་དག་ངན་འགྲོར་འགྲོ་མི་འགྱུར། །དེ་དག་བསྐལ་པ་རེ་རེ་ལའང་། །སངས་རྒྱས་བྱེ་བ་མཐོང་བར་འགྱུར། །དེ་དག་བསྐལ་པ་གཅིག་དེ་ལ། །རྐང་གཉིས་རྣམས་ཀྱི་མཆོག་འགྱུར་ཏེ། །འོད་བྱེད་ཅེས
261b2 བྱའི་བསྐལ་གཅིག་ལ། །ཚངས་པའི་སྒྲ་ཞེས་བྱ་བར་འགྱུར། །དེ་དག་ཚེ་ཚད་མཚུངས་འགྱུར་ཏེ། །བསྐལ་པ་བྱེ་བ་བརྒྱད་ཅུ་ཐུབ། །ཞིང་མཚུངས་དགེ་འདུན་མཚུངས་འགྱུར་ཏེ། །དགེ་སློང་བྱེ་བ་བརྒྱད་ཅུ་ཡོད། །སེམས་ཅན་རྣམས་ཀྱི་དོན་སྤྱོད་ཅིང་། །ཆོས
261b3 འདི་ལ་ཡང་སྤྱད་བྱས་ནས། །དེ་དག་ཐམས་ཅད་མཐར་གྱིས་སུ། །མྱ་ངན་འདས་པ་ཞི་བ་འཐོབ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སྤོབས་པ་བརྩེགས་དང་། བྱང་ཆུབ་སེམས་དཔའ་དྲི་མ་མེད་ཀྱིས་བྱིན་པ་དང་། འཇམ
261b4 དཔལ་གཞོན་ནུར་གྱུར་པ་དང་། བྲམ་ཟེ་དེ་དག་དང་། རྒྱལ་པོ་གསལ་རྒྱལ་དང་། ཉན་ཐོས་ཆེན་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།
261b5 འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་དྲི་མ་མེད་ཀྱིས་བྱིན་པས་ཞུས་པ་ཞེས་བྱ་སྟེ་ལེའུ་སུམ་ཅུ་རྩ་གསུམ་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ
261b6 ཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། ། །།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་ལེའུ་སུམ་ཅུ་རྩ་བཞི་པ་སྟེ་ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ལུང་བསྟན་པ། བམ་པོ
261b7 ཕྱེད། རྒྱ་གར་སྐད་དུ། ཨཱརྱ་གུ་ཎ་རཏྣ་སང་ཀུ་སུ་མི་ཏ་པ་རི་པྲྀཙྪཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག
iiif viewer powered by OpenSeadragon
