| e-texts navigator |
| Wylie |
261a1 དག་གིས་ནོངས་པ་རྙེད། །དེ་དག་ཁ་ཟས་ངན་པ་འཚལ། །དྲི་མེད་བྱིན་པས་མཆོད་སྦྱིན་སླད། །བདག་ཅག་འགྲོན་དུ་བོས་པར་གྱུར། །སྟོན་པའི་ཉན་ཐོས་རྣམས་མཐོང་ནས། །མ་གུས་པས་ནི་སྡོད་ཅིང་མཆིས། །དེ་ལ་བདག་ཅག
261a2 རྣམས་ཀྱིས་དྲིས། །ཁྱོད་ཀྱིས་འདྲེན་པ་གང་ན་མཐོང་། །དེས་སྨྲས་བཙས་ནས་ཞག་བདུན་ན། །ཁོ་མོས་སངས་རྒྱས་མཚན་ཐོས་མཆི། །དེ་ཡིས་སངས་རྒྱས་བསྔགས་མང་བ། །དེ་བཞིན་གཞན་དུ་མི་འགྱུར་བརྗོད། །དེ་ཡི་ཚིག་ཐོས་བདག་ཅག་ཀུན། །
261a3 བྱང་ཆུབ་མཆོག་ཏུ་ཡང་དག་ཞུགས། །བདག་ཅག་སྔོན་གྱི་བསོད་ནམས་དང་། །སངས་རྒྱས་ཞེས་བགྱིའི་སྒྲས་བསྐུལ་བས། །ཤཱཀྱ་སེང་གེའི་ཞབས་ལ་ནི། །ཕྱག་བགྱིའི་སླད་དུ་ལྷགས་པ་ལགས། །རྫོགས་པའི་སངས་རྒྱས་མཐོང་ཕྱག་བགྱིས། །ཆོས
261a4 ཀྱི་དམ་པ་ཐོས་པར་གྱུར། །རྐང་གཉིས་དམ་པ་འདི་མཐོང་བས། །བདག་ཅག་སྡུག་བསྔལ་ཀུན་ལས་གྲོལ། །སྐྱོབ་པ་ཤཱཀྱ་སེང་གེ་ཡིས། །ཆོས་གང་བཤད་པ་མཛད་པ་རྣམས། །སངས་རྒྱས་ཆོས་ཀྱི་དོན་སླད་དུ། །བདག་ཅག་དེ་ལ་སློབ་པར་བགྱིད། །
261a5 སངས་རྒྱས་ཆོས་ཐོབ་བགྱི་སླད་དུ། །བྱང་ཆུབ་སྤྱོད་པ་ཐོས་གྱུར་ནས། །བདག་ཅག་ཡང་དག་ནན་ཏན་གྱིས། །སྤྱོད་པ་དེ་ལ་བསླབ་པར་བགྱི། །བྱང་ཆུབ་སེམས་དཔའི་སྤྱོད་གང་དང་། །ལམ་དང་སྒོ་ཡང་བསྟན་པ་ལ། །ནན་ཏན་གྱིས་ནི་གནས་པར་བགྱི། །འཇིག་རྟེན
261a6 རྣམས་ཀྱི་མཆོད་རྟེན་འགྱུར། །དེ་དག་ལྷག་པའི་བསམ་མཁྱེན་ནས། །ཐུབ་པས་དེ་ཚེ་འཛུམ་པ་མཛད། །ཐུབ་ཆེན་ལུང་བསྟན་མཛད་གསོལ་ཞེས། །སངས་རྒྱས་ལ་ནི་ཀུན་དགས་ཞུས། །བཅོམ་ལྡན་འདས་ཀྱིས་ཀུན་དགའ་ལ། །འདི་སྐད་ཅེས་ནི་བཀའ་སྩལ་ཏོ། །
261a7 བྲམ་ཟེ་ལྔ་བརྒྱ་འདི་དག་དང་། །བྲམ་ཟེ་ཚངས་པའི་ལྷ་དེ་དང་། །དེ་ཀུན་བསྐལ་པ་གཅིག་གི་ཚེ། །རྣམ་པར་འདྲེན་པ་སངས་རྒྱས་འགྱུར། །སངས་རྒྱས་ལྔ་བརྒྱ་ཐམ་པ་ལ། །ཚེ་རབས་སྔ་མར་མཆོད་བྱས་པ། །དེ་ནས་ཕྱིན་ཆད་སྤྱོད་ཚེ་ཡང་། །སངས་རྒྱས་བྱེ
iiif viewer powered by OpenSeadragon
