| e-texts navigator |
| Wylie |
213a1 བྲག་ཆེན་རྣམས་ནི་འཇིག་འགྱུར་ཡང་། །སྐྱོབ་པར་བྱེད་པ་ཡོད་མ་ཡིན། །ཇི་ལྟར་མེ་ཡིས་རིར་བཅས་དང་། །རྒྱ་མཚོར་བཅས་པ་སྲེག་པ་ལྟར། །དེ་བཞིན་བུད་མེད་མེ་འདྲ་སྟེ། །གཏུམ་ཞིང་སྐྱེས་བུ་གཡོ་བར་བྱེད། །སྣབས་དང་མཆིལ་མ་ཁ་ཆུ
213a2 དང་། །ཀླད་རྒྱས་རུལ་པའི་ཀླད་པ་དང་། །ལུས་ལས་དྲི་ང་འཛག་དེ་ལ། །བྱིས་པ་རྣམས་ནི་སྦྲང་རྩི་བཞིན། །ཁ་སྒོ་རུས་པས་གང་བ་དང་། །ཤ་དང་ལྤགས་ལ་སོགས་བསགས་ཤིང་། །དེ་བཞིན་ལུས་ནི་འབྲས་འདྲ་སྟེ། །དྲི་ང་སྨད་པར་བྱ་བ་ཡིན། །མི་གཙང་སྣ
213a3 ཚོགས་གང་བ་དང་། །འབྲས་ནི་སྨིན་པར་གྱུར་པ་ལྟར། །དེ་ལྟར་ལུས་འདི་མི་གཙང་བ། །སྣ་ཚོགས་རྣམས་ཀྱི་སྣོད་ཡིན་ནོ། །ལྟོ་ནི་གཉེ་མ་མཚེར་པ་དང་། །གློ་བས་གང་ཞིང་མཁལ་མ་དང་། །ཁྲག་དང་མཁྲིས་པས་གང་གྱུར་ལ། །ཀླད་རྒྱས་ཀྱིས་ནི་ཀླད་པ་གང་། །
213a4 ཁོང་པའི་ནང་ན་སྲིན་བུའི་རིགས། །བརྒྱད་ཁྲི་པོ་དག་གནས་གྱུར་ཀྱང་། །གཏི་མུག་དྲ་བས་བསྒྲིབས་པ་ཡི། །བྱིས་པ་རྣམས་ཀྱིས་མི་མཐོང་ངོ་། །རྨ་སྒོ་དགུ་ནས་རྟག་ཏུ་ནི། །མི་གཙང་རུལ་བ་ཟག་གྱུར་ཀྱང་། །སྨྲ་བ་དག་དང་ལྟ་བ་ལ། །བྱིས་པ་རྣམས་ནི་མཚན
213a5 མར་འཛིན། །གང་ཞིག་ཀུན་གྱིས་སྨད་པའི་ཡུལ། །ཆགས་པ་རྣམས་ཀྱིས་ཕྱིས་མི་ཤེས། །མི་གཙང་སྤྱོད་ཡུལ་བྱིས་པ་རྣམས། །སྣབས་དང་མཆིལ་མ་ཟ་བར་བྱེད། །སྨད་པར་འོས་ལ་ཆགས་བྱེད་པ། །སྦྲང་བུ་རྣམས་ཀྱིས་རྨ་མཐོང་བཞིན། །མཆན
213a6 ཁུང་དག་ནས་རྡུལ་འཛག་ཅིང་། །སྨད་པའི་དྲི་ནི་འབྱུང་བར་འགྱུར། །བྱིས་པ་སྡུག་བསྔལ་ཆགས་བྱེད་པ། །དེ་དག་བདག་ལ་གནོད་ཕྱིར་གཡོ། །དེས་ནི་མྱུར་དུ་ཕོངས་གྱུར་ཏེ། །ཉ་རྣམས་ཆུ་ནས་བཏོན་པ་བཞིན། །འཇིགས་རུང་ལག་ན་མཚོན་ཐོགས་ཀྱིས། །
213a7 ཇི་ལྟར་མི་ཞིག་གཙེས་པ་ལྟར། །མཚོན་འདྲའི་བུད་མེད་སྡིག་ཅན་གྱིས། །འདོད་ལ་ཆགས་རྣམས་དེ་བཞིན་ནོ། །རྣམ་རྒྱལ་ལག་ན་མཚོན་ཐོགས་པས། །ཇི་ལྟར་རྒྱལ་པོ་གཙེས་པ་ལྟར། །འདོད་ཆགས་མེ་དང་འདྲ་བ་ཡིས། །འདོད་ལ་ཆགས་རྣམས་དེ་བཞིན
iiif viewer powered by OpenSeadragon
