| e-texts navigator |
| Wylie |
260b1 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞད་ཅིང་འཛུམ་པ་དྲི་མ་མེད་པའི་ཏོག་གི་རྒྱལ་པོ་ཞེས་བྱ་བར་འགྱུར་རོ། །དེ་ནས་བྱང་ཆུབ་སེམས་དཔའ་དྲི་མ་མེད་ཀྱིས་བྱིན་པས་བཅོམ་ལྡན་འདས་ལས་མངོན་སུམ་དུ་ལུང་བསྟན་པ་ཐོས་ནས་དགའ་བ་དང་།
260b2 མཆོག་ཏུ་དགའ་བ་དེས་ཏ་ལ་བྱེ་བ་ཕྲག་བརྒྱད་ཅུ་སྲིད་དུ་ནམ་མཁའ་ལ་མངོན་པར་འཕགས་ཏེ། སངས་རྒྱས་ཀྱི་ཞིང་སྟོང་འོད་ཀྱིས་ཁྱབ་པར་བྱས་ནས་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་རིན་པོ་ཆེའི་གདུགས་ཚད་དཔག་ཚད་བརྒྱད་ཁྲི་བཞི་སྟོང་ཡོད་པ་བྱིན་གྱིས་བརླབས་ཏེ།
260b3 རིན་པོ་ཆེའི་གདུགས་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཁེབས་སོ། །དེས་ཀྱང་ནམ་མཁའ་དེ་ཉིད་ན་རྫུ་འཕྲུལ་དཔག་ཏུ་མེད་པ་བྱས་ནས་ཕྱོགས་བཅུའི་སངས་རྒྱས་གང་གཱའི་ཀླུང་གི་བྱེ་མ་སྙེད་དག་ལ་བསྟོད་ཅིང་ཕྱག་འཚལ་ཏེ་བསྟི་སྟང་བྱས་ནས་ནམ་མཁའ
260b4 དེ་ལས་བབས་ཏེ། བཅོམ་ལྡན་འདས་ལ་ལན་སྟོང་བསྐོར་བ་བྱས་ནས་ཕྱོགས་གཅིག་ཏུ་འདུག་གོ་།དེ་ནས་བྲམ་ཟེ་ཚངས་པའི་ལྷ་ལ་སོགས་པ་བྲམ་ཟེ་ལྔ་བརྒྱ་པོ་དེ་དག་གིས་བྱང་ཆུབ་སེམས་དཔའ་དྲི་མ་མེད་ཀྱིས་བྱིན་པའི་རྫུ་འཕྲུལ་གྱི་ཆོ་འཕྲུལ་ཡང་མཐོང་། ལུང་བསྟན
260b5 པ་དེ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས་བདེ་བ་དང་། ཡིད་བདེ་བ་སྐྱེས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་སྒྲ་སྐད་འཐུན་པར་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། གང་དག་སངས་རྒྱས་གུས
260b6 མཆིས་དང་། །གང་དག་སངས་རྒྱས་ཆོས་སླད་དུ། །བློ་ནི་ཤིན་ཏུ་ངེས་གྱུར་པ། །དེ་དག་རྙེད་པ་ཆེན་པོ་རྙེད། །སྔོན་ཆད་སྡིག་པའི་ལས་བགྱིས་པས། །བདག་ཅག་བྲམ་ཟེའི་ཁྱིམ་དུ་སྐྱེས། །སྟོན་པའི་ཉན་ཐོས་མཐོང་གྱུར་ན། །བཀྲ་མི་ཤིས་ཞེས་ཚིག་ཏུ
260b7 བརྗོད། །སངས་རྒྱས་སྲས་དག་མཐོང་གྱུར་ན། །བཀྲ་མི་ཤིས་ཞེས་བགྱིས་པ་ཡི། །ཚིག་ཏུ་བརྗོད་པ་གང་མཆིས་པ། །བཙུན་པ་ནོངས་པ་བཤགས་པར་བགྱིད། །ཚོགས་ཀྱི་རྒྱལ་པོ་མཆོག་གྱུར་པ། །སངས་རྒྱས་གང་དག་མ་མཐོང་བ། །མི་དེ
iiif viewer powered by OpenSeadragon
